Mt 27:52 - Chuj San Sebastian Bible

⁵² A eb' q'uen q'uen olb'il 'aj 'aych eb' chamnac, 'ay q'uen xlaj jacwi. Ax eb' creyente chamnc xo, niwn eb' xpitzw pax yet' sniwnal.

Chuj San Mateo Bible

⁵² Axo juntzan̈xo q'uen joyb'ilel yool b'aj ayoch eb' chamnac, ay q'uen ix laj jacvi. Axo juntzan̈ eb' yicxo Dios chamnacxo, tzijtum eb' ix pitzvixi yed' snivanil.

Mt 27:52 Referans Kwoze

Is 26:19

Palta ax eb' chamnac, eb' to ec yaji, 'oj pitzwc pax eb'. A eb' 'icha ton̈j waynac, 'oj 'el swayn̈ eb' cha, ax sq'ue 'awjoc eb' 'a tzaljc'ojlal. 'Icha wal tz'aj sq'uel junc 'awb'en yuj chicb'chan̈ tz'ejm 'a yib'an̈, 'ixta wal 'oj otc a'n cot a sacq'uinlal 'a yib'n̈ eb' chamnac, yic 'oj q'uex wan eb' 'a 'aj mucan.

1 Ts 4:14

An̈ec xo tic, tzca'c 'och 'a qui c'ojol, chajtlto a Jesús 'ix chami, 'ix pitzw paxi. 'Ixta 'oj 'aj pax eb' creyente chamnc xo. A Dios 'oj 'a'nc pax cot eb' yet' Jesús.

1 Co 15:20

Palta wal yel, pitzwnac Cristo 'a scal eb' chamnac. 'Icha junc b'ab'l 'ajn tz'el-li, 'ixta b'ab'l pitzwnac 'ayn̈ec, sec tzch'oxo, to 'oj qui pitzwec pax jun xo.

Dn 12:2

Til wal eb' chamnc xo 'oj pitzwc paxi. 'Ay eb' 'oj scha sq'uinl 'a jun 'ejmn̈ej. 'Ay pax jun tzo'n̈ xo eb' jun, 'oj 'atcn eb' 'a q'uixwc'ojlal 'a scal yailal 'a jun 'ejmn̈ej.

Is 25:8

'Oj satl Jehová chaml 'a jun 'ejmn̈ej, ax sucn 'el yal sat smasnil eb' 'anma'. 'Oj satl pax sq'uixwel eb' schon̈b' 'a smasnil yolyib'n̈q'uinl tic, yujto 'ixta yaj yaln cani.

1 Ts 5:10

A Cristo 'ix cham qui jelquec. Yuj cha, toxn̈ej pitzn on̈ec, toxn̈ej chamnc on̈ xo, ax sjawi, palta junn̈j 'oj cajc yet' qui masnil.

1 Co 15:51

Palta 'ay jun tas mant 'a mach 'ojtnac xoni. Tzin nib'j tzeyojquej 'el ticnec. An̈ creyente on̈ec tic, man̈ qui masnilc 'oj qui chami. Palta qui masnilec 'oj jelmjoc qui niwnalec tic.

Os 13:14

¿Tom 'oj ex in colcn 'el 'a yol sc'ab' yet'l chamel? Ma'ay. An 'oj ex wac' xiw 'a chaml cha, ax e satx 'el yu'uj. Man̈x 'oj 'o'ch pax in c'ojl 'ayx ex 'aj Efraín.

1 Co 11:30

Yuj wal jun tzo'n̈ tic, til wal eb' ya'ay, til wal eb' tz'on 'a e cal, 'ay pax eb' chamnc xo.

A Tas Sc'ulejnac Eb' Schecab' Jesús Hechos 7:60

Xlajwn̈ej cha, 'ix 'em cuman. Caw 'ip xq'ue yaw sleslwi: —Mamin, man̈ a'cn 'och jun smul eb' tic 'a yib'an̈, xchi. Xlajw xoj yaln jun cha, 'ix cham yuj eb'.

A Ch'an̈ Schab'il Libro Yic Yab'ixal Eb' Rey 13:21

A yic jun 'el, 'ix 'at jun tzo'n̈ eb' israel smuc jun chamnc 'anma'. A yic wan sc'och eb' yet' 'aj tzmucx cha, 'ix yiln eb' sjaw nan̈l eb' moabita 'elc'al, yuj cha, toxn̈ej 'ix sb'al 'a'j 'och eb' jun chamnc chi 'aj mucn Eliseo, xlajw cha, 'ix 'at eb'. A yic 'ix c'och tennjoc jun chamnc chi 'a sb'acl Eliseo, 'ix pitzw pax jun cha, 'ix q'ue lin̈njoc.

Jn 11:11

Xlajw yaln jun tic, 'ix yaln 'ixtc pax yuj Lázaro: —A jun qui wach'c'ojlec cha, to tzwayi, palta 'oj 'at in pitzl swayn̈ cha, xchi 'a eb'.