Mt 6:9 - Chuj San Sebastian Bible

⁹ Yuj cha, yel xo wach' tzex leslwi 'ixtic: Ach qui Mam 'aych 'ec' 'a satcha'an̈, niwn yel'ch cab' a b'i.

Chuj San Mateo Bible

⁹ Yuj chi' icha tic tzeyutej e lesalvi: Ach co Mam, ay ach ec' d'a satchaan̈. Nivanocab' yelc'och a b'i.

Mt 6:9 Referans Kwoze

Apoc 4:11

Ach Cajlil, ach qui Diosal on̈, smoj tzalx o'oj, to niwn a wach'il, to caw niwn el'chi, niwn a poder. Yujto ach b'ojnac smasnil tas. 'Ayc'n̈ej smasnil, yujto 'ixta tza nib'ej, yuj cha, b'ob'il o'oj, xchi eb' 'a 'a.

Ro 8:15

Man̈x yowlalc tzon̈ xiwec, yujto a Espíritu qui chajnaquec, ma'on̈ ya'c pax 'och ya'malc servil ley yic Moisés jun 'ejm xo. Palta a Espíritu tic, a on̈ 'a'nec 'och yunnaloc Dios. Yuj wal Espíritu tic, tzon̈ 'awjec 'a Dios 'ixtic: Mamin, xqui chic 'a 'a.

Ez 36:23

E mul eyujoc in sb'uchn jun tzo'n̈ nacion̈ cha, palta a yic 'oj in b'onc 'icha tas nab'il wuj 'a eyib'an̈, ata 'oj in ch'ox wal yil eb' nacion̈ cha, to caw niwn wel'chi, ax yojcan 'el eb', to an Jehová in, cojn in ton Dios in.

Malaquías 1:11

An tzwala to niwn wel'ch 'a sat smasnil nacion̈ 'a yolyib'n̈q'uinal. A wal tas caw wach' a chi tzyac' tz'a eb' xajmb'alil, yet' ya'n eb' yofrendaoc 'ayin, yujto caw niwn wel'ch 'a sat eb'.

Salmos 111:9

'Ix yac' colchjoc 'el schon̈ab', sb'on can strato yet' eb' 'a smasnil tiempo, yel xo wal 'ay smay sb'inaxi.

Is 64:8

Mamin Jehová, ach tic qui Mam aj on̈; an̈ xo tic on̈, lum on̈n̈ej, ach tz'acjnacn̈ yet' lum lu'um, caw ach b'ojnacn̈ on̈.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Gl 4:6

A Dios, ya'jnac cot Yespíritu Yunnal 'a qui pixn junjn on̈ec, sec chequel, to yunnaln̈ec xo. Ax Yespíritu cha, a yic tz'awji: Mamin, Mamin, xchi.

Is 6:3

Xlaj yal-lanc eb' 'a junjn 'ixtic: A Jehová tzta'n̈j yuj smasnil, Dios caw Cojxni, checl stzictznil 'a smasnil yolyib'n̈q'uinal, xchi eb'.

Apoc 5:12

Caw 'ip xyutj eb' yaln 'ixtic: A jun tzcuch Calnelu milb'il chamoc, caw smoj tzcalec to 'ay spoder, 'ay sricoal, 'ay sjelnal yet' yip. Caw niwn yel'chi, niwn swach'il. Caw smoj calnec wach' paxti 'a 'a, xchi eb'.

Salmos 115:3

Ach qui Diosal on̈, ata 'aych 'ec' 'a satcha'an̈, a smasnil tas a nib'jnac a b'o', b'ob'il eb' o'oj.

Nehemías 9:5

atn Josué yet' Cadmiel, Binuy, Hasabnías, Serebías, Hodías, Sebanías, yet' Petahías, 'ix yaln eb' 'ixtic: Q'uen̈ec wa'an, calc wach' paxti 'a Jehová qui Diosalec 'a smasnil tiempo. Qui b'itquec sb'i yuj calnec wach' paxti 'a 'a, wach'xam matz q'ue'ch qui b'inanec sb'i 'a 'icha wal smoj sb'inaxi, xchi eb'.

Mt 7:11

Ax tic, wach'xam may e ch'olnil, palta eyojc tas tzeyutj eya'n jun tzo'n̈ tas wach' 'a eb' eyunnal. Ax qui Mamc 'ayc' 'a satcha'an̈, yel xo wal niwn tas wach' tzyac' 'a eb' tzc'ann 'a 'a.

