Mt 5:5 - Chuj San Sebastian Bible

⁵ A eb' 'emmquil tzyutj sb'a, caw wach' yic eb', yujto 'oj yico'oc eb' jun lugar 'aj ya'jnac can Dios sti'.

Chuj San Mateo Bible

⁵ A eb' emnaquil syutej sb'a, te vach' yic eb', yujto ol yiquej jun lugar eb' yalnaccan Dios.

Mt 5:5 Referans Kwoze

Salmos 37:11

A eb' 'emmquilal yeq'ui, 'oj scaj eb' lum lum tic; ax ya'n eb' snab'en yaj cajn 'a sat lum 'a junc'ojlal.

Is 29:19

A eb' 'emmquilal yeq'ui, 'oj tzaljoc chan̈ eb' 'a Jehová, ax eb' caw meb'a', 'oj tzaljoc chan̈ eb' 'a sDiosal Israel, atn jun Dios To Cojxni.

Santiago 3:13

Toto 'ayx caw jeln ex, toto tznachj 'el junc tas eyu'uj, yowlal caw wach' tzeyutj e b'eyb'al. 'Ixta 'oj eyutc e ch'oxn 'eli, to 'emmquil tzeyutj e b'on smasnil tas yuj e jelnal 'a sat Dios.

Salmos 149:4

Yujto a Jehová tzyij stzaljc'ojlal 'a quib'n̈ec an̈ schon̈b' on̈c tic, ax ya'n qui tzaljc'ojal an̈ 'emmquilal queq'ui, yujto a tzon̈ colnec.

Gl 5:23

'emmquil tzlaj cutjec qui b'a. Yu'uj, tztac' qui tennec 'och wan qui b'a 'a maysch'olnil. A jun tzo'n̈ wach' b'eyb'al tic, may junc ley tzalni, to matz tac' qui b'onec.

Santiago 1:21

Yuj cha, 'actjec can jantcn̈ej tas tu 'a sat Dios, yet' smasnil maysch'olnil. Caw tze wach' 'a'j 'och e c'ojl 'a spaxti Dios 'a 'emmquilal, atn jun alb'ilx can 'ayex, yujto a spaxti tic, tztac' tzon̈ colchjec yu'uj.

Salmos 25:9

ax eb' 'emmquilal yeq'ui, tza ch'ox eb' 'a tojl b'eyb'al.

Nm 12:3

Caw yel, cojn Moisés 'emmquilal tzyutj sb'a 'a yolyib'n̈q'uinl tic.

A Scarta San Pablo D'a Eb' Aj Colosas 3:12

A Dios, caw 'ay schamc'ojlal 'ayn̈ec. On̈ si'c 'och yico'oc. Yuj cha, caw wach' cab' tzcutjec qui b'eyb'al 'a sat. Tz'o'ch qui c'ojlec 'a eb' quit 'anma'il, wach' tzcutjec qui b'a 'a eb'. 'Emmquilal tzlaj cutquec qui b'a. Tzca'nec niwnc'ojlal 'a eb' tzlaj 'och smul 'ayn̈ec.

Mt 11:29

Cuchc junx 'icha 'ictz 'oj wac' 'ayex. Cuywan̈c 'ayin, yujto an tic manso in, 'emmquil in, toto 'ixta', 'oj ex wac' 'iljoc.

Ef 4:2

'Emmquilal tzlaj eyutc e b'a, wach' tzeyutj e b'a. Tzlaj eyac' techjoc 'a eb' tz'och smul 'ayex. Niwn tzlaj eyutc e c'ojl 'ayx junjn ex. An̈jtona', tzlaj e chamc'ojloc pax e b'a.

A Sb'ab'el Carta San Pedro 3:15

Ca'c 'och wal Cristo Cajliloc. Qui nac si'mb'il, chajtlto caw niwn yel'chi. Lista cab' tzcutjec qui b'a caln 'a machtc eb' tzc'anb'n 'ayn̈ec, tas yuj tzca'c 'och Cristo yipc qui c'ojol. Wach' cab' tzcutjec caln 'a eb'. 'Emmquilal tzcutjec caln 'a eb'.

Sofonías 2:3

'A'c 'och e b'a 'a yol sc'ab' Jehová e masnil, ax 'emmquilal tzeyutj e b'a eyiclni tojlal 'a yolyib'n̈q'uinl tic. B'oc stojlal, yet' pax 'emmquilal, sec toq'ue 'oj e colchj 'a yic 'oj jawc jun c'u yic 'oj ya'nc Jehová yowl sc'ojol.

Tito 3:2

Man̈ comnoc tzb'uchwj eb' 'a eb' yit 'anma'il. Matz tac' scomn 'a'n pax eb' owl yet' junc xo mach. Yowlal wach' tzyutj eb' snab'en, 'emmquil tzyutj sb'a eb' 'a smasnil 'anma'.

