Nm 10:33 - Chuj San Sebastian Bible

³³ Xlajw cha, 'ix 'el paxt eb' 'a lum Sinaí, atn lum witz 'aj 'ix sch'ox sb'a Jehová, 'oxe c'u 'ix b'ey eb'. B'ab'l scot te scaxail strato Jehová yuj eb', yic sch'oxn junc lugar 'aj wach' yilj eb'.

Chuj San Mateo Bible

³³ Ix lajvi chi', ix el eb' d'a Sinaí, aton jun tzalan b'aj ix sch'ox sb'a Jehová. Oxe' c'ual ix b'ey eb'. B'ab'el te' scaxail strato Jehová yuj eb', a sch'oxan junoc b'aj vach' syic' yip eb'.

Nm 10:33 Referans Kwoze

Dt 1:33

A Dios b'ab'l scot cujec, yic sayn 'aj wach' on̈ 'ochcwa'an. A 'a 'ac'wal, a jun c'ac' tzon̈ 'i'nec b'eyoc, ax 'a c'ual, a jun 'asn tzon̈ 'i'nec pax b'eyoc, xchi Moisés.

Ex 3:1

'Ix 'och Moisés 'ilj calnelu 'a sn̈i', atn win Jetro cha. 'Ay jun c'ual 'ix 'at Moisés chi 'ilj calnelu 'a lum cusltac lu'um, masnto 'ix c'och 'a yich witz Horeb, atn 'a jun witz chi 'aj sch'ox sb'a Dios 'a 'a.

A Ch'an̈ Carta D'a Eb' Hebreo 13:20

A Dios 'a'm junc'ojlal. A 'a'jnac pitzwc pax Cajlil Jesucristo 'a scal eb' chamnac. A Jesucristo, 'icha 'Ilm Calnelu yaj 'ayn̈ec, caw niwn yel'chi. Yuj schiq'uil, 'ix 'el'ch jun strato Dios 'aycn 'a jun 'ejmn̈ej.

Ez 20:6

A 'a jun tiempoal cha, ata 'ix wa'cn in ti', to tzwij 'elt eb' 'a Egipto, tzwi'n cot eb' 'a lum lum caw wal 'ay syaxil sat, atn lum yel xo wal wach' 'a yib'n̈ lum lum smasnil.

Jeremías 6:16

'Ix yal Jehová 'a eb' schon̈b' 'ixtic: 'Ochn̈ec wan lin̈n 'a 'aj tzchaj sb'a jun tzo'n̈ b'e, tze maclni eyila'. Tze c'anb'n 'ec' jun tzo'n̈ 'ichm b'e yet' 'ajtil 'ay b'e wach'. A 'a yol jun b'e caw wach' cha, ata tzex 'ati, sec wach' 'oj eyilji, xin chi. Palta 'ix eyaln 'ixtic: Ma'ay, matz qui nib'j tzo'n̈ 'at ta 'on̈, xe chi.

Jeremías 3:16

An Jehová in, an tzwala to a yic 'oj niwtjoc e b'isl 'a jun chon̈b' cha, man̈x 'a 'aj 'oj eyac' b'inaxc te scaxail in trato. Man̈x 'oj e na cot te', man̈x 'oj jawc te 'a e nab'en, man̈x 'a tas 'oj e na 'a te', man̈x 'oj eyac' b'o junc xo te 'a'to.

Is 66:1

'Ix yaln pax Jehová 'ixtic: A satcha'an̈, a chi in despacho yaji, ax lum lu'um, a chi sb'achnub' woc yaji. Ax xo tic, ¿'aj wach' tze b'o junc watut yic tzin 'ilj 'a 'a?

Is 28:12

Atn 'a eb' tic yaljnac can Dios 'ixtic: Yaj 'iljelal 'a tic, a mach c'unb'nac, 'iljan̈ec, 'a'c sicb' e c'ojl 'a tic, xchi 'a eb'. Palta ma'ix schaj eb' yab'i'.

