Mt 6:31 - Chuj San Sebastian Bible

³¹ Yuj cha, caw man̈ ex 'och 'il, man̈ eyal 'ixtic: ¿Tas wal 'oj qui c'uxec? ¿Tas wal 'oj cuq'uec? ¿'aj wal 'oj cot qui pichlec? man̈ xe chioc.

Chuj San Mateo Bible

³¹ Yuj chi' man̈ ex och ilc'olal. Man̈ eyala': ¿Tas ol co va'a? ¿B'aj ol cot co pichul? man̈ xe chioc.

Mt 6:31 Referans Kwoze

A Sb'ab'el Carta San Pedro 5:7

Jantcn̈ej quilc'ojlalec ca'c 'och 'a yol sc'ab' Dios, yujto a 'aych 'il on̈ yilnec.

Lc 12:29

Yuj cha, caw man̈ ex 'och 'il. Man̈ e na yuj tas 'oj e c'uxu', yet' yuj tas 'oj eyuc'.

Mt 4:4

—A Ch'an̈ Un̈ tz'ib'b'il cani, ata tzyal 'ixtic: Man̈ cojnoc yuj tas tzc'uxxi pitzn on̈ec, palta pitzn on̈c yuj smasnil tas tzyal Dios. 'Ixta tzyal 'a Ch'an̈, xchi Jesús 'a winac.

Salmos 55:22

'A'ch smasnil a somc'ojlal 'a yol sc'ab' Jehová, ax 'oj 'a'nc a te'nal. A mach yiclum 'a 'a, may xon b'a'n̈ 'oj chaxc telwc yu'uj.

Mt 15:33

—¿Tas wal 'oj cutquec ca'n wa eb' 'a jun cusltac lum tic? 'In caw niwn eb', xchi eb' scuywum cha.

Salmos 37:3

Ca'c 'och Jehová yipc qui c'ojol. Qui b'oc tas wach', toto 'ixta', 'oj qui canc cajn 'a sat lum lum tic; 'oj 'ajxocn̈ej tas tzqui c'ux 'a junc'ojlal.

2 Cr 25:9

'Ix sc'anb'n Amasías 'a jun schecb' Dios chi 'ixtic: —Palta, ¿tas pax 'oj 'aj yuj q'uen 75 quintal plata 'ix wac' 'a eb' israel? xchi. 'Ix ta'w jun schecb' Dios cha, xyaln 'a 'ixtic: —A Jehová tztac' ya'n 'ec'b'alocx q'uen 'aych 'a yib'n̈ jun tzo'n̈ cha, xchi 'a 'a.

Salmos 111:5

A tz'a'n tas tzc'ux eb' yiclum tzyutj sb'a 'a 'a, yujto tzna cot strato yet' eb'.

Mt 6:25

Yuj cha, tzwal 'ayex, man̈ ex 'och 'il yuj e tzatzl 'a tic, yuj tas 'oj e c'uxu', mto yuj tas 'oj eyuc'; man̈ e na yuj e pichl tzeya'chi. A Dios x'a'n qui tzatzlec, ocxo tas tzqui c'uxec, ¿tom ma'oj yac'a'? A x'a'n qui niwnalec tic, ocxom wal qui pichlec, ¿tom ma'oj yac'a'?

Mt 6:27

¿Tas yuj tzex 'och 'il yuj e q'uinal? ¿Tom yuj tzex 'och 'il cha, ax sta'n e nitzn junc xo hora e q'uinal?

Lc 10:41

—Marta, Marta, caw tzach 'och 'il. Til wal tza na yuj jun tzo'n̈ tza b'o cha.

Lc 12:11

A yic 'oj eyijx 'at 'a jun tzo'n̈ capiya, mto 'oj eyijx 'at 'a yojltac ewin juez, mto ewin yajal, man̈ ex 'och 'il yuj tas 'oj eyutc e pacn 'a eb', man̈ e na yuj tas 'oj eyala'.

Lc 12:22

Xlajw cha, xyaln Jesús 'a eb' scuywum 'ixtic: Tzwal 'ayex, man̈ ex 'och 'il yuj e tzatzil, yet' yuj tas 'oj e c'uxu'. Man̈ e na pax yuj e pichl tzeya'chi.

A Scarta San Pablo D'a Eb' Aj Filipos 4:6

Man̈ on̈ 'ochc 'il yuj junc tas. Jantcn̈ej tas tzqui na'ec, calc 'a Dios, tzon̈ leslwiec. A yic tzqui c'annec tas 'a 'a, yowlal tzca'c pax yuj diosal 'a 'a.