Mt 9:18 - Chuj San Sebastian Bible

¹⁸ Yic wan yaln Jesús jun tzo'n̈ cha, 'ix jaw jun syajlil yatutal 'aj tzyam sb'a eb' israel, 'ix 'em cumn 'a yojltac, 'ix yaln 'ixtic: —'Ay jun wisil, 'at wal scham tic, palta con̈ wet'oc. Tzin nib'j tz'at a tzaych a c'ab' 'a 'unix, sec 'oj pitzwc paxi, xchi.

Chuj San Mateo Bible

¹⁸ Ayic van yalan juntzan̈ chi' Jesús, ix c'och jun vin̈ sat yaj d'a spatil sculto eb', ix em cuman vin̈ d'a yichan̈ Jesús, ix yalan vin̈: —A jun ix visil, toxomlaj ix cham ix naic. Palta con̈ ved'oc. In gana b'at aq'uec' a c'ab' d'a yib'an̈ ix, yic ol pitzvocxi ix, xchi vin̈.

Mt 9:18 Referans Kwoze

Mt 8:2

'Ay jun winc caw ya'ay yuj jun yab'il tzcuch lepra. 'Ix c'och win 'a Jesús, 'ix 'em cumn 'a yojltac, 'ix yaln win 'ixtc 'a 'a: —Mamin, toto tzyal a c'ojol, tztac' in a'n b'oxoc, xchi win 'a 'a.

Lc 13:14

Ax win yajl yaj 'a jun n̈a cha, xcot yowl winac, yujto a 'a sc'ul 'iljelal xb'ox sc'ojl 'ix yuj Jesús. Yuj cha, xyaln win 'ixtc 'a eb' 'anma chi 'ayc' ta': —Waquen̈ej c'u smoj tzon̈ munljec 'a yol seman. A 'a waque c'u cha, tzann̈j c'ul 'aj tzex jaw wul eyac' b'oxc e c'ojol, palta man̈ smojc tz'ajx b'oxc e c'ojl 'a sc'ul 'iljelal tic, xchi win 'a eb'.

Jn 11:32

Xlajw sc'och 'ix 'a 'aj 'aycn Jesús cha, 'ix 'em cumn 'ix 'a yojltac. Xyaln 'ix 'ixtc 'a 'a: —Mamin, octom 'aych 'ec' 'a tic yic 'ix cham win in nul'j tic. Toto 'ixta', ma'ix chami, xchi 'ix.

Mt 9:24

Yuj cha, xyaln Jesús 'ixtc 'a eb': —'Eln̈ec 'a tic. A 'ix 'unn tic, man̈ chamncoc 'ix, ton̈j waync 'ix, xchi 'a eb'. Palta ton̈j 'ix tzewj eb' yu'uj.

A Ch'an̈ Schab'il Libro Yic Yab'ixal Eb' Rey 5:11

'Ix cot yowl Naamán 'ix 'ati. Xyaln 'ixtic: —A waln 'a yol wico', to 'oj 'el-loc mu'c wul in scha', axn lin̈n in 'ec' tic ax sleslwi 'a Jehová sDiosal, ax smasn 'ec' sc'ab' 'aj 'aych jun lepra tic 'ayin, ax yelcn walni.

A Tas Sc'ulejnac Eb' Schecab' Jesús Hechos 13:15

Ata x'awtx ley yic Moisés, yet' jun tzo'n̈ tas tz'ib'b'il can yuj eb' schecb' Dios pecti'. Xlajw cha, ax eb' yajl yaj 'a capiya cha, 'ix ya'n eb' yal jun winc 'ixtc 'a Pablo yet' 'a Bernabé: —Ex wit chon̈ab', toto 'ay junc tas tze nib'j tzeyac' scuy eb' 'anma', tztac' eyaln 'el ticnec, xchi.

Jn 11:25

—An tic, 'a'm in pitzwc pax chamnac, 'aj q'uinl in paxi. Tzann̈j eb' tzin 'a'n 'och 'a sc'ojol, wach'xam 'oj cham eb', palta 'oj pitzwc pax eb'.

Lc 18:18

'Ay jun win yajl xc'anb'n 'ixtc 'a Jesús: —Ach in wach' Cuymal, tzin c'anb'j 'ayach, ¿tas wach' tzin b'o'o, sec 'oj in cha in q'uinl 'a jun 'ejmn̈ej? xchi win 'a 'a.

Lc 7:2

Ata 'ay jun win capitan̈ 'aj Roma, 'ay jun smoso win caw xajn yu'uj. Palta caw ya'ay, 'ijn wal tzcham muc'uc.

Mt 28:17

Ata xyil eb' Jesús, 'ix ya'n 'ejm sb'a eb' 'a 'a, palta 'ay jaywn̈ xo eb' mant 'ix ya'ch wal 'a sc'ojol.

Mt 17:14

Ax yic xc'ochx eb' 'a 'aj 'aycn eb' 'anma'. 'Ix jaw jun winc 'a Jesús. 'Ix 'em cumn 'a yojltac, xyaln 'ixtc 'a 'a:

Mt 15:25

Palta x'ec' jun 'ix chi 'a eb', 'ix 'em cumn 'ix 'a yojltac Jesús, xyaln 'ix 'ixtic: —Mamin, caw colwjan̈ 'ayn 'an, xchi 'ix 'a 'a.

Mt 14:33

A eb' 'ayc' 'a yojl te', 'ix 'em cumn eb' 'a yojltac Jesús, 'ix yaln eb' 'ixtc 'a 'a: —Wal yel, ach tic Yunnal ach Dios, xchi eb' 'a 'a.

Mt 20:20

A 'ix yistzil win Zebedeo, 'ix c'och 'ix 'a Jesús yet' chawn̈ eb' yune', atn Jacobo yet' Juan. 'Ix 'em cumn 'ix sc'och 'a yojltac Jesús, yujto tznib'j 'ix sc'an junc tas 'a 'a.

Mt 8:25

Yuj cha, 'ix spitzn 'el eb' scuywum chi swayan̈, 'ix yaln eb' 'a 'ixtic: —Mamin, colwjan̈ 'ayn̈ec, wal qui 'atc 'a yich a tic, xchi eb' 'a 'a.

Mt 9:17

An̈jtona', may junc mach tz'a'n 'ejm 'ac' yal uva mantzac jaw sti 'a yojl junc 'ichm tz'um yet'l yal uva, yujto a yic tzjaw sti', caw tzsipji, ton̈j tzjat jun 'ichm tz'um chi yu'uj, ton̈j tz'ixtx jun yal uva chi yet' jun tz'um cha. Yuj cha, an̈j 'a yojl jun tzo'n̈ 'a't tz'u'um, an̈j ta tz'ejm 'ac' yal uva yic tzjaw sti', sec may tas tz'ixtx 'a schab'il, xchi Jesús 'a eb'.

Mt 9:19

Yuj cha, xq'ue wan Jesús, 'ix 'at yet'oc. 'Ix 'at pax eb' scuywum yet'oc.

A Tas Sc'ulejnac Eb' Schecab' Jesús Hechos 28:8

Ax smam win Publio cha, caw ya yaji. Tzcham yuj c'a'l yab'il yet' chic'. Ax Pablo, x'och 'a yol cuarto yet'oc. 'Ix leslwi, 'ix ya'n 'at sc'ab' 'a yib'n̈ winac. 'Ixta to b'i'an, xb'ox can sc'ojl win yu'uj.