Is 63:16

Ach tic to qui Mam aji. Wach'xam a Abraham yet' win Israel man̈x on̈ yojcoc eb', palta ach tic to qui Mam ach; toxn to qui colmal xon aji.

Salmos 72:18

¡Alx cab' wach' paxti 'a Jehová! Atn qui Diosal an̈ israel on̈c tic, cojn tztac' sb'on tas satjub'tac yilxi.

Mt 26:29

Palta tzwalcn 'ayx ticnec, man̈x 'a junc yal uva 'oj wuc', masnto 'a jun c'u 'oj wuc' jun yal uva 'a't eyet'oc, at 'a yic 'oj 'och qui Mamc Yajlil, xchi 'a eb'.

Mt 23:9

May junc mach 'a yolyib'n̈q'uinl tic tze comn alj e mamoc, yujto junn̈j e Mam, atn Dios 'ayc' 'a satcha'an̈.

Mt 5:16

'Icha junc cantil cha, 'ixta 'ex cab'i', tze ch'oxl e sacq'uinlal 'a eb' 'anma'. Tzyal 'el'chi, atn e wach' b'eyb'al tze ch'ox yil eb', sec 'oj yal eb' wach' paxti 'a qui Mam 'ayc' 'a satcha'an̈.

2 Cr 20:6

'Ix yaln 'ixtic: Ach Jehová, qui Diosal ach on̈ yet' eb' qui mam quichm on̈, ach tic Dios ach 'a satcha'an̈, Yajl ach 'a yib'n̈ smasnil nacion̈. Yol a c'ab' 'ayc' ep yet' a poder. May junc mach 'oj stac' ach stenn 'och wa'an.

Lc 15:18

'Oj in pax 'a in mam cha, ax waln 'ixtc 'a 'a: Mamin, caw x'och in mul 'a Dios, x'och pax in mul 'ayach.

Zacarías 14:9

A 'a yic jun c'ul cha, cojxn̈ej Jehová 'oj yac' Yajlil 'a yib'n̈ smasnil yolyib'n̈q'uinal, cojxn̈ej ton Dios. A Dios, Jehová sb'i, cojxn̈ej 'oj b'inaxoc.

A Ch'an̈ B'ab'el Libro Yic Yab'ixal Eb' Rey 8:43

'ab' tas tzyal eb' 'ayach. 'Aych 'ec' 'a satcha'an̈ tzab'ni, 'ac' tas tzc'an eb', sec wach' 'oj ach yojcoc 'el smasnil nacion̈ 'ay 'a sat lum lum tic, ax syiclni eb' 'aych 'icha an̈ a chon̈b' on̈ tic. Nachj cab' pax 'el yuj eb' chajtlto a jun n̈a 'ix in b'o tic, ec yaji, yic tz'och 'emmquilal 'ayach.

Habacuc 2:14

Tz'acn 'oj yutc yojcan 'el smasnil 'anma stzictznil Jehová, 'icha wal tz'aj sb'ut'j 'el a mar yuj a a'.

Ez 38:23

'Ixta wal 'oj wutc in ch'oxn in poder yet' in jelnal 'a sat jun tzo'n̈ nacion̈ 'oj 'ilnoc jun cha. 'Ixta to b'i'an, ax yojcan 'el eb' to an Jehová in, to cojn in ton Dios in, xchi Dios.

1 Cr 17:24

¡'El'choc cab' jun 'ix al tic, 'ijx cab' chan̈ a b'i 'a smasnil tiempo! 'Oj alxoc chajtlto ach tic Jehová tztac' 'oj smasnil, qui Diosal ach an̈ a chon̈b' israel on̈ tic, caw yel qui Diosal ach on̈. ¡Ax win̈tl an a checb' David in tic, te'n cab' yaj 'a yopiso 'a ojltac!

A Ch'an̈ Schab'l Libro Samuel 7:26

sec wach' niwn cab' yel'ch a b'i 'a jun 'ejmn̈ej. 'Oj alxoc chajtlto ach Jehová tztac' oj smasnil, qui Diosal ach an̈ israel on̈ tic on̈. Ax eb' win̈til, caw te'n 'oj yutc sb'a eb' 'a ojltac ya'n reyal.

