Nehemías 8:5 - Chuj San Sebastian Bible

⁵ Xlajw cha, 'ix sjacn Esdras ch'an̈ ley chi 'a sat smasnil eb' chon̈ab', 'ix yil eb' chon̈b' chi sjacw ch'an̈ ley cha, yujto chan̈ 'aj lin̈n 'elta. A yic 'ix sjacni, 'ix q'ue lin̈n smasnil eb' chon̈ab'.

Chuj San Mateo Bible

⁵ Yujto chaan̈ b'aj ayq'ue vin̈aj Esdras chi', yuj chi' ayic ix yilan eb' anima chi' smasanil xuyanel ch'an̈ ley chi' vin̈, ix q'ue lin̈an eb'.

Nehemías 8:5 Referans Kwoze

Jueces 3:20

Ax yic xcan Aod sch'ocj yet' Eglón, 'ix snitzn 'och sb'a 'a stz'ey winac, wocn 'ejm win 'a yol jun cuarto siclab'nac yojol, ata 'ay 'a cha'an̈. 'Ix yaln 'a win 'ixtic: —'Ay jun spaxti Dios 'oj wal 'ayach, xchi. Ax yic xyab'n win Eglón jun cha, 'ix q'ue wan win 'a yol xila.

A Ch'an̈ B'ab'el Libro Yic Yab'ixal Eb' Rey 8:14

Xlajw cha, 'ix meltzj 'at q'ueln win rey chi 'a smasnil eb' israel lin̈n 'ec' ta'. 'Ix yaln win wach' paxti 'a yib'n̈ eb' smasnil.

A Ch'an̈ B'ab'el Libro Yic Yab'ixal Eb' Rey 8:12

Xlajw cha, xyaln Salomón 'ixtic: Mamin Jehová, 'ix ala chajtlto scal q'uic'q'uinl cajn ach 'eq'ui.

Nehemías 8:3

'Ix chaj 'el yich yawtn ch'an̈ ley chi 'a sat eb' chon̈ab', 'a sq'uin̈b'ial masnto x'och chimc'ual, atn 'a plas 'a sti puerta 'aj tz'elt eb' 'ix 'ix cuchj a cha. Smasnil eb' chon̈ab', smaclj eb' yab' yawtx ch'an̈ un̈ cha, eb' winac, eb' 'ix 'ix yet' smasnil eb' 'unn tzax nachj 'el yu'uj.

Nehemías 8:4

A Esdras cha, lin̈n q'ue 'a yib'n̈ jun b'achnub' nab'a te', yujn̈ej jun cha xb'o cha'an̈. Ax 'a swach' c'ab', ata lin̈n 'ec' pax Matatías, Sema, Anías, Urías, Hilcías yet' Maasías. Ax 'a surito lin̈n 'ec' Pedaías, Misael, Malquías, Hasum, Hasbadana, Zacarías, yet' Mesulam.