Nm 10:10 - Chuj San Sebastian Bible

¹⁰ An Jehová e Diosal in, an tzwala: A yic sc'ul 'ay e tzaljc'ojlal cha, 'icha 'a yic sc'ul q'uin̈, mto 'a yic tzpac' 'uj, tzeyutz'j q'uen trompeta cha, 'a yic tzeya'n tz'a e xajmb'al, mto xajmb'al yic junc'ojlal, sec 'oj ex in na coti, xchi Dios.

Chuj San Mateo Bible

¹⁰ Axo d'a sc'ual ay e tzalajc'olal, icha d'a sc'ual q'uin̈, ma d'a yic tz'alji q'uen uj, tze pu'an q'uen trompeta chi' yic tzeyac'an silab' stz'ai, ma silab' yic junc'olal. Icha chi' tzex in nacoti. A in ton Jehová e Diosal in tic svala', xchi d'a vin̈.

Nm 10:10 Referans Kwoze

Salmos 81:3

A yic tzpac' 'uj tzcutz'nec qui trompeta, tzcutz'nec pax 'a yic tzc'ojn sb'a 'uj, yujto niwquil q'uin̈ jun chi 'ayn̈ec.

1 Ts 4:16

'Oj 'awtxoc jun checnb'il yuj jun sat ángel, ax yoc' pax strompeta Dios. At wal ta 'oj 'emloc Cajlilec 'a satcha'an̈. Ax eb' creyente chamnc xo, 'oj b'ab'l pitzwc pax sniwnal eb'.

Esdras 3:10

A yic 'ix ya'n 'ejm eb' albanil yich yatut Jehová, 'ix q'ue wan lin̈n eb' ya'mal 'och sti eb' 'anma 'a Dios, xya'n 'och eb' spichl yic yopiso cha, xyutz'n eb' strompeta. Ax eb' levita yin̈tl Asaf, syucn eb' jun tzo'n̈ q'uen címbalo, yic wan yaln eb' swach' paxti 'a Jehová, 'icha yaj yaln can David win ya'jnac reyl 'a chon̈b' Israel 'a pecti'.

2 Cr 29:28

Ax smasnil eb' chon̈ab', cumn 'ejm eb' yaln sb'a, ya' sb'a wan sb'itn eb' tzb'itn cha, yet' eb' tz'utz'n trompeta, masnto yic xlajw stz'a no xajmb'al cha; 'ixta to b'i'an 'ix 'och wan eb' sb'itn smasnil.

2 Cr 29:26

Lin̈n 'och eb' levita chi yet' jun tzo'n̈ yamc'ab' yic b'it sb'ojnac can David, lin̈n pax 'och eb' ya'mal 'och sti eb' 'anma 'a Dios yet' strompeta.

Nm 10:9

Toto 'ay junc 'ajc'ojl tzjaw wul yac' owl eyet' 'a sat e lu'um, ax xo tic, yowlal tzex 'el eyac' owl yet'oc. Caw ji'lti tzeyutj eyutz'n q'uen trompeta cha, sec wach' an Jehová e Diosal in tic, 'oj ex in na coti, ax ex in coln 'el 'a eb' 'ajc'ojl tz'ajch 'ayx cha.

A Tas Sc'ulejnac Eb' Schecab' Jesús Hechos 10:4

'Ix 'och q'ueln Cornelio a jun ángel cha. Caw 'ix xiw win yu'uj: —Mamin, ¿tas tzal 'ayin? xchi win 'a 'a. Yuj cha, xyaln 'a win 'ixtic: —Caw 'ix yab' Dios a lesal. 'Ix yiln pax jun tzo'n̈ a siylab' tzac' 'a eb' meb'a'. Caw matz sat sc'ojl 'a jun tzo'n̈ cha.

Mt 11:28

Tzann̈j ex 'icha to tz'el eyip e munlji, yet' ex 'icha to caw 'al eyaj yuj eyicatz, cotn̈ec 'ayin, 'oj ex wac 'iljoc.

Salmos 89:15

Mamin Jehová, a eb' 'anma tzach b'itnan yet' tzaljc'ojlal, caw wach' yic eb', yujto a 'a checnb'il tzb'eylb'ej eb'.

2 Cr 7:6

Lin̈n 'ec' smasnil eb' chon̈ab' yic x'och jun 'emmquilal cha. A eb' ya'mal 'och sti eb', 'ayc' eb' 'a yet'l 'aj 'ayq'ui, tzyutz'n eb' q'uen trompeta. Ax 'a yojltac eb', ata 'ayc' eb' levita wan syucn jun tzo'n̈ yamc'ab' b'ob'il can yuj rey David yic tz'och 'emmquilal 'a Jehová. Ya' sb'a cha, wan yaln eb' wach' paxti 'a Jehová 'ixtic: A schamc'ojlal may b'a'n̈ 'ay slajub', xchi eb'.

1 Cr 16:42

A eb' tic, 'ix yutz'j eb' trompeta, syucn eb' platillo yet' jun tzo'n̈ xo yamc'ab', yic tzb'itn eb' 'a Dios, ax pax eb' yunnal Jedutún tan̈m puerta yaj eb'.

1 Cr 15:28

Smasnil eb' israel caw tzya'l eb' yaw yuj tzaljc'ojlal, yic 'ix 'ijx cot te caxa cha. 'Ix 'utz'x pax cacha, trompeta, syucn eb' platillo, salterio yet' arpa.

1 Cr 15:24

Ax eb' ya'mal 'och sti eb' 'anma 'a Dios, atn Sebanías, Josafat, Natanael, Amasai, Zacarías, Benaía yet' Eliezer. A eb' tz'utz'n trompeta 'a yojltac te caxa cha. An̈jtona pax Obed-edom yet' Jehías tan̈m caxa pax yaj eb'.

