Nehemías 9:12 - Chuj San Sebastian Bible

¹² 'Ix e'n b'ey eb' yet' jun niwquil 'asn 'a c'ual, ax 'a 'ac'wal, 'ix e'n b'ey eb' yet' jun niwquil c'ac', sec wach' tzictajx sb'e eb' 'ajtil tz'ati.

Chuj San Mateo Bible

¹² Slajvi chi', ic'annac b'ey eb' d'a c'ualil yed' jun nivan topan̈ asun, axo d'ac'valil ayoch sc'ac'al jun asun chi' yic syac'an saquilq'uinal b'aj sb'at eb'.

Nehemías 9:12 Referans Kwoze

Nehemías 9:19

palta ach tic, yuj a niwquil chamc'ojlal, ma'ix actjcan eb' 'a lum cusltac lu'um. A jun niwquil 'asun, ma'ix 'el 'a yojltac eb' yic tz'ijx b'ey eb' 'a c'ul yu'uj, yet' jun niwquil c'ac' ma'ix 'el 'a yojltac eb' 'a 'ac'wal, yic tzictajx sb'e eb' 'ajtil tz'ati.

Salmos 143:8

'A junjn sq'uin̈b'ial tza'n wojcoc 'el a chamc'ojlal, yujto ach tzach wa'ch yipc in c'ojol. 'Ac' wojcoc 'eli tas wal smoj in b'oni, yujto a 'aych wan waln in b'a.

Salmos 107:7

Xlajw cha, 'ix yi'n b'ey eb' 'a jun b'e tojl sc'och 'a jun chon̈b' 'aj wach' xcan cajn eb'.

Salmos 105:39

Xya'n cot Dios jun 'asn yen̈loc eb', ax 'a 'ac'wal, a jun c'ac' a tz'a'n sacq'uinl 'a yib'n̈ eb'.

Salmos 78:14

A 'a c'ual, xyij b'ey eb' yet' jun 'asun, ax 'a 'ac'wal xyij b'ey eb' yet' sacq'uinlal jun c'ac'.

Ex 15:13

Yuj a niwn chamc'ojlal, tzon̈ e'n b'ey an̈ a chon̈b' on̈ tic, on̈ a coln 'elt yet' a poder, yic tzon̈ e'n 'at 'a lum lum to sic'b'il 'el o'oj yic tzach 'aj cajn ta'.

Nm 9:16

'Ichn̈jta 'ix 'aj 'a smasnil tiempo. 'Aychn̈ej jun 'asn chi 'a yib'n̈ Mantiado yic tz'ec' c'u, ax 'a yic 'ac'wal, 'icha to 'aych sc'a'l jun 'asn cha.

Dt 1:33

A Dios b'ab'l scot cujec, yic sayn 'aj wach' on̈ 'ochcwa'an. A 'a 'ac'wal, a jun c'ac' tzon̈ 'i'nec b'eyoc, ax 'a c'ual, a jun 'asn tzon̈ 'i'nec pax b'eyoc, xchi Moisés.

Nm 9:21

'Ay 'ajtil cojn 'a 'ac'wl tz'och wan jun 'asn cha, 'ax 'a yic sq'uin̈b'ial tzyamn 'och sb'eyxi, 'ixta pax tz'aj eb' sb'eyxi. Toto c'ual mto 'ac'wl tzb'ey jun 'asn cha, tzb'ey pax eb'.

Ez 20:6

A 'a jun tiempoal cha, ata 'ix wa'cn in ti', to tzwij 'elt eb' 'a Egipto, tzwi'n cot eb' 'a lum lum caw wal 'ay syaxil sat, atn lum yel xo wal wach' 'a yib'n̈ lum lum smasnil.