Nehemías 2:7 - Chuj San Sebastian Bible

⁷ An̈jtona', xwaln pax 'a win rey 'ixtic: Toto wach' tzab' mamin rey, 'a't junc carta 'a eb' gobernador 'ay 'a sc'axpil 'ec' a Éufrates, sec wach' libre tzin schaj 'ec' eb', masnto tzin c'och 'a Judá.

Chuj San Mateo Bible

⁷ Ix valanpax d'a vin̈ icha tic: Tato vach' tz'aj tza na' mamin rey, ac'b'at junoc carta d'a eb' vin̈ gobernador ay d'a stojolal b'aj tz'em c'u d'a a' Éufrates, yic vach' tzin schaec' eb' vin̈ ta' masanto tzin c'och d'a Judá.

Nehemías 2:7 Referans Kwoze

Esdras 7:21

An rey Artajerjes in, an tzwal ax e masnil ex molm tumn eyaj 'a sc'axpil 'ec' a Éufrates, 'a'c mu'c smasnil tas tzc'an Esdras ya'mal 'och sti eb' 'anma 'a sDiosal, to cuywjum 'a sley jun Dios 'ay yic satcha'an̈.

Nehemías 2:9

A yic in jaw 'a eb' gobernador 'ay 'a sc'axpil 'e't a Éufrates, 'ix wa'n ch'an̈ carta xya' cot win rey 'ayin. Ajun pax eb' soldado xya' cot win rey wet'oc, eb' tzb'ey 'a yoc, yet' eb' 'aych 'a yib'n̈ chej.

Esdras 8:36

Xlajw cha, xca'n ch'an̈ scarta win rey 'a eb' gobernador yet' 'a eb' capitan̈ yaj 'a sc'axpil 'e't a Éufrates. Ax x'aji xcolwj eb' 'ayn̈ on̈, locn xo pax eb' scolwj quet' 'a yatut Dios.

Esdras 6:6

Xlajw yab'n win rey tas alb'il can cha, xya'n cot win rey Darío jun ley 'a win Tatnai gobernador yaj 'a stojlal 'aj tz'em c'u 'a sc'axpil 'e't a Éufrates, yet' 'a Setar-boznai, yet' 'a eb' yit yajlil eb', xyaln cot 'a eb' 'ixtic: 'Actjec can chon̈b' Jerusalén.

Esdras 8:22

Tox 'ix calc 'a win rey cha, to a qui Diosalec a tztan̈wni mach tz'och 'emmquilal 'a 'a, palta tzcot yowl sc'ojl 'a mach matz yiclni tas tzyala. Yuj cha, tzin q'uixw in c'ann in soldado 'a win rey, atn eb' tzb'ey 'a yoc, yet' eb' tzq'ue 'a yib'n̈ chej yic tzon̈ stan̈wni eb' 'a yol b'e, xin chi 'a eb'.

Nehemías 3:7

'A stz'ey yic eb' cha, ata sb'o pax eb' tic yico', atn Melatías 'aj Gabaón yet' Jadón 'aj Meronot, yet' pax eb' 'anma 'aj Gabaón yet' eb' 'aj Mizpa, atn eb' 'aych can 'a yaln̈ schecnb'il win 'aych gobernadoral 'a yib'n̈ jun tzo'n̈ chon̈b' 'ay 'a sc'axpil 'e't a Éufrates.