Nehemías 9:25 - Chuj San Sebastian Bible

²⁵ An̈jtona', xyi'n pax eb' jun tzo'n̈ chon̈b' caw wach' yaj sb'o'i; yet' lum lum caw wach' tz'aj sb'a'al, yet' te n̈a to b'ut'n yet' tastc wach', eb' a c'ob'a', uva, olivo yet' jun tzo'n̈ xo te te tzyac' sat. 'Ix wa eb', caw 'ix b'ut'j eb', xb'a'chb'i eb' swa'i. Caw 'ix tzalj eb' yuj a wach'c'ojlal.

Chuj San Mateo Bible

²⁵ Yic'annacpax chon̈ab' eb' te vach' yaj sb'oi, lum luum te yax sat yed' juntzan̈ pat te b'ud'an yuj tastac vach'. Yic'annacpax a' uc'b'ila' eb', te' uva, te' olivo yed' juntzan̈xo te te' syac' sat. Vanac eb', b'ud'jinac eb', b'aq'uechb'inac eb'. Yac'nac val tzalajb'oc sc'ool eb' yuj a nivan vach'c'olal.

Nehemías 9:25 Referans Kwoze

Dt 32:15

Palta ax yic 'oj e b'a'chb'i ax Jesurún ex tic, 'oj pitb'oc 'el e nab'en 'a Dios, atn jun on̈ b'onec. 'Oj e patquilc can 'el jun qui Colmal cha.

Nehemías 9:35

Palta ax wal x'aji, a 'a yol smacb'en eb' 'aj 'ix cani, til wal tas 'ix yac' slum eb', yujto caw 'ay syaxil sat lu'um, palta ma'ach yac' servil eb', ma'ix sjel eb' sb'eyb'al.

Dt 3:5

Smasnil jun tzo'n̈ chon̈b' cha, macb'il yuj smuroal, caw chan̈ yaj sb'o'i, q'uen pax smac 'aychi, 'aych pax jun tzo'n̈ q'uen hierro syamnub'loc. 'Ayt pax jun tzo'n̈ chon̈b' may smuroal, man̈ 'ayc 'och sb'isloc, palta 'ix qui satc 'el eb'.

Os 3:5

'Oj lajwc cha, ax 'a yic slajb' tiempoal, 'oj yalx sb'a eb' wit israelal 'a Jehová qui Diosal jun 'ejm xo, ax schan pax sc'ojl eb' yoch junc yin̈tl David sreyloc. 'Ixta 'oj yutc yi'n 'ejm sb'a eb' 'a Jehová, ax schan eb' swach'c'ojlal.

Ez 20:6

A 'a jun tiempoal cha, ata 'ix wa'cn in ti', to tzwij 'elt eb' 'a Egipto, tzwi'n cot eb' 'a lum lum caw wal 'ay syaxil sat, atn lum yel xo wal wach' 'a yib'n̈ lum lum smasnil.

A Ch'an̈ B'ab'el Libro Yic Yab'ixal Eb' Rey 8:66

Ax yic xlajw q'uin̈ cha, ax 'a junx c'u 'ix yaln can sb'a rey Salomón 'a eb' chon̈ab', ax eb' 'anma cha, 'ix yaln eb' wach' paxti 'a yib'n win rey. Xlajw cha, 'ix paxx can eb' 'a yatut 'a tzaljc'ojlal yuj smasnil tas wach' sb'o Jehová 'a David, atn jun schecab', yet' eb' israel, atn eb' schon̈ab'.

Dt 32:13

'Oj eyijx 'at yuj 'a lum jolmctac witz, 'oj laj e c'ux tas 'ay 'a sat lum lum cha, 'oj laj eyuc' yal chab' tz'elt 'a sat q'uen q'ue'en, yet' aceite tz'elt 'a te olivo tzlaj pac' 'a sat q'ue'en.

Ro 2:4

A Dios caw niwn swach'c'ojlal, caw 'ay sniwnc'ojlal. Man̈ comnoc tzcot yowal, palta tecn 'ayx may yel'ch jun tzo'n̈ tic 'a e sat. ¿Tom man̈ eyojcoc, to tzyac' niwnc'ojlal 'ayn̈ec, sec wach' tzqui nac qui b'a yu'uj?

