Nehemías 6:16 - Chuj San Sebastian Bible

¹⁶ A yic 'ix yab'n smasnil eb' 'ajc'ojl yajch 'ayn̈ on̈, yet' jun tzo'n̈ xo nacion̈ 'ay 'a qui la'nil, caw 'ix xiw eb'. 'Ix can eb' 'a yalan̈, yujto sb'an̈jnac sb'a eb', 'ix yojquej 'el eb' to yuj scolwal Dios 'ix b'o jun munljel cha.

Chuj San Mateo Bible

¹⁶ Ayic ix yab'an masanil eb' ayoch ajc'olal d'ayon̈ yed' masanil juntzan̈xo nación ay d'a co lac'anil to ix b'o muro chi', ix xivq'ue eb'. Ix q'uixvipax eb', yujto ix nachajel yuj eb' to a jun munlajel chi' ix yic' sb'a yuj scolval co Diosal.

Nehemías 6:16 Referans Kwoze

Josué 5:1

Ax smasnil eb' sreyl eb' amorreo cajn 'a junx sc'axpil 'ec' sti a Jordán, 'a stojlal 'aj tz'em c'u, yet' pax eb' sreyl eb' cananeo cajn 'a sla'nil sti a Mar Mediterráneo, 'ix yab' eb' yab'xil, to tacjnac chan̈ a Jordán yuj Jehová yic ye't chon̈b' Israel 'a yojl a'. Yuj cha, caw wal xiw chan̈ eb', may xon junc eb' ste'wtzej sb'a sjaw yac' owl yet' eb' israel.

Salmos 126:2

Xlajw cha, 'ix ca'nec wal qui gana qui tzewji, 'ix 'el wal cawc qui b'itnec yuj tzaljc'ojlal; ax eb' chuc chon̈b'al, xlaj yal eb' 'ixtic: A Jehová, caw niwn swach'c'ojlal xyac' 'a eb', xchi eb'.

Nehemías 4:7

Palta ax yic xyab'n Sanbalat yet' Tobías cha, yet' pax eb' árabe, eb' amonita, yet' eb' 'aj Asdod, to yelc'ojlal tzon̈ munlj qui b'on smuroal Jerusalén, tox xlaj macchj 'aj niwc yaj sjacwi, yuj cha, caw 'ix cot yowl eb'.

Nehemías 4:1

A yic xyab'n win Sanbalat to wan qui b'on muro, caw 'ix chacb' sat scot yowal, syamn 'och sb'uchwj 'ayn̈ an̈ 'aj Judá on̈ tic.

Nehemías 2:10

Palta 'ay chawn̈ eb' yajal, atn Sanbalat 'aj Horón yet' Tobías yajl yaj 'a eb' 'aj Amón, a yic 'ix yab'n eb' to in c'och colwjoc 'a eb' wit israelal cha, ma'ix schaj sc'ojl eb'.

A Tas Sc'ulejnac Eb' Schecab' Jesús Hechos 5:38

Yuj cha, tzwal 'ayex, cactquec quixtn eb' schecb' Jesús tic, yilx eb'. A jun yic eb' tic, toto yic comn 'anma', mun 'oj satx can 'ejmi.

Nm 23:23

A 'a eb' yin̈tl Jacob, may yel'ch eb' tzyal jelnal sb'a, may yel'ch eb' b'alm 'a sat eb'. A ticnec b'i'an, yowlal tzalx 'ixtc 'a yib'n̈ eb' israel: Til wal satjub'tacl 'ix sb'o Dios yet'oc, xchi cab' eb' 'anma yuj eb'.

Ex 14:25

'Ix laj 'el setetal scaruaje eb', man̈xtzac stac' sb'ey eb', 'ix laj yal-lanc eb' 'a 'ixtic: —'El coyc 'a eb' israel tic. Yuj eb' tzya'n Jehová owl quet'ec, xchi ewinac.

Nehemías 6:17

A 'a yic jun tiempoal cha, til wal carta 'ix stz'ib'j 'at eb' winc niwn yel'ch yopiso 'aj Judá 'a Tobías, xya'n Tobías chi spac jun tzo'n̈ carta cha.

Jeremías 33:9

A Jerusalén tic, caw 'oj tzaljc in c'ojl yu'uj, 'oj wac' junc'ojlal 'a 'a. A wal yic 'oj yab'nc smasnil eb' nacion̈ yuj tas niwn yel'ch 'oj in b'o 'a 'a, caw 'oj yal eb' wach' paxti 'ayin, ax in sb'inan eb' si'mb'il. Palta caw 'oj satcn sc'ojl eb', 'oj 'ib'xoc eb' yuj xiwlal, yic 'oj yilnc eb', xchi Dios.

Josué 2:9

—Wojc an tic, to a Jehová a tz'a'n jun lum tic 'ayex. A pax tzon̈ 'a'n 'och 'a xiwc'ojlal qui masnil 'a jun tzo'n̈ lugar tic on̈. Man̈x on̈ 'anmac tzcab'i yic tzcab'n eyab'xil.

Josué 2:11

Caw wal tzon̈ xiw chan̈ cab'n eyab'xil. Toc 'ayt junc on̈ tzqui te'wtzej qui b'a 'a eyojltac, yujto a Jehová e Diosal, sDiosal pax tas 'ay 'a satcha'an̈ yet' tas 'ay 'a sat lum lum tic.

Salmos 109:27

Yojcoc cab' 'el eb' 'anma', to ach xa b'o jun tzo'n̈ tic.

Salmos 129:5

'El cab' sq'uixwel eb' 'ajc'ojl yajch 'a Sión, pax cab' eb' 'a spatic.

Salmos 147:2

A xb'on pax chan̈ Jerusalén jun 'ejm xo, xya'n qui yamc qui b'a an̈ israel on̈c tic, atn an̈ sactzicnac cajc can 'at 'a jun tzo'n̈ xo lugar.