Mt 27:46 - Chuj San Sebastian Bible

⁴⁶ Xlajwn̈ej cha, caw 'ip x'awj chan̈ Jesús, xyaln 'ixtic: —Eloí, Eloí, ¿lama sabactani? xchi. Tzyal 'el'chi: Ach in Diosal, ach in Diosal, ¿tas yuj tzin actj can in ch'ocoj? xchi.

Chuj San Mateo Bible

⁴⁶ Ix lajvi chi', ix avajq'ue Jesús chi': —Elí, Elí, ¿lama sabactani? xchi. Syalelc'ochi: Ach in Diosal, ach in Diosal, ¿tas yuj tzin actejcan in ch'ocoj? xchi.

Mt 27:46 Referans Kwoze

Salmos 22:1

Ach in Diosal, ach in Diosal, ¿tas yuj tzin actj can in ch'ocoj? ¿Tas yuj matz in a colo yic tz'el waw yuj in yailal?

A Ch'an̈ Carta D'a Eb' Hebreo 5:7

A yic yec' Cristo 'a yolyib'n̈q'uinl tic, leslwnac, sc'ann tas 'a Dios. Caw 'ip leslwnac, caw wal 'o'nac. Ax Dios a 'ay spoder scoln 'el 'a yol sc'ab' chamel. Yab'jnac Dios slesl Cristo, yujto 'emmquilal yutjnac sb'a 'a 'a.

Is 53:10

A Jehová a 'ix 'a'n yab' syail, 'icha wal yaj snani. 'Ix ya'n sb'a xajmb'al-l 'a yol sc'ab' chamel, sec tz'ajx lajwc smul smasnil 'anma yu'uj. Yuj cha, pitzn 'a jun 'ejmn̈ej. A jun cha, til wal 'oj 'aj yin̈til, ax ya'n 'el'choc Jehová tas nab'il yuj 'a yib'an̈.

Mr 15:34

Xlajwn̈ej cha, caw 'ip 'ix 'awj chan̈ Jesús: Eloí, Eloí, ¿lama sabactani?, xchi. Tzyal 'el'chi: Ach in Diosal, ach in Diosal, ¿tas yuj tzin actj can in ch'ocoj? xchi.

Salmos 71:11

Tzyaln eb' 'ixtic: Qui pechc b'eyc'oc, tzqui yamnec coti, man̈x 'ayc 'och Dios yet'oc, man̈x 'a mach tztac' scolni, xchi eb'.

Lc 23:46

Ax Jesús, caw 'ip 'ix 'awj cha'an̈, xyaln 'ixtic: —Mamin, tic tzwac' 'ab'enal in pixn 'a yol a c'ab', xchi 'a Dios. Xlajwn̈ej yaln jun cha, 'ix chami.

Lm 1:12

Ex 'anma tzex laj b'ey 'a b'e, 'ochn̈ec wan lin̈an, tze nan jab'oc, ¿tom 'ay eyailal 'icha quic tic on̈? Yujto an̈ tic on̈, yel xo wal niwn tzcab' syal on̈. A Jehová a tz'a'n cot jun yailal tic 'a quib'n̈ yuj yowl sc'ojol.

Mt 27:47

'Ay jaywn̈ eb' 'ayc' ta', yic 'ix yab'n eb' jun xyal cha, xyaln eb' 'ixtic: —A 'a win Elías win schecb' Dios, ata tz'awji, xchi eb'.