Mt 7:7 - Chuj San Sebastian Bible

⁷ C'anec, 'oj yac' Dios 'ayex; sayec, ax schax eyu'uj. 'Awjan̈c 'och 'a te puerta, 'oj jacxoc te 'ayex.

Chuj San Mateo Bible

⁷ C'anec, ol ac'joc d'ayex. Sayec, ol ilchaj eyuuj. Avajan̈ecoch d'a sti' puerta, ol jacchaj te' d'ayex.

Mt 7:7 Referans Kwoze

Mt 21:22

Tzann̈j tas 'oj e c'ana', yic tzex leslwi, 'oj 'ajxoc 'ayex, toto tzeya'ch 'a e c'ojol, xchi 'a eb'.

1 Jn 3:22

Toto 'ixta', tzann̈j tas tzqui c'anc 'a 'a, 'oj yac' 'ayn̈ec, yujto wan qui yiclniec jun tzo'n̈ schecnb'il, wan qui b'onec smasnil tas 'icha tznib'ej.

Jn 15:7

Toto junn̈j tzex 'ajcn wet'oc, toto 'aychn̈ej e nab'en 'a in paxti', c'anc tas tze nib'ej, 'oj 'ajxoc 'ayex.

Mr 11:24

Yuj cha, tzwal 'ayex, a yic tzex leslwi, tzeya'ch 'a e c'ojol, to yel 'oj e cha jantcn̈ej tas tze c'ana, toto 'ixta', 'oj 'ajxoc 'ayex.

Jeremías 33:3

C'anb'j 'ayin, 'oj wal jun tzo'n̈ tas caw niwn yel'ch 'ayach, to satjub'tac yalxi, atn jun tzo'n̈ to mant ojcoc.

Mt 6:33

Yuj cha, 'a'c eyip e wach' 'a'n 'och e b'a 'a yol sc'ab' Dios. Tojln̈ej tzeyutj e b'eyb'al 'icha tznib'ej. Toto 'ixta', 'oj yac' jun tzo'n̈ chi 'ayx smasnil.

Mt 7:8

Yujto a eb' tzc'anni, 'oj scha eb'. Ax eb' tzsayni, 'oj chax yuj eb'. An̈jtona yet' eb' tz'awj 'och 'a te puerta, 'oj jacxoc te 'a eb'.

Jn 15:16

Ax tic, man̈oc ex in e sic' 'elta. Palta to an ex in sic' 'elta. 'Ix wa'n 'och eyopiso, ex in checn 'at satnoc. Ax jun tzo'n̈ e sat cha, 'oj can 'a jun 'ejmn̈ej. Yuj cha, jantcn̈ej tas tze c'an 'a qui Mam Dios 'a in b'i, 'oj ya'n̈j 'ayex.

A Ch'an̈ Carta D'a Eb' Hebreo 11:6

Toto matz ca'c 'och Dios 'a qui c'ojol, toxn matz tac' stzalj quet'ec. Yujto a eb' tzjaw 'a Dios, yowlal tzya'ch eb' 'a sc'ojol, to 'ay Dios cha. Tzya'n pax 'och eb' 'a sc'ojol, chajtlto a tz'a'n spac 'a eb' tznib'j c'och sb'a 'a 'a.

Pr 8:17

A eb' tznib'j cuync jelnal, tz'ilchj yuj eb', ax eb' tznib'n jelnal cha, tz'ijx chan̈ eb' yu'uj.

Salmos 10:17

Ach wal tzab' slesl eb' 'emmquilal yeq'ui, tza'n ste'nal eb', tzab'n pax tas tzyal eb'.

Jn 4:10

Xlajw cha, xyaln pax Jesús 'ixtc 'a 'ix: —Tzin c'an wuc' jac a 'ayach, palta man̈ ojcoc mach in. Man̈ ojcoc pax tas tznib'j Dios tzyac'a. Comnoc ojtac. Toto 'ixta', ach xo tic, xa c'an 'ayin, an xo xwac' jun a tz'a'n a q'uinal, xchi Jesús 'a 'ix.

Mt 18:19

Tzwaln pax 'ayex, toto 'ay chawn̈oc ex lajnn̈ej e nan yuj junc tas tze c'an 'a e lesal, ax qui Mam 'ayc' 'a satcha'an̈, 'oj ya'n̈j 'ayex.

Am 5:4

Meltzjan̈c 'ayin, sec ma'oj e chami.

Santiago 5:15

Toto tzeya'ch Dios 'a e c'ojol, tzex leslwi yuj eb' ya'ay cha, 'oj colchjoc 'el eb' 'a syailal. A Cajlilec, a 'oj 'a'nc b'oxc sc'ojl eb'. Toto 'ay smul eb' xlaj 'ochi, 'oj 'ajxoc lajwc can yuj Dios.

