Nehemías 9:1 - Chuj San Sebastian Bible

¹ A 'a yic 24 yoch yucl 'uj cha, 'ix syamn sb'a eb' israel yic tz'och eb' 'a c'ajb'c'ojlal, xya'n 'och eb' spichl n̈achtac sat yuj scusc'ojlal, sjopnq'ue eb' lum 'a sjolom.

Chuj San Mateo Bible

¹ Ayic 24 yoch yuquil uj chi', ix smolb'an sb'a masanil eb' israel yic tz'och eb' tzec'ojc'olal, ix yac'anoch pichul eb' yic cusc'olal, ix yac'anq'ue pococ eb' d'a sjolom.

Nehemías 9:1 Referans Kwoze

Nehemías 8:2

A win Esdras cha, ya'mal 'och sti eb' 'anma yaj win 'a Dios. 'Ix yi'n cot win ch'an̈ ley 'a sat eb' 'anma yamn yaj cha, 'a b'ab'l c'u yic yucl 'uj. Ata syam sb'a smasnil eb' winac, smasnil eb' 'ix 'ix, yet' smasnil eb' 'unn tzax nachj 'el yu'uj.

Esdras 8:23

Yuj wal cha, on̈ 'och 'a c'ajb'c'ojlal, xqui c'ann 'a Dios to tzon̈ stan̈wj 'a yol b'e, 'ix yab'n pax qui lesl chi 'on̈.

Josué 7:6

Yuj cha, 'ix stziln 'el Josué spichl yet' eb' yichm wincal chon̈ab', xlaj sjopn q'ue eb' pococ 'a sjolom yic tzch'oxn 'el eb' scusc'ojlal cha. Xlajw cha, 'ix 'em cumn eb' 'a yojltac 'elt scaxail strato Jehová masnto x'emch quiln sat eb' 'a lu'um, 'ixtan̈ej yaj eb' masnto 'ix 'em c'u.

A Ch'an̈ B'ab'el Libro Samuel 4:12

'Ay jun win soldado yic eb' yin̈tl Benjamín 'ix yac' ganar scot 'elc 'a scal owl cha. Caw wal carela xcoti, 'ix jaw 'a jun c'u chi 'a Silo. Caw jatquixtac x'aj spichul, 'ix ya'n q'ue pococ 'a sjolom, yic tzch'oxn 'el scusc'ojlal.

Is 22:12

A 'a yic jun c'ul cha, a Jehová tztac' yuj smasnil, a ex 'awtn coti, yuj eyoq'ui, yuj e cusi, yuj e joxn 'el xil e jolom, yuj pax eya'n 'och e pichl to n̈achtac sat, yic tze ch'oxn 'el e cusc'ojlal yuj e tu'al, palta ma'ix yal e c'ojol.

Job 2:12

'Ayt wal sjaw eb', xyiln cot eb' win Job 'a najat, teb'il xyilch eb' win yuj syailal cha, yuj cha, syamn 'och eb' yoc' yuj winac. Caw tzcus eb', xlaj stzilnjat eb' spichul, sjob'n chan̈ eb' pococ 'a cha'an̈, ax 'a sjolm eb' xlaj 'emx lu'um.

Ester 4:16

'Ixic, molb'tzej smasnil eb' quit chon̈b' cajn 'a yol chon̈b' Susa tic, 'och cab' eb' 'oxe'oc c'u 'a c'ajb'c'ojlal wuj an tic. May cab' tas tze c'uxu, may pax cab' tas tzeyu'j 'a 'oxe c'u cha, yet' 'oxe'oc 'ac'wal. An̈jtona pax eb' 'ix tzin 'a'n servil an tic, 'oj 'och eb' 'ix 'a c'ajb'c'ojlal wet'oc. 'Oj lajwc cha, ax 'at wilnc win rey cha, wach'xam man̈ 'ixta'oc yaln ley. Toto yuj cha, ax in milx cham jun, chamquin cab'i', xchi Ester.

Ester 4:3

An̈jtona pax 'a smasnil chon̈b' 'aj 'ix c'och ch'an̈ un̈ 'aj tz'ib'b'il jun ley cha, 'ix 'och smasnil eb' israel 'a cusc'ojlal. A yic sch'oxn 'el eb' scusc'ojlal cha, 'ix 'och eb' 'a c'ajb'c'ojlal, caw tz'oc' eb', caw ya tzyab' eb', til wal eb' x'ec' teln 'a scal stan̈il c'ac', xya'n pax 'och eb' te pichl to n̈achtac sat yuj scusc'ojlal.