A Sb'ab'el Carta San Pedro 1:17

A Dios, 'oj sb'eyc'ojloc junjn 'anma', a tzyala tas sb'eyb'al jun jun. Yuj cha, toto tzcalc qui Mamoc, caw xiw coyc 'a 'a, ya' sb'a 'ayn̈ect 'ec' 'a yolyib'n̈q'uinl tic.

1 Ti 6:16

Dios chi may b'a'n̈ tzchami. Sacq'uinl 'aj 'ay. May junc mach tztac' sc'och 'a stz'ey. May xon junc mach tz'iln Dios, yujto may mach tztac' yilni. Caw niwn cab' yel'ch Dios 'a qui sat. 'Ay spoder 'a smasnil tiempo. 'Ixta cab' tz'aji.

Lc 15:21

Xyaln win 'unnab'il chi 'ixtic: Mamin, caw x'och in mul 'a Dios. X'och pax in mul 'ayach. Ax ticnec, man̈x smojc tzin al onnaloc, xchi win 'a smam cha.

Lc 2:14

¡Alx cab' wach' paxti 'a Dios 'a satcha'an̈! ¡Ax 'a yolyib'n̈q'uinl tic, 'ay cab' junc'ojlal 'a eb' 'aj tzch'ox swach'c'ojlal! xchi eb'.

Is 66:1

'Ix yaln pax Jehová 'ixtic: A satcha'an̈, a chi in despacho yaji, ax lum lu'um, a chi sb'achnub' woc yaji. Ax xo tic, ¿'aj wach' tze b'o junc watut yic tzin 'ilj 'a 'a?

Mt 6:14

Ax tic, toto tzeyac' niwnc'ojlal eb' tz'och smul 'ayex, ax qui Mam 'ayc' 'a satcha'an̈, 'oj yac' lajwc e mul jun xo.

Mt 6:6

Ax xo tic, a yic tzex leslwi, tze macch e b'a 'a yol eyatut. Tzlajw cha, c'ultac tzex leslwi 'a qui Mam Dios. Wach'xam c'ultac tzex leslwi 'a 'a, 'oj yab'i', ax ya'n spac 'ayex.

Mt 5:48

Yowlal tz'acn ex 'a smasnil tas wach', 'icha qui Mam 'ayc' 'a satcha'an̈, tz'acn 'a smasnil tas wach'.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

Gl 1:1

An Pablo in tic, schecb' in Jesucristo. Man̈oc junc 'anma 'ayn schecab'. An̈jtona', man̈oc junc 'anma 'a'jnac wopiso tic. Atn Jesucristo 'a'jnac wopiso yet' qui Mam Dios. A 'a'jnac pitzwc pax Jesucristo 'a scal eb' chamnac.

Jn 20:17

—Man̈ in a yama', yujto mantzac in pax q'ue 'a 'aj 'ay in Mam. Palta 'ixic, 'at al 'a eb' wu'tac, yet' 'a eb' wanb' smasnil, chajtlto 'oj in pax q'ue 'a 'aj 'ay in Mam. A in Mam cha, e Mam pax wet'oc. A in Diosal, e Diosal pax wet'oc, xchi Jesús 'a 'ix.

Mt 26:42

Xlajw cha, x'atx leslwoc jun 'ejm xo, xyaln 'ixtic: Mamin, toto matz tac' yec' jun yailal tic 'a wib'an̈, b'o cab' 'icha tza nib'ej, xchi.

Is 37:20

Ax ticnec jun Mamin Jehová qui Diosal on̈, coln̈ 'el 'a yol sc'ab' jun rey cha, sec tzyojquej 'el smasnil nacion̈ 'a yolyib'n̈q'uinl tic, to cojxn̈ej ach Jehová Dios ach, xchi Ezequías 'a slesal.

Ro 1:7

Tic tzin tz'ib'j 'at jun in carta tic 'ayx e masnil ex 'aj Roma, ex chamc'ojlb'ilx xo yuj Dios. A 'awtjnac ex, yic wach' an̈j 'ayx yico'. Tzin nib'ej a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

Mt 10:29

'Iltec e no cotc ch'ic. A yic tzchon̈x e no', chawn̈ e no 'a centavo, palta may junc e no tzcomm chami toto man̈ 'ichcta tznib'j qui Mam Dios.