Nm 1:4 - Chuj San Sebastian Bible

⁴ yet' pax junjn eb' syajlil junjn 'in̈tal.

Chuj San Mateo Bible

⁴ yed' pax junjun yajalil junjun in̈tilal.

Nm 1:4 Referans Kwoze

Nm 1:16

Atn jun tzo'n̈ eb' yajl tic 'ix si'x 'elt 'a scal smasnil eb' yin̈tl Israel.

Ex 18:25

Yuj cha, si'n 'elt Moisés ewin caw 'ay snab'en, ewin jeln 'a scal eb' yit israelal. 'Ix ya'n 'och yopiso ewin yil junjn mil 'anma', 'ay eb' 'a jun ciente, 'ay eb' 'a cincuenta, 'ay pax eb' 'a lajn̈wa'an̈.

Josué 22:14

'Ix 'at lajn̈wan̈ xo eb' yajl yaj 'a scal eb' chi yet'oc. A junjn eb' cha, yajl yaj eb' 'a junjn 'in̈tal eb' israel cha.

Dt 1:15

Yuj cha, xin si'n 'elt 'a scal junjn 'in̈tal, eb' winc to jelan, eb' 'ay snab'en si'mb'il, 'ix wa'n yopiso eb' yic tz'och eb' eyajliloc. 'Ay eb' xwa'ch yopiso 'a yib'n̈ jun mil, 'ay eb' 'a yib'n̈ jun ciente, 'ay eb' 'a yib'n̈ cincuenta, 'ay eb' 'a yib'n̈ lajn̈wa'an̈, 'ay pax eb' x'och yajlil 'a yib'n̈ junjn 'in̈tal eb' quit chon̈b'ec.

Nm 25:14

A win israel xcham yet' 'ix 'aj Madián cha, Zimri sb'i winac, yunnal jun win tzcuch Salu, yajl yaj win 'a scal eb' yin̈tl Simeón.

Nm 25:4

'Ix yaln Jehová 'a Moisés 'ixtic: —Yamb'tzej smasnil eb' yichm wincal chon̈b' Israel tic, 'a in sat yet' wal 'a sat eb' 'anma tic, tza t'un̈n q'ue eb' x'och smul tic, xchi Jehová.

Nm 17:3

A 'a te yic eb' yin̈tl Leví, a sb'i Aarón tz'och 'a te', yujto 'oj cot junjn sc'occh eb' yajl chi 'a junjn 'in̈tal.

Ex 18:21

A jun tas 'oj a b'o ach tic, sic' 'elt jaywn̈oc eb' winc to 'ay xiwc'ojlal 'a Dios 'a scal eb' et israelal tic, eb' caw tojl snab'en, eb' man̈ comnoc tztecl tumn 'a eb' 'anma', tza'n 'och yopiso eb' yiln eb' 'anma tic. 'Ay eb' tza'ch yajlil 'a junc mil 'anma', 'ay pax eb' tza'ch yajlil 'a junc ciente, 'ay pax eb' 'a junc cincuenta, 'ay pax eb' cojn junc lajn̈wan̈ 'aj tza'ch yajlil,

Nm 30:1

'Ix yaln Moisés jun tzo'n̈ tic 'a eb' yajl yaj 'a scal junjn c'aj eb' yit israelal cha, 'ix yaln 'ixtic: A Jehová a tzaln jun tzo'n̈ tic:

A Ch'an̈ B'ab'el Libro Yic Yab'ixal Eb' Rey 8:1

Xlajw cha, xya'n Salomón syam sb'a smasnil eb' yichm wincal chon̈b' Jerusalén, smasnil eb' yajl yaj 'a junjn 'in̈tal, yet' eb' yajl yaj 'a junjn macn̈ eb' israel, yic tz'at yi'nc cot eb' te scaxail strato Jehová 'a Schon̈b' David, atn pax jun tzcuch Sión.

Nm 1:44

Atn sb'isl eb' 'anma tic xyij q'ue wan Moisés yet' Aarón, yet' pax lajchwan̈ xo eb' yajl yaj 'a scal eb' israel cha, eb' cotnc 'a yin̈tl junjn c'aj eb'.

Nm 4:34

Ax Moisés yet' Aarón, yet' pax eb' syajlil chon̈ab', 'ix yij q'ue wan eb' sb'isl eb' yin̈tl Coat 'a 'icha smacquixtacl yaj eb'. A eb' winc xq'ue wan sb'isl cha, 'ay 2,750 eb' 'a smasnil. A sb'isl eb' yin̈tl Gersón 'a stzolil, 'ay 2,630 eb' winc 'a smasnil. Eb' yin̈tl Merari 'a stzolil, 'ay 3,200 eb' winc 'a smasnil. Yuj cha, a sb'isl eb' levita xya' tz'ib'xoc sb'a 'a smasnil, 'ay 8,580 eb' winac. Atn eb' 'aych 'a 30 ab'il sq'uinal masnto 'a eb' 50 ab'il, eb' smoj ya'w servil 'a sMantiado Dios.

Nm 7:2

Ax eb' yajl yaj 'a junjn macn̈ 'in̈tal eb' israel, atn eb' colwjnac yi'n q'ue wan sb'isl ewin yit chon̈b' cha,