Nehemías 13:12 - Chuj San Sebastian Bible

¹² Ax smasnil eb' 'aj Judá, 'ix yij cot pax eb' sdiesmoal 'ixm trigo, yal uva yet' aceite 'a yet'l 'aj tzmolxi.

Chuj San Mateo Bible

¹² Axo masanil eb' anima aj Judá tic, ix syamxioch eb' yac'an sdiezmoal ixim trigo, vino yed' aceite, ix yac'anxi eb' b'aj smolchaji.

Nehemías 13:12 Referans Kwoze

Malaquías 3:10

A ticnec jun, 'ijec cot smasnil e diesmo, tzwul eya'nc 'a sc'un̈ail 'ay 'a watut, sec wach' 'ay tas tzc'ux eb' tzin 'a'n servil. An Jehová in, tztac' wuj smasnil, an tzwala: 'A'nec prowal nab'an, ax eyilni 'icha to 'oj in jac sc'un̈ail satchan̈ 'ayex, ax in secn 'emt yaxilal 'a eyib'an̈, man̈x 'a yet'l 'aj 'oj eyac'a'.

Nehemías 12:44

A 'a yic jun c'ul cha, 'ay jun tzo'n̈ eb' x'ajx 'och yopiso stan̈wni yet'l 'aj tzmolx ofrenda, atn sb'ab'l sat 'awb'en, yet' diesmo, a tzyal jantc tas tzcot 'a junjn lugar 'a yol yic junjn chon̈ab'. A jun tzo'n̈ cha, yic eb' ya'mal 'och sti eb' 'anma 'a Dios, yet' jun tzo'n̈ xo eb' levita, yujto a eb' chon̈ab' caw wal tzalj eb' yet' eb', yujto tz'a'w servil eb' 'a yatut Dios.

Dt 14:22

'A junjn ab'il, yowlal tzeyij can 'el sdiesmoal sat smasnil eyawb'en tze molo.

Lv 27:30

A slajn̈c'ajil sat 'awb'en tzyac' lum lu'um, a jun tzo'n̈ cha, wicn̈ej yaj an Jehová in.

2 Cr 31:5

A yic x'elt jun ley cha, 'ix yac' eb' israel jantcn̈ej tas x'el 'a sc'ojl ya'ni, jun tzo'n̈ yel xo wach': atn 'ixm trigo, yal uva, aceite, no yalchab', yet' jantcn̈ej tastc tzmol chan̈ eb'. An̈jtona', xyi'n pax cot eb' sdiesmoal sat yawb'en. Caw niwn 'ix yac' eb'.

Malaquías 3:8

An xo tic tzin c'anb'n 'ayex: ¿Tom smoj tz'elc'w eb' 'anma 'a sDiosal? Ax tic caw tzin eyelq'uej. Tze c'anb'n to pax 'ixtic: ¿Tas 'aj tzach quelq'uej? xe chi. A tas 'aj in eyelq'uej, atn 'a e diesmo yet' 'a eyofrenda.

2 Cr 31:4

An̈jtona', xyaln pax 'a smasnil eb' 'anma cajn 'a Jerusalén, to tzyac' eb' scolwal toxn tzyac' eb' 'a eb' ya'mal 'och sti eb' 'anma 'a Dios yet' 'a eb' levita, sec wach' yelc'ojlal tzyac' servil eb' Jehová, 'icha yaln ley.