Nehemías 4:17 - Chuj San Sebastian Bible

¹⁷ A eb' cuchm 'icatz, x'ochx eb' cuchj 'icatz, palta ax 'a junx sc'ab' eb', ata yet' eb' syamc'ab' yic owal.

Chuj San Mateo Bible

¹⁷ A eb' cuchum icatz, cuchb'il yicatz eb' chi' yuuj, jun sc'ab' eb' chi' yamjinac yicatz chi', axo d'a junxo sc'ab' eb' yed'nac syamc'ab' yic oval.

Nehemías 4:17 Referans Kwoze

2 Ti 4:7

'Icha junc mach caw tzyac' 'ip 'a junc tajnel, 'ixta xwutj in b'a in munlj 'a yic Dios. A ticnec xwac' ganar slajw wopiso 'a swach'il. Smasnil tiempo, caw xin ya'ilj jun tzo'n̈ cuynb'il 'aj 'aych qui c'ojol.

2 Ti 2:3

'Icha junc soldado caw wach', 'ixta tzotj a'n techjoc ab'n syail, yujto wan a'n servil Jesucristo.

2 Co 6:7

A jun cuynb'il caw yel, an̈j tzcal-l on̈. Caw 'aych Dios quet' on̈. 'Icha junc soldado tzcol sb'a yet' jun tzo'n̈ syamc'ab', tzya'n pax owl yet'oc, 'ixta tzcutj qui b'a on̈, yujto caw tojl tzcutj qui nab'en on̈.

A Scarta San Pablo D'a Eb' Aj Filipos 1:28

Caw man̈ ex xiw 'a eb' tzchichn 'och 'ayn̈ec. 'Ixta 'oj eyutc e ch'oxn 'eli, to 'oj satcn 'el eb' 'a jun 'ejmn̈ej. An̈jtona', 'ixta 'oj 'aj scheclj 'eli, to 'ayx qui colnb'ilec, yujto 'ixta 'oj yutc Dios sch'oxni.

1 Co 16:13

Macwjan̈ec, caw te'n tzeyutj e b'a eya'n 'och e c'ojl 'a Cajlilec. Man̈ ex xiwoc. Caw tze te'wtzej e b'a junjn ex.

1 Co 16:9

Yujto tzwila, caw wach' tzin munlj 'a yic Cajlilec 'a tic. Wach'xam niwn eb' tzchichn 'och 'ayin, palta libre waj in munlji.

1 Co 9:12

'Ay jun tzo'n̈ xo eb' 'ay yaln yic schan yic 'ayex. Yuj cha, an̈ tic on̈, yel xo wal 'ec'b'al 'ay caln quic 'ayx on̈. Palta wach'xam 'ay caln quic 'ayx on̈, mant 'a jun 'ejmoc qui c'anjnac qui gasto 'ayx on̈. Caw tzcac' techjoc smasnil tas on̈, sec wach' niwn yel'ch yab'xil Cristo 'a 'ajtc tz'ec' cal-l on̈.

Dn 9:25

Yowlal 'oj nachjoc 'el jun tic o'oj: A yic 'oj alxoc chajtlto 'oj 'ajxoc b'o jun chon̈b' Jerusalén jun 'ejm xo, yowlal 'oj 'e'cn uque seman b'ab'el ax sjapx junx 62 seman. 'Ixta to b'i'an, ax sjaw jun Yajl sic'b'il 'eli. A 'a yic jun tiempoal cha, 'a scal niwn yailal ax sb'o scayeal yet' smuroal chon̈b' Jerusalén jun 'ejm xo.

Nehemías 4:13

Xlajw cha, xwalni, to a junjn macn̈ eb' yican sb'a, tzmacwj eb' 'a spatc 'el muro 'a 'aj ch'olan yet' a 'aj jacan, tzyi'n eb' yespada, lanza yet' jul-lab'.

Nehemías 4:16

Atxo 'a yic jun c'ul cha, spacln̈ej eb' in munlwjum tzmunlji, ax spacl xo eb' lista yaj eb' yet' syamc'ab' yic owal, atn lanza, jul-lab', smacl sat jul-lab', yet' q'uen pichl tzya'ch eb' soldado 'a sn̈i sc'ojol. Ax eb' yajl yaj 'a scal eb' wit chon̈ab', 'ayc' eb' ya'n ste'nal eb' tzmunlj cha.

Nehemías 4:18

A smasnil eb' tzmunlj 'a muro cha, t'un̈n 'och yespada junjn eb' 'a snan̈al. A 'a in tz'ey ata 'ayc' pax win tz'utz'n no cacha.

Salmos 149:6

B'itn coyc 'a Dios, ax qui c'ab' a yamjnac qui espada chab' ye,

Cantares 3:8

'Ay yespada eb' smasnil, t'un̈n 'och yespada eb' chi 'a snan̈al, caw wal jeln eb' 'a owl cha; caw lista yaj eb', lemb'il 'ay owl tz'och 'a 'ac'wal.

Jl 2:8

Matz tenlaj sb'a eb'. Junjn eb', tojl sb'ey eb' 'a sb'e. Matz 'och wan eb' yuj yespada eb' 'ajc'ojl 'a 'a, 'ixta no'.