Mt 5:11 - Chuj San Sebastian Bible

¹¹ Ax xo tic, q'uinloc wujn̈ej tzex b'ajxi, toto 'ay tas maysch'olnil tz'ajx 'och 'a eyib'an̈, mto wujn̈ej tz'ajx 'och jun tzo'n̈ 'es 'a eyib'an̈, toto 'ixta', caw wach' pax eyico'.

Chuj San Mateo Bible

¹¹ A exxo tic, tato vuuj tzex b'ajji, tato ay tas tz'ac'jioch d'a eyib'an̈, te vach' eyico'. An̈ejtona' tato vuuj tz'ac'jicot juntzan̈ es d'a eyib'an̈, te vach' eyico'.

Mt 5:11 Referans Kwoze

A Sb'ab'el Carta San Pedro 4:14

Toto 'ay eb' tzon̈ b'uchnec, yujto 'aych qui nab'enec 'a Cristo, caw tzaljc'ojlal quiquec. Yujto a Yespíritu Dios, atn jun caw niwn yel'chi, a cajn 'och 'ayn̈ec. [A eb' cha, tu tzyal eb' 'a spatc Cristo. Palta an̈ec xo tic, niwn yel'ch 'a qui satec.]

Lc 21:17

Ax eb' 'anma smasnil, 'oj chichnc 'och eb' 'ayex, yujto 'aych e nab'en 'ayin.

Mr 13:13

'Oj chichnc 'och smasnil 'anma 'ayex, yujto 'aych e nab'en 'ayin, palta a eb' 'oj 'a'nc techjoc masnto tzchami, atn eb' chi 'oj colchjoc.

Mt 24:9

Ax tic, 'oj eyajx 'och 'a yol sc'ab' eb' yajal, sec 'oj eyab' syal yuj eb', 'oj laj ex smil cham eb'. Smasnil 'anma 'oj laj chichnc 'och 'ayx wu'uj.

Lc 6:22

Wuj an 'Ochnc in 'Anmal tic, 'oj chichnc 'och eb' 'anma 'ayex, 'oj ex spech 'elt eb' 'a scal, 'oj ex sb'uch pax eb'. Caw maysch'olnil 'oj yal eb' 'a e patc wu'uj. Palta 'a yic 'ixta 'oj ex yutc eb', caw wach' eyico'.

A Sb'ab'el Carta San Pedro 2:23

A 'a yic 'ix b'uchwj eb' 'a 'a, ma'ix b'uchwj pax 'a eb'. Ax yic 'ix 'ajx pax 'och 'a syailal, ma'ix yala, to 'oj yac' spac 'a eb'. Ton̈j xyac' 'ab'enal sb'a 'a Dios, atn jun Juez caw tojol.

Jn 15:21

C'uxn 'oj laj ya'ch eb' jun tzo'n̈ tic 'a eyib'n̈ wu'uj, yujto man̈ yojcoc eb' jun checjnacn coti.

Mt 10:22

Smasnil 'anma 'oj chichnc 'och 'ayx wu'uj. Palta a eb' 'oj 'a'nc techjoc smasnil jun tzo'n̈ cha masnto 'a slajub', 'oj colchjoc eb'.

Is 66:5

'Ab'tec wal spaxti Jehová, ex to tze chaj eyab' tas tzyala, a tzaln 'ixtc 'ayex: 'Ay jun tzo'n̈ eb' eyit chon̈b' tzchichn 'och 'ayex, tzex spech b'eyc'oc eb', yujto a 'ayn tzeyal e b'a; yuj cha, tzlaj yaln eb' 'ixtic: Sch'ox cab' Jehová chi stzictznil quilnoc, tzqui nib'j tzquila tas tzex 'aj e tzalji, xchi eb' 'ayex. Palta a eb' cha, 'oj q'uixwoc can 'el eb', xchi.

Mt 10:39

A eb' ton̈j tznib'j colchjoc sb'a 'a yolyib'n̈q'uinl tic, 'oj satl sq'uinl eb' 'a jun 'ejmn̈ej. Palta ax eb' 'oj yac' cham sb'a wu'uj, atn eb' 'oj scha sq'uinl 'a jun 'ejmn̈ej.

Apoc 2:3

Caw niwn tzeyutj e c'ojol. Til wal yailal xeyab' syal wu'uj, palta ma'ex tzactzji.

Mt 19:29

Tzann̈j mach tzyactj can yatut wu'uj, mto yu'tac, yanab', mto smam snun, mto yunnal, mto slum tzyactj can wu'uj, a jun cha, caw niwn spac 'oj scha'. Ax schan pax sq'uinl 'a jun 'ejmn̈ej.

2 Co 4:11

Ya' sb'a pitzn on̈ on̈, smasnil tiempo 'aych chaml 'a quib'n̈ on̈, yujto junxn̈ej caj yet' Jesús on̈. Yuj cha, wach'xam 'oj cham qui niwnal tic on̈, palta wan scheclj 'el sq'uinl Jesús 'a qui niwnal tic on̈.

1 Co 4:10

'Icha to may jac qui nab'en 'a sat eb' 'anma 'on̈, yujto 'aych qui nab'en 'a Cristo on̈. Palta ax xo, caw jeln ex xo 'a yic Cristo chi e nani. Cojc on̈, man̈toc te'n on̈ on̈. Ax xo, 'icha to caw te'n ex xo. An̈ tic on̈, tzon̈ spatquilj can 'el eb' 'anma 'on̈. Palta ax xo, caw 'ay eyel'ch 'a sat eb'.