Os 13:6

Palta a yic ya'n sobra tas tzc'ux eb', 'ix sb'an̈n sb'a eb', in 'atcn 'a satc'ojlal yuj eb'. 'Ixta pax ex ax tic.

Jeremías 31:14

A eb' ya'mal 'och sti eb' 'anma 'ayin, a wal tas caw wach', a chi 'oj wac' sc'ux eb', ax eb' in chon̈ab', 'oj yac' eb' tzaljoc sc'ojl yet' smasnil tas 'oj wac' 'a 'a, xchi Dios.

Is 6:10

'Ac' somchjoc 'el snab'en jun tzo'n̈ eb' 'anma tic, 'icha to tza mac schicn eb' yet' sat eb', sec wach' matz yil eb'. Matz tac' yab'n eb', matz nachj 'el pax yuj eb', sec matz jaw eb' 'ayin, matz colchj eb' wu'uj, xchi Dios.

Salmos 65:11

Til wal sat 'awb'en tzyac' 'a junjn ab'il o'oj, ax 'asun a tz'och n̈ab'il.

Pr 30:9

Toto 'oj yac' sobra tas 'ayin, ax 'oj 'ajoc, 'oj a 'at am satc'ojlal wu'uj, ax walni to man̈ ach wojcoc. Toto may pax tas 'ay 'ayin, ax 'oj 'ajoc, 'elc'ln̈ej am 'oj weq'ui, ax yoch in mul 'aych ach in Diosal, xin chi 'a Dios.

Is 63:7

An tic tzin nib'j wal-l schamc'ojlal Jehová, tzin b'itnan smasnil tas sb'o cujec. Caw wal niwn swach'c'ojlal 'ayn̈ an̈ yin̈tl on̈ec can Israel tic. Til wal tas sb'o cujec, 'ix 'o'ch sc'ojol, caw niwn pax schamc'ojlal 'ayn̈ec.

Dn 11:24

A wal yic man̈ nanoc yuj eb' 'anma', ax yoch 'a sat slum eb', atn lum caw wal wach', ax sb'on tas man̈ sb'ojnacoc eb' smam yicham. Ax smasnil tas 'oj yi'cn 'ec' 'a owl cha, 'oj spojcn 'ec' 'a eb' soldado ajun yet'oc. Ax snib'n cob' yac' owl yet' jun tzo'n̈ chon̈b' caw wal 'ay yip, palta jab' wal tiempo 'oj yac'a'.

Dt 32:14

Til wal lech yet' queso 'oj yac' e wacax. 'Oj e chi no quelm calnelu, no mam calnelu, yet' no chiwo 'ay 'a Basán. 'Oj e wa 'ixm trigo caw wach', ax eyu'n yal uva.

A Ch'an̈ B'ab'el Libro Yic Yab'ixal Eb' Rey 14:9

Palta ach xo tic, yel xo wal tu tas tza b'o 'a yib'n̈ smasnil eb' 'e'nc reyl 'a yic mantzac ach 'ochi. A jun tzo'n̈ q'uen 'ix a b'o a diosaloc, in a patquiln can 'eli, yic tza tzuntz cot wowal.

Salmos 105:44

'Ix ya'n yico'oc eb' schon̈b' chi slum jun tzo'n̈ eb' chuc nacion̈al cha, yet' smasnil tas 'awb'il 'a sat lum lum yuj eb' 'anma cha.

Jeremías 2:7

An wijnac 'och eb' 'a sat jun lum lum caw 'ay syaxil sat tic, sec wach' tzc'ux eb' tas wach' tz'el-l 'a sat lu'um. Palta ax xo ax yin̈tl ex eb' tic, ex cajn ex 'a sat in lum tic, caw xjuw 'el lum eyu'uj, eyuj ton wal b'i'an, yuj cha, man̈xtzac in nib'j jun lum tic.

Jeremías 32:23

Palta a yic x'och eb' scaj jun lum tic, yic 'ix schan eb' smacl lu'um, caw man̈x 'ic schaj eb' yab' tas 'ix ala, man̈x 'ic syiclj eb' a checnb'il, ma'ix sb'o eb' tas 'ix ac' sb'o'. Yuj cha, 'ix a'n cot jun niwquil yailal tic 'a quib'n̈ on̈.