Mt 4:25 - Chuj San Sebastian Bible

²⁵ Til wal eb' 'aj Galilea 'ix laj 'och tza'n yu'uj, yet' eb' 'aj Decápolis, eb' 'aj Jerusalén, eb' 'aj Judea, yet' pax eb' 'a sc'axpil 'ec' a Jordán.

Chuj San Mateo Bible

²⁵ Jantac eb' aj Galilea chi', ix laj och tzac'an eb' yuuj. An̈ejtona', ay eb' d'a juntzan̈ chon̈ab' d'a yol yic Decápolis, d'a Jerusalén, d'a Judea yed' pax d'a sc'axepalec' a' nivan Jordán, ix laj och pax tzac'an eb' yuuj.

Mt 4:25 Referans Kwoze

Lc 6:17

Xlajw cha, 'ix 'em paxt Jesús 'a jun tzaln chi yet' eb' scuywum cha. 'Ix 'och wan eb' 'a jun pan̈n 'a'lic. Til wal 'anma xjaw 'a eb' ta'. 'Ix laj cot eb' 'a smasnil yol yic Judea, yet' 'a chon̈b' Jerusalén. 'Ay pax eb' xlaj cot 'a sti a mar, atn 'a Tiro yet' 'a Sidón. Xwulc' eb' 'ab'xnoc 'a Jesús, yic tzb'ox can sc'ojl eb' yu'uj.

Mr 5:20

Yuj cha, x'at winac, 'ix 'ec' win 'a jun tzo'n̈ chon̈b' 'a yol yic Decápolis, c'uxn 'ix yal-l win jantc tas sb'o Jesús 'a winac, yuj cha, caw 'ix sat sc'ojl eb' 'anma chi smasnil yuj winac.

Mr 7:31

Yic 'ix 'atx Jesús 'a yol yic Tiro 'aj 'ayc' cha, 'ix 'ec' 'a chon̈b' Sidón, yet' 'a jun tzo'n̈ chon̈b' 'ay 'a Decápolis. Xlajw cha, xjapx 'a sti a mar yic Galilea.

Lc 6:19

C'uxn tznib'j eb' 'ec' stzaych sc'ab' 'a Jesús cha, yujto tzlaj b'ox can sc'ojl eb' smasnil yuj spoder.

Mr 6:2

Ax 'a yic sc'ul 'iljelal, 'ix syamn 'och scuywj 'a yol capiya. Til wal eb' x'ab'xni 'a 'a, palta ton̈j 'ix sat sc'ojl eb' yu'uj, 'ix laj yalnc eb' 'ixtic: —A jun winc tic, ¿'ajm 'ix scuy jun tzo'n̈ tic? ¿'Aj 'ix yij win jun sjelnal tic? ¿Tas wal tzyutj win sb'on jun tzo'n̈ milagro tic?

Mt 19:2

Caw niwn 'anma x'och tza'n yu'uj. Xya'n can b'oxc sc'ojl eb' ya'ay ta'.

Mt 12:15

A yic xyojcan 'el Jesús tas tznib'j ewin xyutej, 'ix yi'n 'el sb'a ta'. Til wal 'anma x'at yet'oc. Jantcn̈ej eb' ya'ay, c'uxn xb'ox can sc'ojl eb' yu'uj.

Mt 8:1

Ax yic 'ix 'em paxt Jesús 'a jun tzaln cha, til wal 'anma x'och tza'n yu'uj.

Mt 5:1

Yic 'ix yiln Jesús eb' 'anma', 'ix 'at 'a jun tzalan, 'ix 'em wocn ta'. Ax eb' scuywum, 'ix c'och eb' 'a 'a.

Mt 4:15

A slugar Zabulón yet' yic Neftalí, a 'a sti a mar 'ay, 'a sc'axpil 'ec' a niwn a Jordán. Ata 'ay jun chon̈b' Galilea sb'i, 'ajtil cajn eb' man̈ israeloc.