Nehemías 10:39 - Chuj San Sebastian Bible

³⁹ An̈ israel on̈c tic yet' eb' levita, 'oj qui'c 'at 'ixm trigo, yal uva yet' aceite 'a 'aj tzmolxi, atn 'a 'aj 'ayc' smasnil yamc'ab' tzc'an eb' 'anma 'ay yopiso, atn eb' ya'mal 'och qui ti 'a Dios, eb' tan̈m puerta yet' eb' tzb'itni. 'Ix ca'nec can qui ti', to ma'oj cactquec can yatut qui Diosalec, xchi eb'.

Chuj San Mateo Bible

³⁹ A on̈ israel on̈ tic yed' eb' levita ol quic'cot ixim trigo, vino yed' aceite b'aj molan masanil tas sc'anchaj d'a templo, b'aj ay pax scuarto eb' ayoch d'a opisio, aton eb' sacerdote, eb' tan̈vum puerta yed' eb' sb'itani. Ix cac'an co ti' to man̈ ol cactejcan stemplo co Diosal, xchi eb'.

Nehemías 10:39 Referans Kwoze

A Ch'an̈ Carta D'a Eb' Hebreo 10:25

Matz tac' cactnec can qui yamn qui b'a, 'icha sb'eyb'al jun tzo'n̈ xo eb'. Yowlal tzlaj ca'laquec qui nab'en. Ca'c wal 'ip, yujto tzquilc jun tzo'n̈ senya tzch'oxo, to jab'xoj sjaw sc'ul sjaw Cajlilec.

2 Cr 31:12

caw latz'mtac xyutj eb' smoln jun tzo'n̈ b'ab'l sat 'awb'ente chi 'a yojol, yet' jun tzo'n̈ diesmo, yet' pax jun tzo'n̈ xo tas to yic Jehová yaji. A jun levita tzcuch Conanías a xcan 'a yib'n̈ yilni, ax jun yu'tac tzcuch Simei, a xcan xchab'loc yilni.

Salmos 122:9

Yuj in chamc'ojlal 'a yatut Jehová qui Diosalec, yuj cha, 'oj wac' 'ip in sayn 'ec' tas tz'aj yochx Jerusalén 'a wach'il.

Dt 12:17

A 'a yol e chon̈b' cha, matz tac' eyi'n can sdiesmoal e trigo, sdiesmoal eyal uva, mto eyaceite, matz tac' e chin sb'ab'l 'une e wacax, mto e calnelu, matz tac' eyi'n can 'el jac eyic 'a tas ta'wb'il eyu'uj, yet' 'a jun tzo'n̈ ton̈j tz'el 'a e c'ojl eya'n 'a Jehová.

Nm 18:30

Al 'a eb': To a yic tox xyijcan 'el eb' tas tzyac' 'ayn cha, ax jantcto tas tzcani, a eb' tznani tas tzyutej, 'icha tzyac' junc mach yet' strigo, mto yet' te yal uva,

A Ch'an̈ Schab'il Libro Yic Yab'ixal Eb' Rey 7:10

Xlajw cha, 'ix 'at eb'. Ax yic xc'och eb', 'ix 'awj eb' 'a eb' tztan̈wni spuertail chon̈ab', 'ix yaln eb' 'ixtic: —An̈ tic on̈, on̈ xit'c 'a scamplamento eb' sirio on̈. Man̈x 'a junc mach 'ayq'ui, man̈x 'a junc mach tzcab' spaxtini. Cojxn̈ej no chej, no b'uru pixn cani, ax scamplamento eb', yajn̈j yaj 'icha xon yaj sb'on chan̈ eb', xchi eb'.

Nm 18:26

Al 'a smasnil eb' levita: To a yic tzchan eb' smasnil sdiesmoal smunljel eb' yit chon̈ab', atn jun tzo'n̈ tzwac' smacloc eb', yowlal tzyijcan pax 'el eb' sdiesmoal jun tzo'n̈ diesmo cha, tzya'n eb' 'ayin.

2 Cr 31:11

Yuj cha, xya'n Ezequías b'o yet'l 'aj tzmolx jun tzo'n̈ chi 'a yatut Jehová. A yic xlajw sb'o'i,

Nehemías 12:47

Yuj cha, a 'a yol stiempoal Zorobabel wet' an Nehemías in tic, smasnil eb' quit israelal tzyac' eb' tas tzc'ux eb' tzb'itni, eb' tan̈m puerta yet' pax eb' levita to 'ay yaln yic schan yico'. Ax eb' levita chi tz'a'n pax yic eb' yin̈tl Aarón.