Mt 28:10 - Chuj San Sebastian Bible

¹⁰ 'Ix yaln 'a eb' 'ixtic: —Man̈ ex xiwoc, 'ixquec 'at alc 'a eb' wu'tac yet' 'a eb' wanab', to tz'at eb' 'a Galilea, yujto atta 'oj in yil eb', xchi 'a eb' 'ix.

Chuj San Mateo Bible

¹⁰ Ix yalan d'a eb' ix: —Man̈ ex xivoc. Ixiquec, b'at alec d'a eb' in c'ayb'um to sb'at eb' d'a Galilea, yujto ata' ol in yil eb', xchi d'a eb' ix.

Mt 28:10 Referans Kwoze

Ro 8:29

Yictax pecti', yojc xon Dios to yic on̈ec. At xo ta si'jnacn̈ec can 'eli, sec wach' caw lajn tzon̈ 'ajc yet' Yunnal. 'Ixta 'on̈ yutjec Dios, sec wach' ax Yunnal, a tz'och qui b'ab'l 'u'tacoquec qui masnil.

Jn 20:17

—Man̈ in a yama', yujto mantzac in pax q'ue 'a 'aj 'ay in Mam. Palta 'ixic, 'at al 'a eb' wu'tac, yet' 'a eb' wanb' smasnil, chajtlto 'oj in pax q'ue 'a 'aj 'ay in Mam. A in Mam cha, e Mam pax wet'oc. A in Diosal, e Diosal pax wet'oc, xchi Jesús 'a 'ix.

Mt 28:7

'Ixquec, 'at alc mu'c 'a eb' scuywum, chajtlto xpitzw pax 'a scal eb' chamnac. 'Oj b'ab'l c'och 'ayx 'a Galilea, ata 'oj eyila'. Atn jun tzo'n̈ tic tzwul wal 'ayex, xchi jun ángel chi 'a eb' 'ix.

Mr 16:7

'Ixquec, 'at alc 'a Pedro yet' 'a jun tzo'n̈ xo eb' scuywum Jesús, chajtlto 'oj b'ab'l c'och eyuj 'a Galilea. Ata 'oj eyila', 'icha yaj yaln can 'ayex, xchi 'a eb'.

Mt 28:5

Ax jun ángel cha, 'ix yaln 'ixtc 'a eb' 'ix 'ix cha: —Man̈ ex xiwoc, wojtac wan e sayn 'ec' Jesús, atn jun x'ajx 'och 'a spenc culus.

Mt 14:27

—Te'n tzeyutj e b'a. An Jesús in. Man̈ ex xiwoc, xchi 'a eb'.

Jn 6:20

Palta xyaln 'a eb' 'ixtic: —An Jesús in. Man̈ ex xiwoc, xchi 'a eb'.

Mt 25:45

Palta 'oj wal 'ixtc 'a eb': Wal yel tzwal 'ayex, a yic ma'ex colwj 'a jun tzo'n̈ eb' tic, wach'xam may yel'ch eb', tzyal 'el'chi, a 'ayn ma'ex colwji, 'oj in chic 'a eb'.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Jueces 10:16

'Ix laj sma'nc poj eb' sdiosal eb' chuc chon̈b'al cha, 'ix yaln sb'a eb' 'a Jehová. Yuj cha, ma'ix techj yu'uj, 'ix cus yiln 'och syailal eb'.

Mt 26:32

Palta ax yic 'oj in pitzw paxi, 'oj in b'ab'l c'och eyuj 'a Galilea, xchi 'a eb'.

Mt 28:9

Ax yic wanto sb'ey eb', 'ix ch'oxn sb'a Jesús 'a eb', 'ix sc'anb'n sc'ojl eb'. Yuj cha, xwach' c'och eb' 'a stz'ey, 'ix ya'n 'ejm sb'a eb' 'a 'a, 'ix syamn eb' yoc.

Mt 28:16

Ax eb' scuywum Jesús yuxlchwan̈il, 'ix 'at eb' 'a Galilea, atta xc'och eb' 'a jun tzaln 'aj yaljnac can 'a eb'.