Mt 5:10 - Chuj San Sebastian Bible

¹⁰ A eb' tz'ab'n syail, yujto tojl tzyutj eb' sb'eyb'al, caw wach' yic eb', yujto 'ayx 'och eb' 'a yol sc'ab' jun 'aj satcha'an̈.

Chuj San Mateo Bible

¹⁰ A eb' tz'ab'an syail yujto vach' syutej sb'a eb', te vach' yic eb', yujto ayoch eb' d'a yol sc'ab' Dios aj satchaan̈.

Mt 5:10 Referans Kwoze

Santiago 1:12

Toto tzca'c techjoc, yic tzon̈ 'ajxec prowal, caw wach' quiquec. Yujto a yic tox xlajw cajxec prowal, 'oj qui chac spac, atn qui q'uinlec 'a jun 'ejmn̈ej. Ya'jnac can Dios sti', chajtlto 'oj yac' jun tic 'a jantcn̈ej eb' 'ay schamc'ojlal 'a 'a.

2 Co 4:17

A jun tzo'n̈ tas tzjaw 'a quib'n̈ on̈, may jac yel'ch 'a qui sat on̈, 'e'lb'an̈j yeq'ui. Palta yu'uj, 'oj qui cha jun caw niwn yel'ch on̈. A jun cha, man̈ jantcoc swach'il, 'ayc'n̈ej 'a jun 'ejmn̈ej.

Mt 5:3

A eb' tznachj 'el yu'uj, to man̈ wach'c eb' 'a sat Dios, caw wach' yic eb', yujto 'ayx 'och eb' 'a yol sc'ab' jun 'aj satcha'an̈.

Lc 6:22

Wuj an 'Ochnc in 'Anmal tic, 'oj chichnc 'och eb' 'anma 'ayex, 'oj ex spech 'elt eb' 'a scal, 'oj ex sb'uch pax eb'. Caw maysch'olnil 'oj yal eb' 'a e patc wu'uj. Palta 'a yic 'ixta 'oj ex yutc eb', caw wach' eyico'.

2 Ti 2:12

Toto tzca' techjoc syal yet'oc, 'oj coch yajlil yet'oc. Toto 'ayn̈ tzcala, to man̈ on̈ yico'oc, ax yaln paxi, to man̈ on̈ yico'oc jun xo.

A Scarta San Pablo D'a Eb' Aj Filipos 1:28

Caw man̈ ex xiw 'a eb' tzchichn 'och 'ayn̈ec. 'Ixta 'oj eyutc e ch'oxn 'eli, to 'oj satcn 'el eb' 'a jun 'ejmn̈ej. An̈jtona', 'ixta 'oj 'aj scheclj 'eli, to 'ayx qui colnb'ilec, yujto 'ixta 'oj yutc Dios sch'oxni.

Lc 21:12

Palta a yic mantzac jaw jun tzo'n̈ cha, 'ay eb' 'oj eyamni, ax ya'n eb' stul 'ayex. 'Oj ex yi't eb' ex sb'eyc'ojloc 'a scapiya, ax ex ya'n 'och eb' 'a preso. 'Oj ex yi't eb' 'a yojltac ewin rey, yet' 'a ewin gobernador, yujto 'aych e nab'en 'ayin.

Jn 15:20

Caw tze na cot jun paxti 'ix wal 'ayx tic: May junc moso 'ec'b'al yel'ch 'a yib'n̈ spatron̈, xin chi 'ayex. 'Icha tzya'ch eb' yailal 'a wib'an̈, 'ixta 'oj yutc eb' ya'n 'och 'a eyib'n̈ jun xo. Toto 'ix syiclj eb' in paxti an tic, 'oj syiclc pax eb' eyic jun xo.

Apoc 2:10

Man̈ ex xiw yuj jun tzo'n̈ yailal 'oj jawc 'a eyib'an̈. 'Ayx 'oj eyajx 'och 'a preso yuj win diablo. 'Ixta 'oj ex yutc win ex ya'n prowal. Lajn̈e c'u 'oj eyab' syail. Palta yiclumn̈ej tzeyutj e b'a, masnto 'oj e chami. Toto 'ixta 'oj eyutc e b'a, 'oj wac' spac 'ayex, atn e q'uinl 'a jun 'ejmn̈ej.

2 Ti 3:11

An̈jtona', lajn pax a te'nal wet' 'a scal jun tzo'n̈ tas tz'ajx 'och 'a wib'an̈, yet' jun tzo'n̈ xo tas tzwab' syail. 'In ojc xo, caw in 'ixtxi, yic wec' 'a chon̈b' Antioquía, 'a Iconio, yet' 'a Listra. Til wal wab'jnac syal 'a jun tzo'n̈ chon̈b' cha, palta a Cajlil, a coljnacn can 'el 'a yol sc'ab' smasnil.

Mt 25:34

An Rey in tic, 'oj wal 'ixtc 'a eb' 'ayc' 'a in wach' c'ab': Ax tic, ya'jnac in Mam swach'c'ojlal 'ayex, 'ochn̈ec wet' 'a 'aj tzwac' Yajlil, yictax sb'on Dios yolyib'n̈q'uinl tic, sb'on can jun tic eyico'oc.

