Nehemías 12:8 - Chuj San Sebastian Bible

⁸ Ax eb' levita cha, atn eb' tic: Josué, Binuy, Cadmiel, Serebías, Judá, yet' Matanías, atn eb' tic tzb'itnan b'it yic alj wach' paxti yet' eb' yican.

Chuj San Mateo Bible

⁸ Axo pax eb' vin̈ levita, aton eb' vin̈ tic: Vin̈aj Jesúa, vin̈aj Binúi, vin̈aj Cadmiel, vin̈aj Serebías, vin̈aj Judá yed' vin̈aj Matanías. Yajal yaj eb' vin̈ d'a eb' vin̈ sb'itan vach' lolonel d'a Dios.

Nehemías 12:8 Referans Kwoze

Nehemías 11:17

Junx winac tzcuch Matanías yunnal Micaía, yixchicn Zabdi; a smam yicham atn Asaf; a Asaf cha, a xjucb'tzan eb' xb'itn 'a pecti', atn eb' xb'itnan wach' paxti yet' alj yuj diosal 'a yorail lesal. A Bacbuquías a schab'l yajl yaj 'a scal eb' yican. Junx win tzcuch Abda yunnal Samúa, yixchicn Galal; a smam yicham atn Jedutún.

Nehemías 12:24

A eb' yajl yaj 'a scal eb' levita tzb'itni: atn Hasabías, Serebías, Josué, Binuy yet' Cadmiel. Ax jun tzo'n̈ xo eb' yican eb' cha, lin̈n 'ec' eb' 'a yojltac eb' yic tzb'itn eb'. Tzyaln eb' yuj diosal 'a Jehová, yic 'aych eb' 'a yopiso 'a stzolil, 'icha yutjnac win schecb' Dios yaln 'a pecti, atn David.

Nehemías 11:22

A jun mach yajl yaj 'a yib'n̈ eb' levita 'a Jerusalén, atn Uzi win yunnal Bani, yixchicn Hasabías; eb' smam yicham atn Matanías yet' Micaía. Atn eb' tic 'ix 'elt 'a scal eb' yin̈tl Asaf cha, eb' tzjucb'tzan eb' 'a b'it 'a yatut Dios,

Nehemías 9:4

Yajn̈ej xq'ue eb' levita 'a yib'n̈ jun b'achctac sq'ue cha, atn Josué, Binuy, Cadmiel, Sebanías, Binui, Serebías, Baní yet' Quenaní, caw 'ip x'awj eb' 'a Jehová Dios;

1 Cr 9:33

An̈jtona', 'ay pax eb' yajl yaj 'a eb' yin̈tl levita to tzb'itni, ata cajn eb' 'a jun tzo'n̈ cuarto yic yatut Dios cha. Matz tac' yiln eb' jun tzo'n̈ xo munljel, yujto sc'ual yac'wlil smunlj eb', witz'n eb' yuj yopiso cha.

Esdras 3:2

Xlajw cha, ax Jesúa yunnal Josadac, yet' jun tzo'n̈ xo eb' ya'mal 'och sti eb' 'anma 'a Dios, yet' Zorobabel yunnal Salatiel, yet' eb' yican, 'ix sb'on chan̈ eb' jun yet'l xajmb'al yic sDiosal chon̈b' Israel yic tzya'n tz'a eb' xajmb'al 'a yib'an̈, 'icha yaj stzib'x can 'a ch'an̈ ley yic Moisés, atn win schecb' Dios.

Nehemías 12:9

Ax Bacbuquías yet' Uni yican sb'a eb' yet' eb', a eb' tz'och lin̈n 'a yojltac eb' yic tzb'itn eb'.

Esdras 2:40

Eb' levita yin̈tl Jesúa, yet' eb' yic Cadmiel, a eb' cha, yin̈tl pax Hodavías eb', 'ay 74. Eb' yin̈tl Asaf atn eb' tzb'itni, 'ay 128. Eb' tan̈m puerta, atn eb' yin̈tl Salum, eb' yic Ater, eb' yic Talmón, eb' yic Acub, eb' yic Hatita yet' pax eb' yic Sobai, 'ay 139 eb' 'a smasnil.

Nehemías 7:43

Ax eb' levita yin̈tl Josué yet' Cadmiel, a jun tzo'n̈ eb' cha, yin̈tlto pax Hodavías eb', 'ay 74; eb' yin̈tl Asaf, atn eb' tzb'itni, 'ay 148; eb' tan̈m puerta, atn eb' yin̈tl Salum, eb' yic Ater, eb' yic Talmón, eb' yic Acub, eb' yic Hatita yet' eb' yic Sobai, 'ay 138 eb' 'a smasnil.