Nehemías 13:23 - Chuj San Sebastian Bible

²³ An̈jtona', a 'a yic jun tiempoal cha, xwiln paxi to 'ay eb' wit israelal xyij sb'a yet' eb' 'ix 'aj Asdod, eb' 'ix 'aj Amón yet' eb' 'ix 'aj Moab.

Chuj San Mateo Bible

²³ An̈eja' ix vilanpax d'a juntzan̈ c'ual chi' to ay eb' vin̈ vetisraelal chi' ix yic'laj sb'a yed' eb' ix aj Asdod, eb' ix aj Amón yed' eb' ix aj Moab.

Nehemías 13:23 Referans Kwoze

Nehemías 10:30

Yuj cha, xyaln can eb' 'ixtic: Man̈x 'oj ca'c nupnc eb' 'ix quisl yet' eb' chuc chon̈b'al; an̈jtona', man̈x 'oj qui cha nupnc yisl eb' yet' eb' cunnalec.

Esdras 10:10

Xlajw cha, xq'ue wan Esdras win ya'mal 'och sti eb' 'anma 'a Dios, xyaln 'a eb' 'ixtic: —Ax tic x'och e mul, yujto xeyij e b'a yet' eb' 'ix 'ix chuc chon̈b'al, yuj cha, 'ixta x'aj scot maysch'olnil 'a quib'n̈ec an̈ israel on̈c tic.

2 Co 6:14

Matz tac' junn̈j tzon̈ 'aj yet' eb' man̈ creyenteoc, yujto caw man̈ smojc 'ixta'. A jun wach' b'eyb'al, may yaln yic 'a maysch'olnil. Ax jun sacq'uinl 'aych 'a qui pixnec, man̈ yitb'eymoc sb'a yet' q'uic'q'uinal.

Nehemías 13:1

A 'a yic jun tiempoal cha, 'ix 'awtx ch'an̈ libro yic Moisés yab' eb' chon̈ab'. X'ilchj 'a ch'an̈ chajtlto a eb' amonita yet' eb' moabita, may b'a'n̈ tztac' yoch eb' 'a scal eb' schon̈b' Dios

Esdras 10:44

A smasnil jun tzo'n̈ winc tic, yijnac sb'a eb' yet' eb' 'ix chuc chon̈b'al. 'Ay eb' 'ayx yunnal yet' eb' 'ix, palta xlaj spoj sb'a eb', xlaj pax eb' 'ix yet' eb' yune cha.

Nehemías 4:7

Palta ax yic xyab'n Sanbalat yet' Tobías cha, yet' pax eb' árabe, eb' amonita, yet' eb' 'aj Asdod, to yelc'ojlal tzon̈ munlj qui b'on smuroal Jerusalén, tox xlaj macchj 'aj niwc yaj sjacwi, yuj cha, caw 'ix cot yowl eb'.

A Ch'an̈ B'ab'el Libro Samuel 5:1

A 'a Eben-ezer ata 'ix yij 'ec' eb' filisteo te scaxail strato Dios, axta xc'och yuj eb' 'a chon̈b' Asdod.

Ex 34:11

Yicljec smasnil tas 'ix wal 'ayx tic, sec an xo 'oj wi'l eb' 'anma chi 'aj 'oj e c'och cha, atn eb' amorreo, eb' cananeo, eb' hitita, eb' ferezeo, eb' heveo yet' eb' jebuseo.

Dt 7:1

'Ix yaln pax Moisés 'ixtic: A Jehová qui Diosalec, a 'oj eyi'n 'och 'a sat lum lum 'oj yac' 'ayx cha. A pax 'oj 'i'noc 'el uque niwc chon̈b'al eb' 'anma caw 'ay yip 'a eyojltac: Atn eb' hitita, eb' gergeseo, eb' amorreo, eb' cananeo, eb' ferezeo, eb' aveo yet' eb' jebuseo.

A Ch'an̈ B'ab'el Libro Yic Yab'ixal Eb' Rey 11:1

Man̈ cojnoc 'ix yisl win sreyl Egipto yijnac rey Salomón yistziloc. Yijnac pax win jun tzo'n̈ xo eb' 'ix 'ix chuc chon̈b'al: atn eb' 'ix moabita, amonita, edomita, sidonia yet' eb' 'ix hitita.

Nehemías 13:24

A spacloc eb' yunnal eb', tztac' yaln eb' sti eb' 'aj Asdod yet' sti jun tzo'n̈ xo nacion̈, palta man̈xtzac stac' yaln eb' sti eb' quit israelal.

Nehemías 13:27

Yuj cha, ma'oj yal qui c'ojl e locn e mul yel xo maysch'olnil 'a sat qui Diosalec, yic tzeyi'n e b'a yet' eb' 'ix chuc chon̈b'al, xin chi 'a eb'.

Rt 1:4

'Ix b'ey tiempo, 'ix 'och yistzil ewin schawn̈il; a eb' 'ix 'aj Moab chi xyij ewinac. A sb'i jun 'ix, Orfa, ax junx 'ix, Rut sb'i 'ix. 'Ayxm slajn̈ilc ab'il ya'jc eb' ta',

Nehemías 10:31

Toto tzjaw eb' chuc chon̈b'al chon̈wjoc 'a sc'ul 'iljelal, ma'oj qui manwjec 'a eb', yet' 'a sc'ul jun tzo'n̈ xo q'uin̈. Ax 'a yucl ab'il ax cactnec can lum lum 'iljoc, ax ca'nec pax tup sb'oc eb' 'ay sb'oc 'ayn̈ec.