Salmos 27:8

Ach 'ix al 'ayn 'ixtic: Nitz 'ochl a b'a 'a in tz'ey, xa chi. Yuj cha, xin nani to tzin nitz 'ochch in b'a 'a a tz'ey.

Lc 18:1

'Ix yal Jesús junx 'ab'x 'a eb' scuywum, yic tzyaln yab' eb', to wach' tzleslwi eb' 'a smasnil tiempo, man̈ comnoc tzactzj eb'.

Mt 7:11

Ax tic, wach'xam may e ch'olnil, palta eyojc tas tzeyutj eya'n jun tzo'n̈ tas wach' 'a eb' eyunnal. Ax qui Mamc 'ayc' 'a satcha'an̈, yel xo wal niwn tas wach' tzyac' 'a eb' tzc'ann 'a 'a.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Cantares 3:2

Yuj cha, in q'ue wa'an, xcob' in saync 'ec' ni 'a yol chon̈ab', xlaj in saync 'ec' ni 'a yoltc caye, 'a plas, palta ma'ix 'ilchj ni wu'uj.

Ro 2:7

'Ay eb' 'oj yac' sq'uinl 'a jun 'ejmn̈ej. Atn eb' te'n tzyutj sb'a sb'on jun tzo'n̈ wach'il, yujto tznib'j eb' tza'wni swach'l 'icha swach'l Dios. Tznib'j eb' to 'ay yel'ch eb' 'a sat, tznib'j pax eb' tzchaj sq'uinl 'a jun 'ejmn̈ej.

Salmos 119:12

Caw wach' a nab'en Mamin Jehová, cuyin sec 'oj stac' wojcan 'el a checnb'il tic.

Salmos 86:5

Ach tic caw wal wach' a nab'en. 'Ay a niwnc'ojlal, 'ay pax a chamc'ojlal 'a smasnil eb' tzyal sb'a 'ayach.

Salmos 70:4

Palta ax smasnil eb' tzyal sb'a 'ayach, niwtj cab' stzaljc'ojlal eb'. A eb' tznib'n a colwal, yal cab' eb' 'ixtic: A Dios caw niwn ton yel'chi, xchi cab' eb'.

Salmos 69:32

A yic 'oj 'ilxoc jun tic, caw 'oj tzaljoc sc'ojl eb' 'ay scusc'ojlal. Toto 'oj yal sb'a eb' 'a in Diosal, 'oj yac' ste'nal snab'en eb'.

A Ch'an̈ B'ab'el Libro Yic Yab'ixal Eb' Rey 3:5

'Ay jun 'ac'wal yic 'ayc' 'a Gabaón cha, 'ix sch'oxn sb'a Jehová 'a Salomón 'a waychil, 'ix yaln Dios 'a 'ixtic: C'an tas tza nib'j 'ayin, 'oj wac' 'ayach, xchi 'a 'a.

Salmos 10:4

A eb' tu sb'eyb'al may xon el'ch 'a sat, caw niwn yel'ch eb' snani, man̈ ach 'ayc' 'ec' 'a snab'en eb'.

Ro 3:11

May junc mach 'aych snab'en 'a Dios, may junc mach nanto yu'uj.

Lc 13:25

Yujto a Dios, lajn 'icha junc win 'ajn̈a tzq'ue wan lin̈n 'a smexa, tzmacn yatut cha. 'Oj lajwc cha, ax xo tzex can 'a sti n̈a cha, 'ojt cob' eyawj 'och 'a 'ixtic: Mamin, jacn̈ 'och et' on̈, 'oj e chioc. Palta 'oj yal 'ayx 'ixtic: Man̈ ex wojcoc, 'ajm 'ay ex, 'oj schioc.

Salmos 34:4

In 'awj 'a Jehová, yajn̈ej in sta'wni, 'ix yi'n can 'el smasnil in xiwc'ojlal.

Salmos 37:4

Tzalj coyc 'a Jehová, ax 'oj 'a'n 'el'choc tas tzqui nib'jec.

Is 30:19

Ex 'aj Sión, ex to cajn ex 'ec' 'a Jerusalén, man̈ ex 'oc'oc, a Jehová 'oj 'o'ch sc'ojl 'ayex yic tzyab'n yel eyaw, 'oj ta'wc 'ayx muc'uc.

Gn 26:32

A 'a jun c'u cha, ata xjaw ewin schecb' Isaac wul yal 'a 'a, to a lum jul joyb'il can yuj ewinac, 'ayx a a 'a yojol.