Salmos 37:12

A eb' tzb'on maysch'olnil, tzna eb' tas tzyutj yixtn eb' 'anma to wach' snab'en, tzjuch'ch'i ye eb' yiln can 'at yet' schichnc'ojlal.

Mr 10:30

caw niwn spac 'oj scha'. 'Oj 'ajxoc junc ciente yatut, yu'tac, yanab', snun, yunnal, yet' slum 'a jun tiempoal tic. 'Oj yab' ton eb' syal yuj eb' 'anma', palta ax 'a yic jun tiempoal 'oj jawoc, 'oj scha eb' sq'uinl 'a jun 'ejmn̈ej.

Lc 6:20

Ax Jesús, 'ix 'ec' q'uel-loc 'a eb' scuywum, 'ix yaln 'a eb' 'ixtic: —Ax meb'a ex, caw wach' eyico', yujto 'ayx 'och 'a yol sc'ab' Dios.

Mt 10:23

A yic tzya'n eb' stul 'ayx 'a junc chon̈b' 'aj 'ayx 'eq'ui, tzex 'at 'elc 'a junc xo chon̈ab'. Wal yel tzwal 'ayex, a yic mantzac ex lajw 'ec' 'a smasnil jun tzo'n̈ schon̈b' eb' quit israelal, ax in japx an 'Ochnc in 'Anmal tic.

1 Jn 3:12

Yuj cha, matz tac' lajn tzcutjec qui b'a 'icha yutjnac sb'a win Caín. A win cha, yic win diablo winac. Yuj cha, smiln cham win jun yu'tac. 'Ixta yutjnac sb'a winac, yujto tojl snab'en jun yu'tac cha. Ax winac, man̈ tojloc snab'en.

A Tas Sc'ulejnac Eb' Schecab' Jesús Hechos 8:1

A Saulo, caw locn yet' eb' xmiln cham Esteban. Atn wal 'a jun c'u cha, 'ix 'el yich yajx 'och jun niwn yailal 'a yib'n̈ eb' creyente 'aj Jerusalén cha. Yuj cha, 'ix laj yi'nc 'el sb'a eb'. 'Ix laj 'at eb' 'a jun tzo'n̈ xo chon̈b' 'a yol yic Judea cha, yet' 'a Samaria. Cojxnn̈ej eb' schecb' Jesús 'ix can 'a Jerusalén cha.

A Tas Sc'ulejnac Eb' Schecab' Jesús Hechos 5:40

'Ix schaj sc'ojl ewin yajl chi tas 'ix yal win Gamaliel cha. Xlajw cha, x'awtx pax 'och eb' schecb' Jesús jun 'ejm xo. 'Ix ma'x eb'. 'Ix alx 'a eb', to man̈xtzac yal-l eb' yab'xil Jesús. Xlajwn̈ej cha, 'ix 'ajx can pax 'elt eb' 'a libre.

Is 66:5

'Ab'tec wal spaxti Jehová, ex to tze chaj eyab' tas tzyala, a tzaln 'ixtc 'ayex: 'Ay jun tzo'n̈ eb' eyit chon̈b' tzchichn 'och 'ayex, tzex spech b'eyc'oc eb', yujto a 'ayn tzeyal e b'a; yuj cha, tzlaj yaln eb' 'ixtic: Sch'ox cab' Jehová chi stzictznil quilnoc, tzqui nib'j tzquila tas tzex 'aj e tzalji, xchi eb' 'ayex. Palta a eb' cha, 'oj q'uixwoc can 'el eb', xchi.

Mt 19:14

Yuj cha, xyaln Jesús 'a eb' scuywum chi 'ixtic: —Chajec cot eb' 'unn 'ayin. Man̈ e tench wan eb'. Yujto cojn eb' lajn snab'en 'icha eb' 'unn tic, an̈j eb' 'ay yaln yic yoch 'a yol sc'ab' Dios 'aj satcha'an̈, xchi 'a eb'.

Mr 10:14

Yic xyiln Jesús jun cha, 'ix cot yowl 'a eb', 'ix yaln 'ixtic: —Chajec cot eb' 'unn 'ayin, man̈ e tench wan eb', yujto cojn eb' lajn snab'en 'icha eb' 'unn tic, cojn eb' 'ay yaln yic yoch 'a yol sc'ab' Dios.

Lc 22:29

Yuj cha, 'oj ex wa'ch yajlil, 'icha in 'aj woch yajlil yuj qui Mam Dios.

Santiago 5:11

Cojtac, a eb' ya'jnac techjoc, caw tzaljc'ojlal yaj eb' ticnec. 'Ay 'aj xeyab' yab'xil win Job. Caw te'n yutjnac sb'a yab'n syailal. Eyojtac, chajtl yutjnac pax Cajlil win 'a slajub'. Yujto a Cajlilec, caw tz'o'ch sc'ojl 'ayn̈ec. Caw tz'och pitz'n cusc'ojlal 'a cujec.