Mt 6:1 - Chuj San Sebastian Bible

¹ Tzeyil wal e b'a, man̈ cojnoc cab' 'a sat eb' 'anma wach' tzeyutj e b'a. Toto cojn 'a sat eb' wach' tzeyutj e b'a, may jac spac 'oj e cha 'a qui Mam 'ayc' 'a satcha'an̈.

Chuj San Mateo Bible

¹ Tzeyil val e b'a, man̈toc an̈ej d'a yichan̈ eb' anima vach' tzeyutej e b'a. Tato ichan̈ej chi' tzeyutej e b'a, malaj spac ol e cha d'a co Mam ayec' d'a satchaan̈.

Mt 6:1 Referans Kwoze

Mt 23:5

Yujn̈ej to tznib'j eb' wach' 'a sat eb' 'anma', tzcob' sb'onc eb' jun tzo'n̈ tas wach' yil eb'. 'Ay jun tzo'n̈ tz'um 'aj tz'ib'b'il 'och jac spaxti Dios, tzya'ch eb' 'a sc'ab' yet' 'a snan̈l sat, caw niwc tzyutj 'och eb' stz'ib'ul sec wach' eb' snan 'a sat eb' 'anma'. Ax sjucn pichl eb' tzya'chi, yel xo wal caw jucn yajch sti yuj eb'.

Jn 12:43

'Ixta xyutj sb'a eb', yujto ton̈j tznib'j eb' an̈j 'a sat 'anma 'ay yel'ch eb'. Matz na eb', toto 'ay yel'ch eb' 'a sat Dios.

A Ch'an̈ Carta D'a Eb' Hebreo 6:10

Yujto a Dios caw tojl snab'en. Ma'oj sat sc'ojl 'a jun tzo'n̈ tas xe b'o'o, yet' e chamc'ojlal xe ch'ox 'a 'a, yic ex colwj 'a eb' yic xo Dios quet'ec. An̈jtona', 'ixta tzeyutj e b'a ticnec.

Lc 16:15

Yuj cha, xyaln Jesús 'ixtc 'a ewinac: Ax xo tic, cojxn 'a sat eb' 'anma wach' tzeyutj e b'a, palta ax Dios, yojtac tas yaj e nab'en. A jun tzo'n̈ tas niwn yel'ch 'a sat eb' 'anma', caw yajb'il yuj Dios.

Gl 6:12

'Ay eb' tznib'n tzex 'a'n pural, sec tzex 'ajx circuncidar. Palta ton̈j tznib'j eb' to wach' 'a sat eb' 'anma'. 'Ay eb' israel tz'a'n 'och yailal 'a yib'n̈ eb', yujn̈ej to 'aych snab'en eb' 'a schamlil Cristo 'a spenc culus. Palta tznib'j eb' matz 'ajx 'och syailal, yuj cha, 'ixta tzex yutj eb' ex ya'n pural.

Jn 5:44

Toto an̈j 'a e sat junjn ex tze nib'j 'ay eyel'chi, toto matz e nib'j 'ay eyel'ch 'a sat Dios jun caw yel, ¿tom 'oj stac' eya'n 'och e c'ojl 'a 'a?

Ez 33:31

'Ixta tzyutj eb' in chon̈b' chi yi'n cot sb'a, tzlaj 'em wocn eb' yab'xni 'a tas tzala. Palta matz b'eylb'ej eb' tas tzal cha, ton̈j tzlaj stz'ac eb' laj yala', ax snab'en eb', a wal maysch'olnil tznib'j 'och eb'.

2 Jn 1:8

Ax xo, tzeyil wal e b'a 'a eb', sec ma'oj satl qui munljel 'a e cal ta 'on̈. Toto 'ixta 'oj eyutc e b'a, tz'acn 'oj e cha spac tas 'oj yac' Dios 'ayex.

Mr 8:15

'Ix yaln Jesús 'ixtc 'a eb': —'Ab'ec, tzeyil wal e b'a, a wal yich span ewin fariseo, yet' yich span win Herodes, caw 'ay smay tzex juw 'el yu'uj, xchi 'a eb'.

Mt 6:16

A yic tzex 'och 'a c'ajb'c'ojlal, man̈ lajnoc tzeyutj e b'a yet' eb' chab'sat yaji. Yujto a eb' cha, caw cusltac tzyutj eb' sat, sec tzlaj yil eb' 'anma', to 'aych eb' 'a c'ajb'c'ojlal. Wal yel tzwal 'ayex, tox schaj eb' spac jun sc'ajb'c'ojlal cha. Toxn may spac 'oj scha eb' 'a Dios.

Mt 16:6

'Ix yaln Jesús 'ixtc 'a eb': —'Ab'ec, tzeyil wal e b'a. A wal yich span ewin fariseo yet' yich span pax ewin saduceo, caw 'ay smay tzex juw 'el yu'uj, xchi 'a eb'.

Lc 12:15

Xlajw cha, xyaln 'ixtc 'a eb' 'anma cha: —Caw tzeyil wal e b'a, sec may junc tas tze comn nib'j 'ochi. Man̈ yujoc to til wal tas 'ay 'ayn̈ec, tzaljc'ojlal que'c 'a yolyib'n̈q'uinl tic, xchi Jesús.

Mt 5:48

Yowlal tz'acn ex 'a smasnil tas wach', 'icha qui Mam 'ayc' 'a satcha'an̈, tz'acn 'a smasnil tas wach'.