2 Cr 20:3

Xlajw cha, 'ix yecn xiw sb'a Josafat, caw 'emmquil 'ix yutj yaln sb'a 'a Jehová. 'Ix ya'n alxc 'a smasnil eb' 'anma 'a yol yic Judá to tz'och eb' 'a c'ajb'c'ojlal.

2 Cr 7:10

A yic 23 yoch yucl 'uj, ata xyalcn sb'a Salomón 'a eb' chon̈ab'. 'Ix paxcn eb' 'a yatut 'a tzaljc'ojlal. Caw wal tzalj eb' yuj swach'c'ojlal Jehová, 'icha yutjnac 'a David, 'a Salomón yet' 'a smasnil chon̈b' Israel.

A Ch'an̈ Schab'l Libro Samuel 1:2

Ax 'a schab'jial 'ix c'och jun winc 'a David cha, ata xcot win 'a 'aj 'e'nc scamplamento Saúl. Caw jatquixtac spichul, 'ay q'ue lum 'a scal xil sjolom yic tzch'oxn 'eli chajtlto 'ay scusc'ojlal. Ax yic xc'ochi, 'ix 'em n̈ojnjoc 'a yojltac David.

Jueces 20:26

Xlajw cha, ax eb' soldado israel smasnil, yet' smasnil eb' chon̈ab', 'ix 'atx eb' 'a scajnub' Dios 'a Bet-el. 'Ix 'oc' eb' 'a yojltac Jehová 'a smasnil c'u masnto xq'uic'b'i. May jac tas sc'ux eb', 'ix ya'n eb' xajmb'al tz'a'i, yet' xajmb'al yic junc'ojlal.

Lv 23:39

Palta a 'a olajn̈e yoch yucl 'uj cha, 'a yic tox xlajw e molnchan̈ sat smasnil eyawb'en, ata tze na uque c'u q'uin̈, yic tzeyi'n chan̈ in b'i an Jehová in. A 'a b'ab'l c'u cha, tzex 'ilji, 'ixta pax 'a yucl c'u cha.

Lv 23:34

Al jun tzo'n̈ tic 'a eb' et israelal to an tzwal 'ixtic: A 'a olajn̈e yoch yucl 'uj cha, ata tze na uque c'u q'uin̈ Chinama, yuj eyi'n chan̈ in b'i.

Apoc 11:3

'Oj wa'ch yopiso chawn̈ mach tz'a'n testigoal sb'a wu'uj, 1,260 c'u 'oj 'ec' yal-l eb' in paxti'. 'Oj ya'ch eb' jun pichl n̈achtac sat, sec chequel to cusc'ojlal yaj eb', yic tz'ec' eb', xchi.

A Ch'an̈ B'ab'el Libro Samuel 7:6

Ax yic 'ix syamn sb'a eb' 'a Mizpa cha, 'ix yi'n q'uet eb' a a', xlaj secnc 'ejm eb' 'a yojltac Jehová. 'Ix ya'n 'och sb'a eb' 'a c'ajb'c'ojlal 'a jun c'u cha. Xyaln eb' 'ixtic: 'Ix 'och wal qui mul 'a Jehová, xchi eb'. Ax Samuel, 'ix jucb'tzan eb' yit chon̈b' 'a Mizpa.

Esdras 8:21

Xlajw cha, xwaln 'ixtc 'a eb' wit chon̈b' cha: To tzon̈ 'ochc 'a c'ajb'c'ojlal 'a sti a Ahavá, sec wach' tzquijec 'ejm qui b'a 'a yojltac qui Diosalec. Tzqui c'annec 'a 'a, to tzon̈ yijec b'ey 'a wach' yet' eb' cunnalec yet' smasnil tas 'ay 'ayn̈ec.

Jl 2:12

Yuj cha tzyaln Jehová 'ixtic: Palta 'ayt sb'omb'il 'ayex. Meltzjan̈c cot 'ayn yet' smasnil e c'ojol. 'Ochn̈ec 'a c'ajb'c'ojlal, 'el cab' eyaw, 'o'n̈ec, xchi.