Nehemías 8:10 - Chuj San Sebastian Bible

¹⁰ An̈jtona', xyaln pax Esdras 'a eb' 'ixtic: 'Ixquec wa'oc. A wal tas wach' tzlaj e c'uxu', tzeyu'n yal uva caw wach'. A eb' may yic b'ob'il yu'uj tzeyawtj eb' wac eyet'oc, yujto a jun c'u tic yic Jehová qui Diosalec yaji. Man̈ ex cusoc, yujto a tzaljc'ojlal tzyac' Jehová, atn wal 'aych qui te'naloc, xchi 'a eb'.

Chuj San Mateo Bible

¹⁰ Ix yalanpax vin̈aj Nehemías d'a eb': Ixiquec, b'at vaan̈ec. A vael te vach' tze va'a. Tzeyuc'an ac' vino d'a tzalajc'olal. Tzeyac' yic eb' anima malaj yic b'ob'il yuuj, yujto a jun c'u tic yic Jehová co Diosal yaji. Man̈ ex cusoc, yujto a tzalajc'olal syac' Jehová, a ayoch quipumaloc, xchi vin̈.

Nehemías 8:10 Referans Kwoze

Pr 17:22

A tzaljc'ojlal, lajn wal 'icha junc remel, ax pax cusc'ojlal, ton̈j tzyij 'el quipec.

Ec 9:7

Ex wit 'anma'il, ca'c tzaljoc qui c'ojl qui wa'i, tzcu'nec tas tzcuq'uej, yujto a jun tic caw wach' 'a sat Dios.

Salmos 149:2

Ex wit israelal, tzaljan̈c yuj jun mach 'ijnac 'el yich sb'on qui chon̈b'ec tic,*f3* ex 'aj Sión tzaljan̈c yet' qui Reyal.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Ester 9:19

Ax pax eb' israel cajn 'a jun tzo'n̈ xo chon̈ab', yet' 'a jun tzo'n̈ aldea to may smuroal schon̈ab', a 'a yic chan̈lajn̈e yoch 'uj Adar sb'i, ata xya'ch eb' q'uin̈ 'a tzaljc'ojlal, 'ix laj siylan eb' tastc 'a 'a.

2 Co 8:2

Wach'xam caw x'ajx prowal eb' yuj screyenteal, palta caw tzaljn̈ej eb'. Wach'xam caw meb'a eb' si'mb'il, palta 'ela eb', 'icha to caw rico eb' tzquila.

Ester 9:22

Yujto a 'a jun tzo'n̈ c'u cha, ata 'ix yac' lajwc eb' israel eb' 'ajc'ojl yajch 'a 'a. A wal 'a jun c'ul cha, 'aych wal eb' 'a 'oq'uel, tz'el yaw eb' yuj chamel. Palta 'ix jelmji, tzaljc'ojlal xo x'aj 'el'chi. Yuj cha, a 'a jun tzo'n̈ c'u cha, ata tzna eb' q'uin̈, tzsiyn eb' tastc 'a 'a, tzya'n eb' scolwal 'a eb' meb'a'.

Ec 3:13

A tas tzyac' Dios 'ayn̈ec to tzon̈ tzaljec qui wa'i, tzcu'nec tas tzcuq'uej, tzca'nec pax tzaljoc qui c'ojl yet' qui munljelec.

Ec 2:24

A wal tas smoj qui b'onec an̈ 'anman̈ec tic, to tzon̈ wa'ec, tzcu'nec tas tzcuq'uej, tzca'nec tzaljoc qui c'ojl yet' qui munljelec cha. 'Ix nachj 'el wu'uj, to a jun cha a 'a Dios tzcoti.

Ec 11:2

Tzyal 'el'chi, to a tas 'ay 'ayn̈ec, tzqui pojc 'ec' 'a scal eb' 'ay tas 'ay sc'a'l tz'och yu'uj, yujto man̈ cojcoquec tas wan sjaw 'a quib'n̈ec yet' qui chon̈ab'.

A Scarta San Pablo D'a Eb' Aj Filipos 3:4

An xo tic, in najnac, to smoj tzwa'ch jun tzo'n̈ tic yipc in c'ojol, yujto caw yiclum wutjnac in b'a 'a jun tzo'n̈ tic. Tecn 'ay eb' tznani, to smoj tzcolchj eb' yuj jun tzo'n̈ mun tzb'o eb' cha. Palta an tic, yel xo wal caw yiclum wutjnac in b'a 'a jun tzo'n̈ cha.

Lc 11:41

Octom a yet' e nab'en tze ch'oxl e wach'il. Toto 'ixta', 'oj sacb'tzaxc e pixan yet' e nab'en. Tzyal 'el'chi, man̈x 'a maysch'olnil 'aych 'ayex.

