Mt 4:5 - Chuj San Sebastian Bible

⁵ Xlajw cha, x'ijx 'at yuj win 'a jun chon̈b' yicn̈ej Dios yaji, atn Jerusalén. 'Ix yi'n q'ue win 'a schon yatut Dios.

Chuj San Mateo Bible

⁵ Ix lajvi chi', ix ic'jib'at yuj vin̈ diablo chi' d'a jun chon̈ab' yicn̈ej Dios yaji, aton Jerusalén. Ix yic'anq'ue Jesús chi' vin̈ d'a schon stemplo Dios.

Mt 4:5 Referans Kwoze

Lc 4:9

Xlajw cha, x'ijx pax 'at yuj win diablo chi 'a Jerusalén, 'ix yi'n q'ue win 'a schon yatut Dios, 'ix yaln win 'ixtc 'a 'a: —'In Yunnal ach Dios, yuj cha, jul 'ejm a b'a 'a sat lum cha,

Apoc 11:2

Ax yamq'uil sti', man̈ echtoc. Yujto a jun cha, 'ac'b'ilx 'a eb' man̈ israeloc. A eb' cha, 42 'ujl 'oj stec' 'ejm eb' jun chon̈b' yic Dios cha.

Mt 27:53

At 'a yic tox 'ix pitzw pax Jesús, atta x'elt eb' 'a jun tzon̈ q'uen 'aj 'aycn 'och cha, 'ix c'och eb' 'a yol chon̈b' Jerusalén, til wal 'anma xlaj 'iln eb'.

Is 48:2

Tzeyala to cob' 'aj chon̈b' ex 'a in chon̈ab', tzin eya'n 'och cob' yipc e c'ojl eyalni. An e Diosal in tic, Jehová in b'i, tztac' wuj smasnil.

Jn 19:11

Yuj cha, 'ix yaln Jesús 'ixtc 'a winac: —Yujto a Dios 'a'jnac opiso tic, toto ma'ay, may xon jac aln ec 'ayin. Yuj cha, a jun in 'a'n 'och 'a yol a c'ab', a 'ec'b'al smul 'a eb'an̈, xchi Jesús 'a winac.

Dn 9:24

'Oj 'ec' 70 seman 'a yib'n eb' et israelal, yet' 'a yib'n̈ jun a chon̈b' to yicn̈ej Dios yaji, masnto 'oj lajwc 'ec' tenmtaquil yet' maysch'olnilal, ax yajx lajwc smasnil mul. Atta 'oj jawc jun tojl b'eyb'al 'a jun 'ejmn̈ej. A yic cha, 'oj 'el'choc tas 'ilb'il yuj eb' schecb' Dios 'a waychil, yet' tas alb'il can yuj eb'. 'Ixta to b'i'an, ax yajx 'och yopiso jun sic'b'il 'el yuj Dios.

Dn 9:16

Mamin, cojc wal si'mb'il on̈, to tza b'on̈j tas tzala. Yuj cha, 'el cab' wal 'a a c'ojol, to tzej 'el yailal yet' yowl a c'ojl 'aych 'a yib'n̈ chon̈b' Jerusalén, yujto a chon̈b' yaji, ecn̈ej yaj lum tzaln Sión. Smasnil nacion̈ 'ay 'a stz'ey, caw tzb'uchwj eb' 'a jun chon̈b' tic. Yuj wal qui mul on̈, yet' yuj smul eb' qui mam quichm on̈, 'ixta tz'aji.

Is 52:1

Ex 'aj Sión mto Jerusalén, pitzc 'el 'a e sat, te'wtzejc e b'a, 'a'c eyip, yujto schon̈b' ex Dios. Ch'oxc 'el e jelnal 'ac'b'il 'ayx yu'uj, sec man̈x 'a b'a'n̈ 'oj 'oxtoc eb' chuc chon̈b'al 'a e cal, yic tzex yi'n can 'ejm eb'.

Nehemías 11:18

A sb'isl eb' levita xcan cajn 'a schon̈b' Dios, 'ay 284 eb' 'a smasnil.

Nehemías 11:1

A eb' yajl 'a jun nacion̈ tic, 'ix can cajn eb' 'a Jerusalén; ax jaywn̈ xo eb' chon̈ab', xya'ch eb' suerte, sec wach' a junc n̈al 'a junjn lajn̈e n̈ail, tz'at cajn 'a Jerusalén, atn jun chon̈b' yic Dios yaji. Ax junx b'aln̈e n̈ail, tzcancn 'a jun tzo'n̈ xo chon̈b' 'a b'esan.

2 Cr 3:4

Ax pax scoredoral, b'aln̈e metro spac'b'il, lajn x'aj slewnal sat yet'oc, b'aln̈e metro x'aj pax ste'il. Ax 'a sat 'och scoredoral cha, ata 'ix yac' 'ajxoc 'och oro caw wal wach' 'a 'a.