Nehemías 10:33 - Chuj San Sebastian Bible

³³ Atn q'uen 'oj mannoc 'ixm pan tz'ajx 'a yojltac Dios, yet' ofrenda tz'ajx 'a junjn c'u, yet' xajmb'al to tz'a smasnil 'a junjn c'u, yet' xajmb'al tz'ajx 'a sc'ul 'iljelal, 'a yic tzpac' 'uj, yet' 'a jun tzo'n̈ xo q'uin̈ tznax 'a junjn ab'il, yet' jun tzo'n̈ xo ofrenda yet' pax xajmb'al yic tz'ajx lajwc qui mul an̈ israel on̈c tic, yet' jun tzo'n̈ xo tas tzc'anx 'a yatut Dios yic tz'och 'emmquilal.

Chuj San Mateo Bible

³³ Aton yuj ixim pan tz'ac'chajoch d'a yichan̈ Dios, ofrenda tz'ac'ji d'a junjun c'u d'a tas svaji, silab' sn̈usjitz'a d'a junjun c'u, silab' d'a sc'ual ic'oj ip, silab' ayic tz'alji q'uen uj yed' juntzan̈xo q'uin̈ tz'och d'a junjun ab'il, yed' pax juntzan̈xo ofrenda yed' silab' yuj yac'ji tup co mul a on̈ israel on̈ tic yed' juntzan̈xo tas sc'anchaj d'a stemplo co Diosal.

Nehemías 10:33 Referans Kwoze

2 Cr 2:4

A ticnec, to 'oj wac' b'o chan̈ yatut Jehová qui Diosal on̈. 'Oj wa'cn yico'oc, sec ata tz'ajx tz'a perjuma su'q'ui sjab' 'a yojltac, tz'em tzoln 'ixm pan 'a yojltac, tz'ajx tz'a xajmb'al to tz'a smasnil 'a sq'uin̈b'ial yet' 'a yemc'ual, 'a sc'ul 'iljelal, 'a yic tzpac' 'uj, yet' jun tzo'n̈ xo q'uin̈ tznax yic tz'ijx chan̈ sb'i Jehová qui Diosal on̈. 'Ixta tzyal checnb'il 'ac'b'il 'ayn̈ an̈ israel on̈ tic 'a smasnil tiempo.

A Ch'an̈ Carta D'a Eb' Hebreo 10:11

Jantcn̈ej eb' ya'mal 'och sti eb' quit chon̈b'ec 'a Dios, 'ayc'n̈ej eb' 'a junjn c'u, yic tzmunlj eb' 'a yopiso. Til wal 'ejm tzyac' eb' jun tzo'n̈ xajmb'al cha. Palta a jun tzo'n̈ cha, matz tac' yi'n 'el jac qui mulec.

A Scarta San Pablo D'a Eb' Aj Colosas 2:16

Yuj cha, toto 'ay mach tzex b'eyc'ojlan yuj tas tze c'uxu, mto tzeyuq'uej, man̈ e cha yal eb' 'ayex. Toto tznib'j eb' yal 'ayx yuj jun tzo'n̈ sq'uin̈, mto 'a yic tzpac' 'uj, yet' sc'ul 'iljelal, man̈ e cha yal eb' 'ayex.

Ex 30:16

Tza chaj q'uen plata chi 'oj yac' eb' 'ayn yuj stojnb'ilc sq'uinl cha, yujto ata 'oj 'och yopiso q'uen 'a yol Mantiado 'a 'aj tzin chaj in b'a eyet'oc. Atn jun chi tz'ochcn e nanb'ilc 'ayn an Jehová in tic, yujto tzeyac' jun tojlb'al chi yuj e q'uinl cha, xchi Dios.