Ro 8:36

Yujto tzyal 'ixtc 'a Ch'an̈ U'un̈: O'oj, yuj cha, junjn c'u, 'ijn tzon̈ smil cham eb' on̈, 'icha no calnelu tz'ijx 'at chamoc, 'ixta tzon̈ yutj eb' on̈, xchi 'a ch'an̈.

Lc 21:12

Palta a yic mantzac jaw jun tzo'n̈ cha, 'ay eb' 'oj eyamni, ax ya'n eb' stul 'ayex. 'Oj ex yi't eb' ex sb'eyc'ojloc 'a scapiya, ax ex ya'n 'och eb' 'a preso. 'Oj ex yi't eb' 'a yojltac ewin rey, yet' 'a ewin gobernador, yujto 'aych e nab'en 'ayin.

Lc 9:24

Yujto a eb' ton̈j tznib'j colchjoc sb'a 'a yolyib'n̈q'uinl tic, 'oj satl sq'uinl eb' 'a jun 'ejmn̈ej. Palta ax eb' 'oj yac' cham sb'a wu'uj, atn eb' chi 'oj scha sq'uinl 'a jun 'ejmn̈ej.

Mr 8:35

Yujto 'a eb' ton̈j tznib'j colchjoc sb'a yolyib'n̈q'uinl tic, 'oj satl sq'uinl eb' 'a jun 'ejmn̈ej. Palta ax eb' 'oj yac' cham sb'a wu'uj, yet' pax yuj jun wach' 'ab'x yic colnb'il tic, atn eb' chi 'oj scha sq'uinl 'a jun 'ejmn̈ej.

Mt 10:25

Toto lajn tz'aj 'el'ch junc cuywum yet' scuymal, smoj ton tzalji. 'Ixta pax junc moso yet' spatron̈. An tic, 'icha 'ajn̈a in, ax xo tic, 'icha 'unnab'il ex. 'Ay eb' tzalni to Beelzebú in, yajl waj 'a eb' demonio yaln eb'. Ocxom wal 'ayx ax tic, yel xo wal tu 'oj yal eb' 'ayex.

A Tas Sc'ulejnac Eb' Schecab' Jesús Hechos 9:16

An 'oj in ch'ox 'a 'a, to yowlal 'oj yab' syal wu'uj, xchi Cajlil.

Salmos 44:22

Palta oj wali, yuj cha, junjn c'u 'ijn tzon̈ smil cham eb' on̈, 'icha no calnelu tz'ijx 'at chamoc, 'ixta tzon̈ yutj eb' on̈.

Mr 13:9

Palta ax tic, caw lista tzeyutj e b'a, yujto 'oj eyajx 'och 'a yol sc'ab' eb' yajal. 'Oj e ma'x 'a yol capiya. 'Oj ex yi't eb' 'a yojltac ewin yajal, yet' 'a yojltac ewin rey, yujto 'aych e nab'en 'ayin. 'Ixta 'oj eyaji, sec 'oj stac' eyaln 'el wab'xil 'a ewinac.

Mt 27:39

Ax eb' xlaj 'ec' ta', xb'uchwj eb', xlaj pax ch'umnjoc eb' 'a 'a,

Mr 4:17

palta may ste'nal eb', 'icha junc te may sch'an̈l yib'. Caw matz b'ey tiempo yuj eb', yujto a yic tzjaw junc yailal, mto tz'ajx 'och 'a yib'n̈ eb' yuj spaxti Dios, yajn̈ej tzjuw 'el snab'en eb'.

Mt 10:18

'Oj ex yi't pax eb' 'a yojltac eb' niwc yajal wu'uj. 'Ixta 'oj eyaji, sec 'oj stac' eyaln 'el wab'xil 'a eb' yajl cha, yet' 'a eb' man̈ israeloc.

Jn 9:28

Yic 'ix yab'n ewin jun tzo'n̈ tic, caw xb'uchwj ewin 'a winac. 'Ix yaln ewin 'ixtic: —Ach tic, scuywum ach ton jun winc cha. Aln̈ tic on̈, scuywum on̈ Moisés on̈.

Salmos 35:11

Ax eb' testigo 'a'm 'es, a tas man̈ wojcoc, a xlaj ya'ch eb' 'a wib'an̈.

Is 25:8

'Oj satl Jehová chaml 'a jun 'ejmn̈ej, ax sucn 'el yal sat smasnil eb' 'anma'. 'Oj satl pax sq'uixwel eb' schon̈b' 'a smasnil yolyib'n̈q'uinl tic, yujto 'ixta yaj yaln cani.

Is 51:7

A mach 'ojtnac tojlal, ex to tzeya'ch in checnb'il 'a e nab'en, 'ab'tec tas 'oj wala': Man̈ ex xiw yuj sb'uchwal paxti eb' 'anma', man̈ eyac' chab'c'ojlal yuj tas ya tzyal eb' 'ayex.

Jeremías 37:14

—Ma'ay, may in tzin 'och yet' eb' 'aj Babilonia cha, xin chi. Palta ma'ix schaj win Irías chi yab'i'. A yico', to in yij 'at 'a sat ewin yajal.

A Scarta San Pablo D'a Eb' Aj Filipos 1:29

Yuj swach'c'ojlal Cristo sch'ox 'ayn̈ec, man̈ cojnoc on̈ec 'ay caln quic ca'nec 'och qui c'ojl 'a 'a, palta 'ay calnec pax quic cab'n syal yu'uj.