Mt 5:29 - Chuj San Sebastian Bible

²⁹ Q'uinloc 'ay ex, yuj yol e sat 'a e wach', tzjuw 'el e nab'en. To 'ixta', yel xo wach' tzeyij 'el jun yol e sat cha, tze juln can 'eli, yujto yel xo wach' jab' wal e niwnal chi tzsatcni, 'a yib'n̈ to tzex 'atcn 'a infierno yet' e niwnal smasnil. Toto 'ixta', caw maysch'olnil eyico'.

Chuj San Mateo Bible

²⁹ Q'uinaloc ayex, yuj yol e sat ay d'a e vach', tz'ixtaxel e pensar. Tato icha chi', vach' ama tzeyiq'uelta jun yol e sat chi', tzeyumaneli. Yujto vach' tato jab'n̈ej e nivanil satcaneli, d'a yichan̈ tzex b'atcan d'a infierno yed' e nivanil chi' smasanil.

Mt 5:29 Referans Kwoze

Ro 8:13

Toto an̈ja qui b'eylb'anec 'icha tznib'j qui tu nab'enal, 'oj qui chamc yuj 'a jun 'ejmn̈ej. Palta toto yuj spoder Yespíritu Dios tzcactnec can qui b'on jun tzo'n̈ maysch'olnil yet' qui niwnalec tic, to 'ixta', 'oj qui chac qui q'uinl 'a jun 'ejmn̈ej.

A Scarta San Pablo D'a Eb' Aj Colosas 3:5

Yuj cha, jantcn̈ej e b'eyb'al yic yolyib'n̈q'uinl tic, 'actjec can smasnil, satc can 'el 'a jun 'ejmn̈ej. Caw man̈x e b'o 'ajmulal, mto junc xo tzann̈j maysch'olnil yet' e niwnal. Man̈xtzac stac' eya'n 'och e nab'en 'a 'ajmulal, mto 'a junc xo tu'al. An̈jtona', matz tac' e nib'n 'och ricoal. Yujto a yic tzqui nib'nec 'och ricoal, a 'a sat Dios, wan caln 'och jun chi qui diosaloc.

1 Co 9:27

Caw tzin tench wan in niwnal tic. Tzwac' cuenta in b'a si'mb'il. Yujto wach'xam til wal eb' xwawtj cot wet' 'a jun 'icha tajnel tic, palta toto matz wac' cuenta in niwnal tic, 'ay smay matz in chax 'och yet' eb'.

Ro 6:6

Cojquec, a jun qui nab'enec 'a yic yalan̈, a 'a sat Dios, t'un̈xnac q'ue yet' Cristo 'a spenc culus, sec wach' tzsatl qui tu nab'enalec, 'icha to caw tzchami. 'Ixta on̈ 'ajec, sec wach' man̈xtzac ca'c servil maysch'olnil ticnec.

Gl 5:24

An̈ yic on̈c xo Cristo, man̈x 'a yel'ch qui tu nab'enal 'ayn̈ec, yet' jun tzo'n̈ maysch'olnil tzqui nib'jec 'ochi. 'Icha to 'ac'b'ilx 'och 'a spenc culs cujec.

Mr 8:36

Q'uinloc tzquique'ej smasnil yolyib'n̈q'uinl tic, palta toto tzon̈ satcn 'el 'a jun 'ejmn̈ej, ¿tast wal qui ganar 'ixta'?

Mt 19:12

'Ay jun tzo'n̈ eb', yictax yalj eb' palta xon yaj eb', yuj cha, matz tac' yoch yistl eb'. 'Ay pax eb' tzat juw yuj eb' 'anma', yuj cha, matz tac' yoch pax yistl eb'. 'Ay pax eb' matz ya'ch xon yistzil, yujto cojxn Cajlil 'ayc' 'a satcha'an̈, an̈j tznib'j eb' tzyac' servil. A eb' tz'a'n techjoc jun tic, techj cab' yuj eb', xchi Jesús 'a eb'.

Mt 10:28

Man̈ ex xiw 'a eb' tztac' smiln e niwnal tic, yujto a e pixan matz tac' smiln eb'. Palta a 'a Dios tzex xiwi, yujto a tztac' satn 'el e pixn yet' e niwnal, tz'at 'a infierno yu'uj.

Mt 23:15

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. C'uxn tzex 'ec' 'a sat lum tic yet' 'a a mar, sec 'ay eb' tze montj 'och eyet'oc. Ax eb' tz'och eyet' cha, ton̈j tzwach' juw 'el snab'en eb' eyu'uj. Yuj cha, smoj wal ec'b'al yailal 'oj 'ajxoc 'och 'a yib'n̈ eb' 'icha eyic 'oj 'ajxoc 'och 'a eyib'an̈.

Mt 16:26

Q'uinloc tzquique'ej smasnil tas 'ay 'a yolyib'n̈q'uinl tic, palta toto tzsatcn 'el qui pixn 'a jun 'ejmn̈ej, ¿tast wal qui ganar 'ixta'? ¿Tast wal 'oj cac' smannb'ilc colchjoc qui pixan?

Mt 5:22

Palta an tzwal 'ayex, tzann̈j mach tzchichn 'och 'a junc yit 'anma'il, yowlal 'oj b'eyc'ojlaxoc. Tzann̈j mach tzb'uchwj 'a junc yit 'anma'il, 'oj b'eyc'ojlaxc yuj eb' sat yajal. Tzann̈j mach tzb'aj junc yit 'anma'il, 'ay smay tz'at 'a infierno 'a scal c'ac'.

Mt 23:33

Ax tic, caw 'ixtm 'anma 'ex, lajn ex 'icha no chan, an̈jtona', 'ixta pax eb' e mam eyicham. ¿Tom 'oj stac' e coln 'el e b'a 'a jun niwn yailal 'a infierno?

Lc 12:5

Palta 'oj wal 'ayex, mach 'aj smoj tzex xiwi: Xiwn̈ec 'a Dios, atn jun 'oj lajwc ex smilni, 'ay pax spoder ex ya'n pax 'at 'a infierno. Atn wal jun chi 'aj smoj tzex xiwi.

Mt 5:30

Q'uinloc 'ayx pax yuj e wach' c'ab', tzjuw 'el e nab'en. To 'ixta', yel xo wach' tze tzu'l jun e c'ab' cha, tze juln can 'eli, yujto yel xo wach' jab' wal jun e niwnal chi tzsatcni, 'a yib'n̈ to tzex 'atcn 'a infierno yet' e niwnal smasnil. Toto 'ixta', caw maysch'olnil eyico'.

Mt 11:6

Yuj cha, a eb' matz somchj 'el snab'en wu'uj, caw wach' yic eb'. 'Ixta tzeyutj eyaln 'a Juan chi e c'ochi, xchi Jesús 'a eb'.

Mt 17:27

Palta matz qui nib'j to tu tzyab' eb', yuj cha, 'ixc 'a sti a mar. 'At 'ac' 'ejm jun a lucb' 'a yojl a'. A jun chay tzb'ab'l yamchj o'oj, tzejq'ueta. Ax 'a yol sti no 'oj 'ilchjoc jun tumn o'oj. Colb'il 'oj yac' jun tumn chi tztecx 'el 'ayn̈ qui chawn̈il cha. Yuj cha, tzej jun tumn cha, tz'at a'nc 'a eb' tecm 'el tumin, xchi 'a 'a.

Job 20:13

tzyab' wal eb' schiloc 'icha junc tas wach' sc'uxxi.