Salmos 37:22

A eb' 'aj tz'ajx yaxilal, a eb' 'oj cajnc lum lum tic, ax pax eb' tzcatb'tzax can 'eli, 'oj satxoc can 'el eb'.

Salmos 37:9

A eb' tzb'on maysch'olnil 'oj satxoc 'el eb' yuj Jehová. Palta ax eb' tzya'ch sc'ojl 'a 'a, 'oj can cajn eb' 'a sat lum lum tic.

A Sb'ab'el Carta San Pedro 3:4

Palta a wal e nab'en, a tze chamc'ojlej e b'oni, sec wach' yilx 'a sat Dios. A swach'l cha, may b'a'n̈ tzjuwi. Toto wach' yaj e nab'en, toto 'emmquil yaji, atn chi caw wach' yilx 'a sat Dios, caw niwn yel'ch 'a 'a.

Is 11:4

'Oj sb'oyaj eb' meb'a 'a stojlal, 'oj colwjc yet' eb' 'anma 'emmquilal yeq'ui. Cojn ton̈j 'oj yala', ax yochcn syailal eb' tu tzlaj yutc sb'a. Cojn ton̈j 'oj yala', ax scham eb' tzb'on maysch'olnil.

Salmos 25:13

Caw 'oj q'ue'choc yet' tas 'ay 'a 'a, ax yin̈til, a 'oj cajnocn̈ej slu'um.

1 Ti 6:11

Ach xo Timoteo, yic xo Dios aji. Caw man̈ a b'o jun tzo'n̈ maysch'olnil xwal tic. Caw tojl tzotj a b'eyb'al. Cojn Dios 'aj tza'ch a c'ojol, yet' a nab'en. 'Ay cab' a chamc'ojlal. Caw te'n tzotj a b'a ab'n syail. Caw 'emmquil tzotj a b'a.

Salmos 69:32

A yic 'oj 'ilxoc jun tic, caw 'oj tzaljoc sc'ojl eb' 'ay scusc'ojlal. Toto 'oj yal sb'a eb' 'a in Diosal, 'oj yac' ste'nal snab'en eb'.

Salmos 37:29

A eb' 'anma tojl snab'en, a eb' 'oj 'i'noc can lum lum tic smacloc, 'oj 'aj cajn eb' 'a sat lum 'a smasnil tiempo.

Salmos 37:34

Ca'c 'och Jehová yipc qui c'ojol, yiclum tzcutjec qui b'a 'a 'a, ax 'oj qui'nec cha'an̈, ax ya'n lum lum quicooquec. Q'ueln on̈c wal 'ochi, ax satx can 'el eb' maysch'olnil sb'eyb'al cha.

2 Ti 2:25

An̈jtona', 'emmquil tzyutj eb' yaln 'a eb' tzchichn 'och 'a 'a. Toq'ue 'oj yac' Dios sna sb'a eb', ax yojcan 'el eb' jun cuynb'il caw yel.

Ro 4:13

Ya'jnac can Dios sti 'a win Abraham yet' 'a eb' yin̈til, chajtlto 'oj yac' yolyib'n̈q'uinl tic yico'oc eb'. Man̈ yujoc syicljnac win sley Dios, ya'n can sti 'a winac, palta yujn̈ej to wach' win 'a sat, yujto ya'jnac 'och win sc'ojl 'a 'a.

Salmos 147:6

A tz'i'n chan̈ eb' 'anma 'emmquilal yeq'ui, a pax tz'i'n can 'ejm eb' maysch'olnil snab'en.

Mt 21:5

Tzeyal 'ixtc 'a eb' 'aj chon̈b' Sión: 'Iltec wal sjaw e Reyl 'ayex. Caw 'emmquil sjawi. 'Ay q'ue 'a yib'n̈ jun no quelm b'uru, yune jun no 'axna, xe chi, xchi 'a Ch'an̈ U'un̈.

Is 60:21

A smasnil eb' eyit chon̈b' 'a jun tiempoal cha, caw wach'n̈j 'oj 'aj snab'en eb'. 'Oj yico'oc pax eb' lum e lum chi 'a jun 'ejmn̈ej. Lajn wal eb' 'icha swol junc 'awb'ente', sec tzin b'inax yuj eb'.

Is 61:1

A Yespíritu Jehová Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a', tzlaj wa'nc can b'oxc sc'ojl eb' ya yaji, tzwaln 'el yab'xil colnb'il 'a eb' 'icha preso yaji.

Salmos 22:26

A eb' meb'a', 'oj wa eb' si'mb'il, caw wal 'oj b'ut'joc eb'. Ax eb' tznib'n a colwal, 'oj yal eb' wach' paxti 'ayach. Pitznn̈ej cab' eb' 'a jun 'ejmn̈ej.