Nehemías 9:8 - Chuj San Sebastian Bible

⁸ 'Ix ela to ach ya'ch wal yipc sc'ojol, yuj cha, xa b'on a trato yet'oc, yic tza'n slum eb' yin̈til, atn lum yic eb' cananeo, eb' hitita, eb' amorreo, eb' ferezeo, eb' jebuseo yet' eb' gergeseo; tox 'ix ac' 'el'choc a paxti', yujto tz'el'chn̈ej tas tzala.

Chuj San Mateo Bible

⁸ Ilnac to yac'nac ach och vin̈ d'a sc'ool, yuj chi' a b'onac jun a trato yed' vin̈ yic tzac'an lum luum d'a eb' yin̈tilal vin̈, aton lum yic eb' cananeo, eb' heteo, eb' amorreo, eb' ferezeo, eb' jebuseo yed' eb' gergeseo. Elnacxoc'och a lolonel chi' yujto tz'eln̈ejc'och tas tzala'.

Nehemías 9:8 Referans Kwoze

A Ch'an̈ Carta D'a Eb' Hebreo 6:18

Caw ya'jnac Dios sti', slocjnac sb'i, yuj cha, a tas yaljnac, may b'a'n̈ 'oj jelxoc, yujto a Dios, matz tac' ya'n 'es. A tas yaljnac cha, caw tzyac' sniwnal qui c'ojlec, yujto ca'jnaquec qui b'a 'a 'a, tzon̈ scolni. Wan qui tan̈wniec tas 'oj yac' 'ayn̈ec, yujto a tzca'c 'och yipc qui c'ojol.

Gn 15:6

'Ix ya'n 'och Abram sc'ojl 'a tas xyal Jehová, yuj cha, caw wach' xcan 'a sat Jehová.

Josué 23:14

An tic jab'xoj 'oj in chami, palta eyojc si'mb'il to 'ix 'el'ch smasnil tas wach' 'aj ya'jnac can Jehová sti ya'n 'ayn̈ec. C'uxn 'ix 'el'ch eb' smasnil.

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

1 Jn 1:9

Toto tzcalc q'uet qui mul 'a Dios, a tz'a'n lajwc can qui mulc cha, tzyi'n can pax 'el jantcn̈ej maysch'olnil 'aych 'ayn̈ec. Yujto caw tojl snab'en. Caw tz'el'ch jantcn̈ej tas tzyala.

A Ch'an̈ Carta D'a Eb' Hebreo 11:17

A Abraham, caw ya'jnac 'och Dios 'a sc'ojol. Yuj cha, yic yajx prowal yuj Dios, yijnac 'at Isaac, yic tz'at ya'nc xajmb'al-l yalni. Wach'xam ya'jnac Dios sti yuj Isaac cha, palta caw schaj sc'ojl Abraham ya'n jun c'otn̈ yunnal chi xajmb'alil.

Tito 1:2

'Ixta tzwutj in b'a, sec tzya'ch eb' 'anma yipc sc'ojol, to 'oj qui cha qui q'uinl 'a jun 'ejmn̈ej. A Dios, may 'aj tzyac' 'es jun 'ejmoc. A yic mantzac sb'o yolyib'n̈q'uinl tic, ya'jnac can sti', to 'oj yac' qui q'uinal.

A Tas Sc'ulejnac Eb' Schecab' Jesús Hechos 13:22

Ax Dios, 'ix 'i'n 'el Saúl 'a yopiso. Ax David 'ix ya'x can 'och sjeloc. Yaln 'ixtc yu'uj: Yaj David yunnal Isaí. Atn jun tic, tzin tzalj yet'oc. A 'oj b'onc smasnil tas tzin nib'ej, xchi.

Josué 11:23

Yuj cha, 'ixta wal xyutj Josué yi'n can 'ec' smasnil lum lum cha, 'icha wal yaj yaln can Jehová 'a Moisés. Xlajw cha, spojn can 'ec' Josué chi lum 'a scal eb' yit israelal, yic tz'ochcn lum smacl lumoc eb'. A yic xlajw ye'cn jun tzo'n̈ cha, 'ixta to b'i'an, 'ix 'och wan owl 'a jun tzo'n̈ lugar cha.

Josué 11:3

Xya'n pax alxoc 'a eb' cananeo cajn 'a stojlal 'aj tzq'uel c'u, yet' pax eb' 'ay 'a stojlal 'aj tz'em c'u; xya'n syam sb'a eb' amorreo, eb' hitita, eb' ferezeo, eb' jebuseo 'ay 'a lum jolmctac witz, yet' pax eb' heveo cajn 'a yich lum witz tzcuch Hermón 'a yol yic Mizpa.

Josué 9:1

'Ix yab' sb'a eb' rey tas 'ix laj uj 'a sla'nil cha, atn eb' rey cajn 'a sc'axpil 'ec' sti a Jordán 'a stojlal 'aj tz'em c'u, eb' cajn 'a lum jolmctac witz, eb' cajn 'a lum ya'lical sti a Jordán yet' eb' cajn 'a lum c'a'lum 'ay 'a sti a Mar Mediterráneo, masnto tzc'och 'a yol yic Líbano. A eb' rey cha, atn eb' sreyl eb' hitita, eb' amorreo, eb' cananeo, eb' ferezeo, eb' heveo yet' eb' jebuseo.