Cantares 5:1

Ach cob's 'ix to tzach 'och wistloc, tox xin 'och 'a scal te wawb'en te'. Wan in molb'tzan te 'in mirra yet' jun tzo'n̈ xo te su'q'ui sjab', wan pax in le'n no yal chab' tz'elt 'a sc'ate', wan pax wu'n yal in uva yet' in lech, xchi winac. Ex qui wach'c'ojol, wan̈ec, 'u'jec tas tzeyuq'uej, xchi eb'.

Ec 5:18

Toto 'ixta', ¿tas wach' tzcutjec qui b'a 'a yolyib'n̈q'uinl tic? A tzin na an tic, ya' sb'a 'ay jaye'oc c'u qui q'uinlec yuj Dios, smoj tzon̈ tzaljec qui wa'i, tzcu'nec tas tzcuq'uej, atn tas tzquijec 'a qui munljel, yujto a chi tzwul yac' qui b'oc 'a yolyib'n̈q'uinl tic.

Jl 2:23

E masnil ax cajn ex 'a Sión, tzaljan̈ec. Tzaljan̈c 'a Jehová qui Diosal, yujto 'oj ya'x cot n̈ab'lq'uinl 'a 'ayn̈ec 'a 'icha stiempoal, atn b'ab'l n̈ab', yet' schab'l n̈ab', 'icha tzyac' xon 'a yaln̈taxi.

Apoc 11:10

C'uxn 'oj laj tzaljc eb' 'anma 'a yolyib'n̈q'uinal, yujto 'ix cham eb'. 'Oj laj ya'lac eb' siylab' 'a scal. Caw 'oj tzaljc eb', yujto caw tzyab' eb' syal yuj chawn̈ eb' schecb' Dios cha.

A Ch'an̈ B'ab'el Libro Samuel 25:8

Tztac' tza c'anb'j jun tzo'n̈ tic 'a eb' a checb' cha, 'oj yal eb' 'ayach chajtlto yel. Sc'ul wal a nan a q'uin̈ on̈ jaw on̈, yuj cha, tztew David 'ayach, to tzon̈ 'a chaj 'a tzaljc'ojlal. Tza'n tastc 'ay 'a yol a c'ab' 'ayn̈ on̈, yet' 'a jun a wach'c'ojl cha, xe chi 'a 'a, xchi David.

Nehemías 8:11

'Ix tenx pax 'och wan eb' chon̈b' chi yuj eb' levita cha, xyaln eb' 'a eb' 'ixtic: 'Actjec eyoq'ui, yujto yic Jehová yaj jun c'u tic, may cab' mach tzcusi, xchi eb'.

Nehemías 8:12

Xlajw cha, x'at smasnil eb' chon̈b' wa'oc, xyu'n eb' tas xyuq'uej, ax eb' may yico', xya'n eb' yic eb'. 'Ix wa eb' 'a tzaljc'ojlal, yujto 'ix nachj 'el yuj eb' tas 'ix 'ajx scuy eb' cha.

Zacarías 14:21

Smasnil chen 'a Jerusalén yet' 'a Judá, yicn̈ej Jehová 'oj 'ajoc, atn jun tztac' yuj smasnil. Smasnil mach tz'at yac' junc xajmb'al ta', tztac' sc'ann jun tzo'n̈ cha, sec ata tz'an̈ eb' schib'jal no xajmb'al cha. A 'a yic jun c'ul cha, man̈x 'a eb' chon̈wjum 'oj chon̈wjoc 'a yatut Jehová tztac' yuj smasnil.

A Ch'an̈ B'ab'el Libro Yic Yab'ixal Eb' Rey 8:66

Ax yic xlajw q'uin̈ cha, ax 'a junx c'u 'ix yaln can sb'a rey Salomón 'a eb' chon̈ab', ax eb' 'anma cha, 'ix yaln eb' wach' paxti 'a yib'n win rey. Xlajw cha, 'ix paxx can eb' 'a yatut 'a tzaljc'ojlal yuj smasnil tas wach' sb'o Jehová 'a David, atn jun schecab', yet' eb' israel, atn eb' schon̈ab'.

1 Cr 16:27

Caw tzictzni yilx yuj spoder, caw 'ayc' yet' spoder chi 'a yol scajnub'.

Salmos 89:17

Yujto ach ton wal tzac' quip on̈, yuj a wach'c'ojlal tza'n cac' ganar on̈.

Is 49:5

Ax ticnec tox xin chaj sniwquil-l wel'ch 'a yojltac Jehová in Diosal, yujto a x'a'n wip. 'Aynto 'ec' 'a yol sc'ojl in nun 'ix snan cani to tzin 'och schecb'oc, sec tzwijx meltzjoc eb' israel jun 'ejm xo 'a 'a, atn eb' yin̈tl can Jacob.