Nm 10:11 - Chuj San Sebastian Bible

¹¹ A yic sjunc'lil c'u yoch schab'l 'uj, 'a yic schab'l ab'il yelt eb' israel 'a Egipto, 'ix q'ue wan jun 'asn chi 'a yib'n̈ jun Mantiado yic trato cha.

Chuj San Mateo Bible

¹¹ Ayic 20 yoch schab'il uj yic schab'il ab'il yelta chon̈ab' Israel d'a Egipto, ix q'ue vaan jun asun d'a yib'an̈ cajnub' yic trato.

Nm 10:11 Referans Kwoze

Nm 9:11

chuc xoj 'oj sna eb' jun q'uin̈ chi 'a chan̈lajn̈e yoch schab'l 'uj 'a yic yemc'ual. Yowlal tzchi eb' no quelm calnelu yet' te c'a 'itaj, yet' pax 'ixm pan may yich.

Nm 9:5

Ax eb' 'anma cha, 'ix snan eb' jun q'uin̈ chi 'a chan̈lajn̈e yoch jun b'ab'l 'uj chi 'a yic yemc'ual, yic 'ayc' eb' 'a lum cusltac lum yic Sinaí, 'icha 'ix yutj Jehová yaln 'a Moisés.

Nm 9:1

A yic yel yab'il yelt eb' israel 'a Egipto, yic b'ab'l 'uj 'a yojl junx ab'il, yic 'ayc' eb' 'a lum cusltac lum yic Sinaí, ata xyal Jehová 'ixtc 'a Moisés:

Nm 1:1

A 'a b'ab'l c'u yic schab'l 'ujl yoch schab'l ab'il yelt eb' israel 'a Egipto, 'ix paxtin Jehová 'a Moisés 'a yol Mantiado 'aj tzchaj sb'a Dios yet' eb' 'anma', yic 'ayx 'ec' eb' 'a lum cusltac lum yic Sinaí. 'Ix yaln 'a 'ixtic:

Ex 40:17

A yic schan 'el yich schab'l ab'il yelt eb' israel 'a Egipto, 'a b'ab'l c'u yic b'ab'l 'uj yic junx ab'il cha, ata 'ix yac' b'o chan̈ scajnub' Dios.

Ex 40:2

A wal 'a b'ab'l c'u yic b'ab'l 'uj, ata tzac' b'o chan̈ in cajnub', atn jun Mantiado 'aj tzin chaj in b'a eyet'oc.

Dt 1:6

A Jehová qui Diosalec, a 'ix aln jun tzo'n̈ tic 'ayn̈ec 'a lum Sinaí, ata yaljnac 'ixtic: Niwn xo tiempo 'ayx 'ec' 'a jun lum tzaln tic.