Dt 26:3

Ata tzex c'och 'a yojltac eb' 'aych ya'malc 'och sti eb' 'anma 'a Dios 'a jun tiempoal cha. Tzeyaln 'a eb' 'ixtic: An̈ tic, tzcal 'a yojltac Jehová qui Diosalec, chajtlto on̈ jaw cajn 'a sat lum lum 'ix yac' Jehová sti ya'n 'ayn̈ 'a eb' qui mam quichmec, xe chi.

Dt 9:5

Man̈ yujoc e wach'il, mto yuj stojlal e nab'en ax 'at e cajnc lum lum cha, palta yuj smaysch'olnilal eb' 'anma cha. Yuj cha, ax satx 'el eb' 'a eyojltac yuj Jehová, sec 'ixta 'oj 'aj yel'ch strato sb'ojnac yet' Abraham, Isaac yet' Jacob, atn eb' qui mam quichmec.

Dt 7:1

'Ix yaln pax Moisés 'ixtic: A Jehová qui Diosalec, a 'oj eyi'n 'och 'a sat lum lum 'oj yac' 'ayx cha. A pax 'oj 'i'noc 'el uque niwc chon̈b'al eb' 'anma caw 'ay yip 'a eyojltac: Atn eb' hitita, eb' gergeseo, eb' amorreo, eb' cananeo, eb' ferezeo, eb' aveo yet' eb' jebuseo.

Nm 23:19

A Dios man̈ lajnoc 'icha eb' 'anma'. Matz yac' 'es, matz jel snab'en. Toto 'ay junc tas tzyala, tz'el'chn̈ej yu'uj. May 'aj tz'ec' tas tzyala.

Ex 3:17

'Ix wala to 'oj ex in col-l 'a yaln̈ jun eyailal tic, ax ex wi'n 'at 'a jun lum lum caw wal wach', caw 'ay syaxil sat, atn 'a 'aj cajn 'ec' eb' cananeo, eb' hitita, eb' amorreo, eb' ferezeo, eb' heveo yet' eb' jebuseo, xchi Dios, xa chi 'a eb'.

Ex 3:8

Yuj cha in 'emli, yic tzwul in colnc 'elt eb' 'a yol sc'ab' eb' 'aj Egipto cha. 'Oj wic' 'elt eb', ax wi'n 'at eb' 'a jun lum lum caw lewan, caw wach', til wal tas 'ay 'a jun lum cha. Atn lum 'aj cajn eb' cananeo, eb' hitita, eb' amorreo, eb' ferezeo, eb' heveo yet' eb' jebuseo.

Gn 22:12

'Ix yaln jun ángel chi 'ixtic: —Man̈ a mil cham onnal, a ticnec wojcxo to tzach xiw 'ayin, 'in xa yiclj a'n jun c'otn̈ onnal chi 'ayin, xchi jun ángel cha.

Salmos 116:5

Caw wal wach' qui Diosalec, tojl snab'en, caw wal 'ay schamc'ojlal 'ayn̈ec.

Nm 13:29

A 'a lum Neguev, ata cajn eb' amalecita. Ax 'a lum jolmctac witz, ata cajn eb' hitita, eb' jebuseo yet' eb' amorreo. Ax 'a sc'axpil 'ec' a mar yet' 'a sti a Jordán, ata cajn eb' cananeo, xchi eb'.

Dt 32:4

'Icha junc q'uen niwquil q'uen 'aych quen̈loc, 'ixta yaj Jehová 'ayn̈ec; tz'el'chn̈ej tas tzyala, caw tojln̈ej tas tzb'o'o. A Dios wach'n̈j tzyutj paxtinc sb'a, matz yac' 'es; tojln̈ej 'a smasnil.

A Ch'an̈ Schab'l Libro Samuel 22:31

Caw wal wach' sb'eyb'al Jehová Dios; a tas alb'il can yu'uj, smoj wal tzca'ch yipc qui c'ojol. Tzcolcn 'el smasnil mach to a Dios yipc'ojlal yaj yu'uj.

1 Cr 1:14

A 'a win Canaán, ata cotnc yin̈tl eb' jebuseo, eb' amorreo, eb' gergeseo,

1 Cr 16:16

'Ix yac' 'el'choc strato yet' Abraham yet' sti ya'jnac 'a Isaac.

Esdras 9:15

Mamin Jehová, qui Diosal ach an̈ israel on̈ tic on̈, caw wach' a nab'en 'ayn̈ on̈. 'Ix 'el 'a a c'ojol, to pitzn on̈ jaywn̈ xo on̈ colchj can 'el tic. Yuj cha, tzcaln q'uet qui mul 'a ojltac on̈, caw wal man̈ smojc tzon̈ 'och 'a ojltac yuj jun tic, xchi Esdras 'a slesal.

Nehemías 9:33

Palta ach tic, toljn̈ej sjaw smasnil tas 'a q'uib'n̈ o'oj, yujto tojl tas tza b'o'o, palta an̈ tic maysch'olnil tas tzqui b'o 'on̈.

Ez 33:24

Ach 'anma', a eb' 'anma cajn 'a jun tzo'n̈ chon̈b' mac'b'il 'ejm 'a yol slugar eb' et israelal, ata tzlaj yal eb' 'ixtic: A win Abraham sch'ocj wal winac, palta smacjnac win yico'oc lum lum tic. An̈ec xo tic, caw niwn qui b'islec, smoj wal quica'anec jun nacion̈ tic, xchi eb'.