Josué 4:7

Ax eyaln 'a eb' 'ixtic: A yic xyi'n 'e't eb' ya'mal 'och qui ti 'a Dios te scaxail strato Jehová 'a yojl 'a Jordán, ax a a cha, spoj sb'a a 'a yojltac te caxa cha, a jun tzo'n̈ q'uen tusb'il can chan̈ tic, snanb'il cot tas ujnac 'a qui calc 'a jun lugar tic, xe chi 'a eb', xchi.

Nm 29:1

A 'a b'ab'l c'u yic yucl 'uj, ata tzeyamx e b'a yic tzex 'och 'emmquilal. A 'a jun c'u cha, may mach tztac' smunlji, yujto sc'ul yutz'x trompeta.

Lv 23:24

Al jun tzo'n̈ tic 'a eb' et israelal to an tzwal 'ixtic: A 'a b'ab'l c'u yic yucl 'uj, ata tzex 'ilji. Tzeyamn e b'a yic tzex 'och 'emmquilal 'ayin. Tzeyutz'n q'uen trompeta yic tzin e nan coti.

Ex 28:29

Ax yic tz'och Aarón 'a yojl in cajnub' 'a wojltac, 'aych jun pichl chi yu'uj, 'a 'aj 'aych eb' q'uen q'uen tzch'oxn 'el in nib'b'en. An̈jtona', a pax ta 'aych eb' q'uen q'uen 'aj 'aych sb'i eb' yunnal Israel, sec a yic tz'ochch 'a wojltac, tzin nan cot eb'.

Apoc 22:17

A Yespíritu Dios, yet' eb' 'icha to 'oj 'och yistloc jun tzcuch Calnelu, tzyaln eb' 'ixtic: —¡Cotn̈ec! xchi eb'. Yet' eb' tz'ab'n tas tzyal jun un̈ tic, yal cab' pax eb' 'ixtic: —¡Cotn̈ec! xchi cab' eb'. A eb' 'ay stacn̈ti'al, toto tznib'j eb', cot cab' eb'. Yu' cab' eb' jun a tz'a'n qui q'uinl 'a jun 'ejmn̈ej. Atn jun a tz'ajx 'a nab'an̈ej.

1 Ts 4:18

Yuj cha, junjn ex, tzlaj eya'lac e nab'enoc yet' jun tzon̈ cuynb'il tic.

1 Co 15:52

A jun cha, caw ji'lti 'oj jawc tza'n̈joc. Jun mutz'satiln̈ej 'oj 'aj sjawi, yic 'oj 'oc' jun slajb' trompeta. A yic 'oj 'oc' jun trompeta cha, ax spitzw pax eb' creyente chamnc xo, man̈x b'a'n̈ 'oj cham eb'. An̈ xo pitzn on̈c to ta', 'oj jelmjoc pax qui niwnalec tic.

Is 27:13

A 'a jun c'ul cha, 'oj 'utz'xoc jun trompeta to 'oj 'ab'xoc sjaj 'a najat, a eb' satnc can 'at 'a Asiria, yet' eb' 'ijxnac can 'at 'a Egipto, 'oj jawc eb' wul yac' 'ejm sb'a 'a Jehová, atn 'a lum tzaln to yic 'emmquilal yaj 'a Jerusalén.

Salmos 150:3

B'itn coyc yet' trompeta, b'itn coyc yet' arpa, mto yet' salterio.

Ex 30:16

Tza chaj q'uen plata chi 'oj yac' eb' 'ayn yuj stojnb'ilc sq'uinl cha, yujto ata 'oj 'och yopiso q'uen 'a yol Mantiado 'a 'aj tzin chaj in b'a eyet'oc. Atn jun chi tz'ochcn e nanb'ilc 'ayn an Jehová in tic, yujto tzeyac' jun tojlb'al chi yuj e q'uinl cha, xchi Dios.

Nm 28:11

A 'a b'ab'l c'u yic junjn 'uj, tz'ajx chawn̈oc no quelm wacx xajmb'al-l 'ayn an Jehová in, tz'ajx pax junc mam calnelu yet' ucwn̈oc no quelm calnelu junjn ab'il sq'uinal, no may spaltail.

A Ch'an̈ B'ab'el Libro Samuel 20:5

'Ix ta'w David 'ixtic: —A q'uic'an 'oj naxoc sq'uin̈l yic tzpa'x 'uj, an xo tic, yowlal 'oj wem wocn in wa yet' win rey 'a 'icha qui b'eyb'alec. Palta comnoc tz'el 'a a c'ojol, to tzin c'ub'j can 'el in b'a 'a scalte 'a sti 'elt chon̈b' tic, masnto 'a yemc'ul chab'ej.

A Ch'an̈ Schab'il Libro Yic Yab'ixal Eb' Rey 4:23

—¿Tas yuj tzach 'at el win ticnec jun? Man̈ stiempoaloc spac' 'uj, man̈ sc'uloc pax 'iljelal, xchi win yichmil 'ix cha. —Man̈ ach 'och 'il, xchi 'ix 'a winac.

Josué 6:4

Tzb'ab'lj ucwn̈ eb' ya'mal 'och sti eb' 'anma yuj te scaxail trato, junjn eb', tzyij eb' scacha b'ob'il 'a no sch'ac calnelu; ax 'a yucl c'u cha, uc 'ejm tzex oyy 'ec' 'a spatquil 'elt jun chon̈b' tic, ax eb' ya'mal 'och sti eb' 'anma cha, 'oj yutz'c eb' scacha cha.

Salmos 81:4

A jun tic schecnb'il qui Diosalec an̈ israel on̈c tic, an̈ yin̈tl on̈c Jacob tic;