Nehemías 9:14 - Chuj San Sebastian Bible

¹⁴ 'Ix a cuyn eb', sec tzyiclj eb' sc'ul 'iljelal yuj ach yi'n chan̈ eb'. 'Ix a'n a checnb'il, a cuynb'il caw yel yet' a ley 'a win a checb' Moisés, sec tzyiclj eb'.

Chuj San Mateo Bible

¹⁴ A c'ayb'annac eb' yic sc'anab'ajej sc'ual ic'oj ip eb' yuj ach yic'anchaan̈ eb', ac'annac checnab'il yed' c'ayb'ub'al d'a vin̈aj Moisés, axo vin̈ alannac d'a eb'.

Nehemías 9:14 Referans Kwoze

Ez 20:12

'Ix waln 'a eb' to tzyiclj eb' sc'ul 'iljelal yic tzcheclj 'eli to wic eb', to 'ay in trato yet' eb'. An Jehová in, an si'jnac 'el eb'.

Gn 2:3

'Ix si'n can 'el Dios jun yucl c'u chi yico'oc sec tz'ilj pax eb' 'anma 'a jun c'u cha, yuj yoch swach'loc eb', yujto a 'a jun c'u chi 'aj xb'o 'el'ch smasnil tas yuj Dios.

Ez 20:20

Tzeyiclni sc'ul 'iljelal yujto wic yaji, ch'oxnb'il tz'ajcn jun c'u chi 'a in cal eyet'oc, sec tzeyojquej 'eli, to e Diosal in, xin chi 'a eb'.

Ex 16:29

Nac wal si'mb'il, chajtlto an Jehová in, an tzwala, to yowlal tzeyiclj sc'ul 'iljelal. A 'a yic swacl c'ual, ata tze molcn tas tze c'ux 'a yucl c'ual, sec ax 'a yucl c'u cha, 'ayx 'ec'n̈ej 'a yol eyet'ul, may mach tz'elt munljoc, xchi Dios.

Ex 16:23

'Ix yaln Moisés 'ixtc 'a eb': —A jun cha, a Jehová 'ix alni, yujto q'uic'an sc'ul 'iljelal, a jun sc'ul 'iljelal cha, sc'ul yic tz'ijx chan̈ sb'i Jehová. A tas tze c'ux q'uic'an, tz'an̈c can ticnec, mto tzeya'cn xejc tas yic e q'ui'n cha, tze moln cani, sec wach' toxn̈ej 'oj e c'ux q'uic'an, xchi 'a eb'.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Nehemías 1:8

A ticnec, na cot a paxti 'ix al 'a a checb' Moisés, ata aljnac can 'ixtic: Toto tz'och e mul, 'oj e sactzic can 'at 'a smasnil yolyib'n̈q'uinal;

Dt 5:31

Palta ach xo tic, tzach can wet' 'a tic, yujto 'oj wal smasnil in checnb'il 'ayach, in ley yet' cuynb'il 'oj ac' scuy eb', sec a chi 'oj sb'eylb'oc eb' 'a sat lum lum 'oj wac' yico'oc eb' cha, xchi Dios 'ayin.

Dt 4:5

'Ix wac' e cuy jun tzo'n̈ ley yet' checnb'il 'ix yac' Jehová wal 'ayex, sec 'oj e b'eylb'oc 'a sat lum lum 'oj e cha eyico'oc.

Lv 27:34

Atn jun tzo'n̈ checnb'il tic 'ix yac' Jehová 'a Moisés, yic 'ayc' 'a lum jolm witz Sinaí, sec tz'och scuynb'ilc chon̈b' Israel.

Ex 24:12

'Ix yaln pax Jehová 'a Moisés chi 'ixtic: —Q'uen̈ta 'a sjolm lum witz 'a 'aj 'ayn 'ec' tic, tzach jaw 'a in tz'ey, yujto 'oj wac' chapachn̈ q'uen q'uen 'ayach, 'a 'aj tz'ib'b'il 'och jun tzo'n̈ in checnb'il wu'uj, yic tz'och e cuynb'iloc, xchi Dios.

Lv 19:3

Yiclum tzeyutj e b'a junjn ex 'a e mam e nun. Tzeyiclj sc'ul 'iljelal, an Jehová e Diosal in, an tzwala.

Nehemías 10:32

An̈jtona', tox 'ix qui b'oc jun qui ley to yowlal 'oj ca'c chan̈e gramo q'uen tumn plata 'a junjn ab'il, yic tzc'anlb'ax 'a yatut qui Diosalec.

Ez 20:11

'Ix wa'n yojcoc 'el eb' in ley yet' in checnb'il 'a jun lugar cha. A eb' tzb'eylb'ani mto tzyiclni, 'ay sq'uinl eb' yu'uj.