Salmos 95:11

Yuj cha, 'a scal yowl in c'ojol, xwa'n in ti', to may b'a'n̈ 'oj 'och eb' 'iljoc wu'uj, xin xchi, xchi Dios.

A Ch'an̈ B'ab'el Libro Samuel 4:3

Ax yic xc'och eb' israel chi 'a scamplamento cha, 'ix yaln eb' yichm wincal chon̈b' 'ixtic: ¿Tas wal yuj on̈ ya'c Jehová 'a yol sc'ab' eb' filisteo cha? Coyc 'at qui'c te scaxail strato Jehová 'ayc' 'a Silo, sec 'oj 'at quet'ec 'a owal, ax on̈ scolnec 'a yol sc'ab' eb' 'ajc'ojl cha, xchi eb'.

Jueces 20:27

A yic jun tiempoal cha, a te scaxail strato Jehová, ata 'ayc' te 'a scajnub' Dios. A win Finees yunnal Eleazar yixchicn Aarón, a 'aych ya'malc 'och sti eb' 'anma 'a Dios. 'Ix sc'anb'n eb' israel 'ixtc 'a Jehová: —¿Tom caw yowlal tzcac' owl yet' eb' quit israelal yin̈tl Benjamín jun 'ejm xo, mto tztac' cab' qui lajw 'el 'ixta'? xchi eb'. 'Ix yaln Jehová 'a eb' 'ixtic: —'A'c owl yet' eb', yujto 'oj wac' eb' 'a yol e c'ab' q'uic'an, xchi.

Josué 4:7

Ax eyaln 'a eb' 'ixtic: A yic xyi'n 'e't eb' ya'mal 'och qui ti 'a Dios te scaxail strato Jehová 'a yojl 'a Jordán, ax a a cha, spoj sb'a a 'a yojltac te caxa cha, a jun tzo'n̈ q'uen tusb'il can chan̈ tic, snanb'il cot tas ujnac 'a qui calc 'a jun lugar tic, xe chi 'a eb', xchi.

Dt 31:26

Chajec jun ch'an̈ un̈ yic ley tic, tzeya'n 'och ch'an̈ 'a stz'ey scaxail strato Jehová qui Diosalec, yic tz'och testigoal 'ayex.

Dt 9:9

In xit'c 'a sjolm lum witz Sinaí 'at in cha chapachn̈ q'uen q'uen 'aj tz'ib'b'il 'och strato Jehová b'ob'il yuj quet'ec. Ata in can chawinc c'u chawinc 'ac'wal, may xon jac tas xin c'uxu, may jac tas xwuq'uej.

Nm 10:12

Ax eb' israel 'ix syamn 'och eb' sb'eyi, 'ix 'elt eb' 'a cusltac lum yic Sinaí. C'ojnc'ojnil 'ix b'ey cot eb' masnto xjaw eb' 'a lum cusltac lum yic Parán, yujto ata 'ix 'och wan jun 'asn cha.

Ex 19:3

Ax Moisés 'ix 'at paxtinc yet' Jehová Dios 'a sjolm lum witz cha, yujto a 'ix 'awtn paxtinc yet'oc, xyaln 'a 'ixtic: —Al jun tzo'n̈ paxti tic 'a eb' et israelal, atn eb' yin̈tl Jacob, to an Jehová in, an tzwal 'ixtic:

Is 11:10

A 'a jun tiempoal cha, 'oj sch'oxl sb'a jun yin̈tl Isaí cha. Til wal 'anma 'oj cot 'a jun tzo'n̈ xo nacion̈, ax sayn 'ec' eb' 'aj 'ayc' cha, caw niwn yel'ch 'a sat eb'.

Jeremías 31:2

A eb' 'anma 'ix 'at 'elc 'a yol sc'ab' chamel, ata schaj eb' in wach'c'ojlal 'a lum cusltac lu'um, yic wan sayn 'ec' eb' 'aj wach' tz'ilji.