Mt 9:1 - Chuj San Sebastian Bible

¹ Xlajw cha, ax Jesús 'ix 'ochx 'a yojl barco, 'ix 'atx 'a junx sc'axpil 'ec' a', 'ix c'ochx 'a schon̈ab'.

Chuj San Mateo Bible

¹ Axo Jesús ix ochxi d'a yol te' barco. Ix b'atxi d'a junxo sc'axepal a'. Ix c'ochxi d'a schon̈ab'.

Mt 9:1 Referans Kwoze

Mt 4:13

Man̈oc 'a Nazaret 'ix c'ochi, palta a 'a Capernaum, ata xc'och cajan. A jun chon̈b' cha, a 'a sti a mar 'ay, 'a yol smacb'en eb' yin̈tl Zabulón yet' Neftalí.

Lc 8:37

Ax eb' 'anma smasnil 'a yol yic Gerasa cha, 'ix tew 'och eb' 'a Jesús, sec tz'el 'a yol slugar eb', yujto caw tzxiw eb' yu'uj, yuj cha, x'ochx 'a yol barco yic tzpaxi.

Mr 5:21

Xlajw cha, 'ix paxx 'ec' Jesús 'a junx sc'axpil 'ec' a a 'aj 'ix coti. Ax yic 'ix c'ochx 'a sti a cha, til wal 'anma 'ix syam sb'a ta'.

Mt 8:18

Ax 'a jun 'el, xyiln Jesús, til wal 'anma xlaj c'och oyn 'a 'a, yuj cha, xyaln 'ixtc 'a eb' scuywum: —Coyc 'a junx sc'axpil 'ec' a', xchi 'a eb'.

Mt 7:6

A spaxti Dios, yicn̈ej yaji, lajn 'icha jun tzo'n̈ q'uen ton̈ perla sb'i, caw chan̈ stojol. Yuj cha, matz tac' ca'nec 'a eb' toxn may jac yel'ch Dios 'a sat. Yujto 'a eb' cha, lajn eb' 'icha jun tzo'n̈ tz'i tzcot 'ayon̈, tzon̈ schini. 'Ay pax eb' lajn 'icha jun tzo'n̈ no chitam, ton̈j tztec' 'ejm tas tzcac' 'a 'a.

Apoc 22:11

A ticnec, a eb' an̈ja sb'on maysch'olnil, swach' b'oc cab' eb' maysch'olnil cha. Yet' eb' an̈ja sb'on jun tzo'n̈ tas yajb'entac, swach' b'oc cab' eb'. Ax eb' tzb'on tas wach', swach' b'oc cab' eb' wach'l cha. Yet' eb' 'aych snab'en 'a Dios, swach' 'a'c cab' 'och eb' snab'en 'a 'a, xchi.

Mt 8:23

Xlajw cha, x'och Jesús 'a yol barco. 'Ix 'och pax eb' scuywum yet'oc, 'ix 'at eb'.

Lc 8:40

Xlajw cha, 'ix meltzj pax Jesús 'a junx sc'axpil 'ec' sti. Yic 'ix c'ochx 'a junx sc'axpil a cha, caw tzaljc'ojlal schaj eb' 'anma smasnil, yujto caw tan̈b'il xon sc'ochx yuj eb'.