Nehemías 2:17 - Chuj San Sebastian Bible

¹⁷ Xlajw cha, xwaln 'a eb' 'ixtic: —Ax tic, 'in caw eyojc si'mb'il, a jun tiempoal 'aj 'ayn̈ec 'ec' tic caw maysch'olnil, yujto mac'b'il 'ejm lan̈chjoc Jerusalén tic, ax spuertail tz'anac. Cotn̈ec, junn̈j tzcutjec qui b'a, qui b'oc pax chan̈ smuroal qui chon̈b' jun 'ejm xo, sec wach' man̈xtzac on̈ tzetzxec, xin chi.

Chuj San Mateo Bible

¹⁷ Ix lajvi chi' ix valan d'a eb' icha tic: —A ex tic eyojtac sic'lab'il to a jun tiempoal b'aj ayon̈ ec' tic te chuclaj, ina ix mac'chajem lan̈naj chon̈ab' Jerusalén tic, tz'anacxopaxb'at spuertail. Yuj chi' co molb'ejec co b'a sco b'oanecxiq'ue smuroal tic, yic vach' maxtzac on̈ b'uchji, xin chi d'a eb'.

Nehemías 2:17 Referans Kwoze

Ez 5:14

Sictac 'oj 'ajcn e chon̈b' tic, ax yic 'oj laj 'ec' eb' 'anma cajn 'a stz'ey, 'oj laj stzetzc eb'.

Nehemías 1:3

Xyaln eb' 'ayn 'ixtic: A eb' quit chon̈b' cha, 'ayc' eb' ticnec 'a Judá, caw cusltac yaj eb', q'uixweltac yilx 'och eb'. Ax pax yuj Jerusalén, mac'b'il 'ejm lan̈chjoc smuroal, tz'anc pax spuertail, xchi eb' 'ayin.

Salmos 79:4

Til wal qui b'uchx yuj eb' 'anma oyn 'och 'a qui la'nil on̈, tzetzjub'tac quilx 'a sat eb' on̈.

Lm 3:51

Caw wal tzq'ue syal yol in sat woq'ui, tzcus pax in c'ojl yuj tas tz'aj yixtx eb' 'ix 'ix 'a yol in chon̈ab'.

Lm 2:2

C'uxn 'ix satl Cajlilec smasnil eb' lum chon̈b' 'aj cajn eb' yin̈tl Jacob. Yuj yowl sc'ojl cha, caw wal yajn̈ej 'ix ya'n lan̈chjoc 'ejm smuroal chon̈b' Judá; 'ix yi'n can 'ejm jun nacion̈ tic 'a sat lu'um, yet' eb' 'aych cob' yajlil 'a 'a.

Jeremías 24:9

Caw 'oj wa' cot junc niwquil yailal 'a yib'n̈ eb'. Caw 'oj xiw jun tzo'n̈ xo nacion̈ yuj eb'. 'Oj 'ijxoc wal 'ejm eb' si'mb'il. A eb' 'anma 'a jun tzo'n̈ nacion̈ 'aj 'oj wac' sactzic can 'at eb', caw 'oj b'uchxoc eb' yuj eb', 'oj b'ajxoc eb' yuj eb'. 'Oj jawc catb' 'a yib'n̈ eb' 'oj b'uchxoc cha.

Salmos 79:12

Ach Cajlil on̈, uc 'ejm cab' tzac' spac jun tic 'a eb' 'anma cajn 'a qui la'nil tic on̈, yujto caw ya yaln eb' b'uchwal paxti 'ayach.

Salmos 44:13

On̈ a'cn 'och b'uchnb'ilal 'a eb' 'anma cajn 'a qui tz'ey on̈. Caw tzon̈ stzuntzj eb' on̈, may jac quel'ch 'a sat eb' on̈.

A Ch'an̈ B'ab'el Libro Samuel 11:2

'Ix ta'w Nahas chi 'ixtic: —Tzin b'o jun in trato eyet'oc, cojn toto tzchaj e c'ojl wi'n 'elt junjnoc yol e sat 'a e wach' junjn ex, sec 'ixta 'oj 'aj yel e q'uixwel yet' eb' eyit israelal, xchi.

Nehemías 2:13

On̈ 'elt 'a spuertail pan̈n 'a'lic, on̈ 'ec' 'a stojlal a pac'b'a tzcuch Dragón, on̈ 'ec' pax 'a spuertail 'aj tz'at can c'alem. X'ec' in maclnoc wil smuroal Jerusalén mac'b'il 'ejm lan̈chjoc, yet' spuertail tz'anac.

Nehemías 2:16

Ax eb' yajl chon̈ab', man̈ yojcoc eb' 'aj 'ayn 'ati, man̈ yojcoc pax eb' tas tz'ec' in say in b'o'. An̈jtona', mant 'a tas tzwal yab' eb' wit israelal, eb' ya'mal 'och sti eb' 'anma 'a Dios, eb' caw niwn yel'ch yet' yopiso, eb' yajal, yet' eb' 'oj munljoc.

Nehemías 3:15

A Salum, yunnal Colhoze, a gobernador yaj 'a yol smacb'en chon̈b' Mizpa. A 'ix b'on muro 'aj xcan spuertail a pac'b'a'; xya'n q'ue yib'an̈, xya'n 'och spuertail cha, ax q'uen hierro xya'ch yipnub'oc. An̈jtona sb'on pax muro tz'ec' 'a sla'nil jun tanque tzcuch Siloé, tz'och 'a 'aj 'ay yawb'ente eb' rey, masnto xc'och pax 'a 'aj tz'ejm sc'ochal Schon̈b' David.

Esdras 9:9

Wach'xam mosoal caji, palta ma'on̈ actjcan on̈. Ach qui Diosal on̈, 'ix a ch'ox a chamc'ojlal 'a q'uib'n̈ 'a sat eb' sreyl Persia. 'Ix 'ac' qui tzatzl on̈ yic tzqui b'on pax sjel atut 'aj pojnc 'ejmi, ach on̈ a tan̈wj 'a Judá yet' 'a Jerusalén tic on̈.

Salmos 44:14

On̈ a'cn wal 'och b'uchnb'ilc paxti 'a scal eb' chuc chon̈b'al, a yic tzlaj on̈ yiln eb' on̈, tzlaj syucn eb' sjolom yet' sc'ab' yic tzon̈ sb'uchn eb' on̈.

Salmos 102:15

Smasnil lum nacion̈ yet' eb' rey 'ay 'a sat lum lum tic, 'oj xiw chan̈ eb', ax yi'n chan̈ eb' a b'i Mamin Jehová.

Miqueas 7:11

Ex 'aj Jerusalén, jab'xoj sjaw sc'ul e b'on pax chan̈ smuroal e chon̈b' jun 'ejm xo; caw 'oj lewnb'oc pax e macb'en.