Nehemías 5:5 - Chuj San Sebastian Bible

⁵ A ticnec, an̈ec tic yet' eb' quit chon̈b'ec tic, junn̈j quin̈tlec, may mach chuc yilx yunnal, lajn yilx cunnalec yet' yunnal eb'. ¿Tas yuj a eb' cunnalec 'aych mosoal 'a eb'? 'Ayn̈ec 'ayx 'och quislec ya'mal servil eb', man̈x 'a wach' tas tzcutj qui colnec qui b'a, yujto yic xo eb' qui lumec, yet' cawb'ente', xchi eb'.

Chuj San Mateo Bible

⁵ Ix yalanpax eb' icha tic: A on̈ tic yed' eb' quetchon̈ab' tic, junn̈ej quin̈tilal, malaj mach ch'oc yilji yuninal, lajann̈ej yilji cuninal yed' yuninal eb', yuj chi', ¿tas yuj a eb' cuninal ayoch schecab'oc eb'? Ayon̈ ayxo och eb' ix quisil schecab'oc eb'. Maxtzac yal co colan co b'a, yujto yicxo lum co luum eb' yed' cavb'en, xchi eb'.

Nehemías 5:5 Referans Kwoze

A Ch'an̈ Schab'il Libro Yic Yab'ixal Eb' Rey 4:1

'Ay jun 'ix yistl can jun win schecb' Dios, 'ix xit' 'ix 'at yal sb'a 'a Eliseo, 'ix yaln 'ix 'ixtic: —A win wichmil chamnc xo winac, 'in ojc ach tic to 'ay xiwc'ojlal win 'a Jehová. Ax ticnec 'ay jun win 'aj 'aycn smajn tumn win wichmil cha, 'ix jaw win 'ayin, tolab' tzwul yij 'at win chawn̈ eb' wune tic smosooc yic to man̈x yico'oc sb'a eb', xchi 'ix.

Is 58:7

A eb' 'anma tzcham yuj wejel, 'a'c tas tzc'ux eb' eyet'oc, ax eb' may yatut, 'a'c sposada eb' 'a eyatut. Toto 'ay eb' meb'a man̈x 'a jac spichul, pichc eb' eyet'oc, man̈ eyactc eya'n sniwnal sc'ojl eb' eyit chon̈ab'.

Gn 37:27

Wach' to tzqui chon̈c 'el 'a eb' ismaelita tzjaw cha; man̈ qui milc chamoc, yujto cu'taquec qui b'a yet'oc, xchi Judá. Xchan sc'ojl smasnil eb' yu'tac 'a tas xyal cha.

Mt 18:25

Palta a jun winc cha, caw may stumin, man̈xtzac stac' ya'n meltzjoc jun tzo'n̈ sb'oc cha. Yuj cha, tzyaln win rey cha, to yowlal tzchon̈x 'el win yet' yistzil, yet' yunnal yet' jantcn̈ej tas 'ay 'a 'a, sec toq'ue tztup sb'oc win cha.

Gn 29:14

Xyaln Labán 'a 'ixtic: Wal yel caw wal junn̈j to quin̈tl et'oc, xchi 'a winac. Yuj cha, xcancn Jacob yet' Labán jun 'ujal.

Is 50:1

A Jehová a tzaln 'ixtc 'a schon̈ab': Ex Israel, ¿tzam e na to an pechjnacx 'el 'icha junc winc tzpechl yistzil? Toto 'ixta' ¿'ajtil 'ay yun̈al pojjb'al 'a in cal eyet'oc? ¿Tzam e na'a to an tzex in chon̈b't yuj in b'oc yic tzex 'och mosoal? Ax tic yuj e mul eyijx 'at 'icha presoal, yuj e maysch'olnilal ex in pechn 'eli.

Pr 22:7

A eb' rico, 'icha junc rey 'ixta yaj eb' 'a scal eb' meb'a', a eb' tz'a'n tumn majnil, yajl yaj eb' 'a scal eb' tz'och majan.