Nehemías 2:14 - Chuj San Sebastian Bible

¹⁴ X'ec' wilnoc pax jun puerta 'ay 'a sla'nil a pac'b'a', yet' spila win rey; palta ma'ix stac' yec' no in cuchmal ta'.

Chuj San Mateo Bible

¹⁴ Ix ec' vilanpax jun puerta d'a sjaj a a' yed' pax stanque vin̈ rey. Majxo yal-laj vec' yed' noc' in chej chi' ta'.

Nehemías 2:14 Referans Kwoze

Nehemías 3:15

A Salum, yunnal Colhoze, a gobernador yaj 'a yol smacb'en chon̈b' Mizpa. A 'ix b'on muro 'aj xcan spuertail a pac'b'a'; xya'n q'ue yib'an̈, xya'n 'och spuertail cha, ax q'uen hierro xya'ch yipnub'oc. An̈jtona sb'on pax muro tz'ec' 'a sla'nil jun tanque tzcuch Siloé, tz'och 'a 'aj 'ay yawb'ente eb' rey, masnto xc'och pax 'a 'aj tz'ejm sc'ochal Schon̈b' David.

A Ch'an̈ Schab'il Libro Yic Yab'ixal Eb' Rey 20:20

Ax jantc to yab'xil Ezequías, yet' jun tzo'n̈ niwn yel'ch 'ix 'el sb'oni, 'icha yuj jun tanque, yet' tasm 'ix yutj yi'n 'och a a 'a yol chon̈ab', a jun tzo'n̈ cha, ata tz'ib'b'il can 'a ch'an̈ libro 'aj tz'ib'b'il can yab'xil eb' sreyl Judá.

2 Cr 32:30

A Ezequías chi 'ix a'n macx a a tzb'ey 'a yib'n̈ q'ue a spac'b'a 'ay 'a Guihón, ax 'a yaln̈ lum 'ix 'ec' a', atn 'a stojlal 'aj tz'em c'u, a 'a Schon̈b' David, ata xc'och a'. Caw wach' 'ix 'el'ch Ezequías yet' smasnil tas 'ix sb'o'o.

A Ch'an̈ Schab'il Libro Yic Yab'ixal Eb' Rey 18:17

Xlajw xoj cha, 'ix schecn 'at sreyl Asiria schecb' 'a win Ezequías, atn 'oxwn̈ ewin syajlil eb' soldado, yet' jun b'uln̈ eb' soldado to caw wal jeln ya'n owal, caw 'ay yip, 'ix 'el eb' 'a Laquis, 'ix jaw eb' 'a Jerusalén. A yic 'ix jaw eb' ta', 'ix sb'on chan̈ eb' scamplamento 'a 'aj tz'eml yoctc jun tanque 'ay 'a yib'n̈ yol b'e tz'at 'a 'aj tzju'w eb' jalm nip.

Nehemías 12:37

'Ix 'ec' eb' 'a yib'n̈ puerta yic a pac'b'a', 'ix 'atn̈j eb' 'a yojltac 'a yib'n̈ muro cha, 'ix q'ue eb' 'a sc'ochal sb'el Schon̈b' rey David, yet' 'a sla'nil yib'n̈ sdespacho can win rey cha, masnto 'a spuertail 'aj tz'elt eb' 'ix 'ix cuchj a', 'a stojlal 'aj tzq'uel c'u.

Ec 2:6

Xlaj in b'onc pax yet'l wal 'aj tzyam sb'a yic tzwa'n 'och yalil wawb'en te cha.

Nehemías 3:16

Xlajw cha, a Nehemías, yunnal Azbuc, gobernador yaj 'a spacloc lugar 'a yol yic chon̈b' Bet-sur, a 'ix b'on 'aj xc'och sti muro 'ipn sb'o cha, xc'och 'a yojltac 'aj mucn rey David yet' eb' yin̈til, xc'och pax 'a stan̈queal a a', masnto xc'och 'a scuartel eb' soldado.