Mt 5:16

'Icha junc cantil cha, 'ixta 'ex cab'i', tze ch'oxl e sacq'uinlal 'a eb' 'anma'. Tzyal 'el'chi, atn e wach' b'eyb'al tze ch'ox yil eb', sec 'oj yal eb' wach' paxti 'a qui Mam 'ayc' 'a satcha'an̈.

Lc 11:35

Tzeyil wal e b'a, sec a jun sacq'uinl 'aych 'ayex, ma'oj sutmjc 'och q'uic'q'uinlal.

Salmos 112:9

Tzyac' eb' siylab' 'a eb' meb'a', ax swach' nab'enal eb' cha, 'oj naxoc cot 'a smasnil tiempo. Til wal 'aj 'oj b'inaxc eb' yuj swach'l cha.

Lc 12:1

A 'a jun 'el, til wal smil-l eb' 'anma 'ix syam sb'a 'a Jesús. Caw witz'n x'aj eb', xlaj stec' eb' yoc. Ax Jesús, 'ix b'ab'l aln 'a eb' scuywum chi 'ixtic: Tzeyil wal e b'a 'a yich span ewin fariseo, atn 'a schab'satl ewinac.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Mt 5:46

Toto cojn eb' 'ay schamc'ojlal 'ayx tze chamc'ojlej, ¿tom 'oj e cha spac jun chi tze na'a? An̈jtona ewin tecm 'el tumin, 'in 'ixta pax tzyutj sb'a ewinac.

Zacarías 7:5

Al 'ixtc 'a smasnil eb' 'anma 'a jun nacion̈ tic, yet' 'a eb' ya'mal 'och sti eb' 'ayin: Ax tic, 'ayx 70 ab'il xo e c'ojl e b'eylb'an eya'n 'och te pichl n̈achtac yic cusc'ojlal, yic tzex 'och pax 'a c'ajb'c'ojlal 'a yotquil 'uj yet' 'a yucl 'uj 'a junjn ab'il, palta ¿tom yujto 'ay wel'ch 'a e sat, yuj cha, tze b'on jun tzo'n̈ cha?

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Mt 6:9

Yuj cha, yel xo wach' tzex leslwi 'ixtic: Ach qui Mam 'aych 'ec' 'a satcha'an̈, niwn yel'ch cab' a b'i.

Dt 24:13

A yic wanto wal yem c'u, tzeya'n can pax meltzjoc 'a 'a, toq'ue a tzyac'q'ue 'a yib'an̈ yic tzway 'a jun 'ac'wl cha. Toto 'ixta tzeyutej, a jun 'anma cha, 'oj yal wach' paxti 'a eyib'an̈, tojl pax tas tze b'o 'a sat Jehová Dios.

A Ch'an̈ Carta D'a Eb' Hebreo 2:1

Yuj cha, yowlal caw tzca'c 'och qui nab'en 'a jun tzo'n̈ cuynb'il xlaj cab'ec. Toto ma'ay, 'ay smay jab'jnal 'oj qui wach' juwc 'eli.

Dn 4:27

Yuj wal cha mamin rey, chaj ab' jun tzo'n̈ tzwal 'aych tic. Wach' cab' tzotj a b'a, man̈x 'och a mul. Comnoc wal tzactj can a b'on maysch'olnil, colwjan̈ 'a eb' tz'ixtxi. Toto 'ixta', tecn 'oj a can 'a junc'ojlal, ax a q'ue'ch yet' tas 'ay 'ayach, xchi Daniel 'ayin, xchi win rey cha.

A Ch'an̈ Carta D'a Eb' Hebreo 11:26

'Ix snan paxi, to wach' tzyab' syal sb'uchx yuj Cristo, atn jun 'oj jawoc, palta caw wach' yico'. Jantcn̈ej jun tzo'n̈ ricoal yic Egipto cha, may yel'ch 'a sat, yujto ya'jnac 'at snab'en 'a jun spac 'oj yac' Dios 'a 'a.

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

A Ch'an̈ Schab'il Libro Yic Yab'ixal Eb' Rey 10:31

Wach'xam to 'ixta', palta ma'ix ya'ch wal Jehú chi 'a sc'ojl syiclni sley Jehová sDiosal yet' eb' yit israelal, 'a smasnil sc'ojol, yujto ma'ix yij 'el sb'a 'a sb'eyb'al Jeroboam, win xjucb'tzan eb' yit israelal 'a maysch'olnil.

A Ch'an̈ Schab'il Libro Yic Yab'ixal Eb' Rey 10:16

'ix yaln Jehú 'a 'ixtic: —Con̈ wet'oc, 'oj el wal chajtl tzwutj wa'n wip 'a tas 'ix yal Jehová, xchi 'a 'a. Yuj cha, 'ix yi'n 'at yet' 'a yol scaruaje cha.

Zacarías 13:4

A 'a yic jun c'ul cha, a smasnil eb' to in checb' yalni, 'oj q'uixwc 'el eb' yuj tas 'oj ch'oxxoc yil eb' 'a 'icha waychil. Man̈x 'oj ya'ch eb' te pichl n̈achtac sat, 'icha yic eb' in checab', yuj ya'n eb' 'es 'a eb' 'anma'.

A Tas Sc'ulejnac Eb' Schecab' Jesús Hechos 3:12

Yic xyiln Pedro jun cha, 'ix yaln 'a eb' 'ixtic: —Ex wit israelal, ¿tas yuj tzcaw sat e c'ojl eyilni? ¿Tas yuj tzex 'och q'ueln 'ayn̈ on̈? Man̈ e na', to yuj qui jelnal, mto yuj qui wach'l on̈, xca'n b'ey jun winc tic on̈.