Mt 27:27 - Chuj San Sebastian Bible

²⁷ Ax ewin soldado win gobernador cha, 'ix yi'n 'at ewin Jesús 'a scuartel ewinac, atn jun tzcuch Pretorio, ata xyac' ewin syam sb'a jun tzo'n̈ xo ewin soldado smasnil.

Chuj San Mateo Bible

²⁷ Axo eb' vin̈ soldado yic vin̈ yajal chi', ix yic'anb'at Jesús eb' d'a spat vin̈. Ata' ix yavtejcot eb' soldado eb' masanil.

Mt 27:27 Referans Kwoze

Jn 18:33

Ax win Pilato cha, 'ix 'ochx can win 'a yol sdespacho cha. Ata 'ix yawtj 'och win Jesús, 'ix sc'anb'n win 'a 'ixtic: —¿Tom ach tic, sReyl ach eb' israel? xchi winac.

Jn 18:28

Ax yic sacb'i, 'ix yi'n 'elt ewin Jesús 'a yol yatut win Caifás. Xyi'n 'at ewin 'a 'aj 'ay sdespacho win yajal. A sley eb' 'aj Judea cha, matz tac' yoch eb' 'a yol sdespacho win cha. Tzna eb', toq'ue tzjuw 'el eb' 'a sat Dios. Toq'ue man̈xtzac stac' swa eb' 'a jun yemc'ul yic q'uin̈ cha.

A Tas Sc'ulejnac Eb' Schecab' Jesús Hechos 10:1

'Ay jun winc 'a chon̈b' Cesarea, Cornelio sb'i. A jun cha, syajlil jun tzo'n̈ eb' soldado tzcuch 'aj Italia.

A Tas Sc'ulejnac Eb' Schecab' Jesús Hechos 23:35

Yuj cha, xyaln win 'ixtc 'a 'a: —Jaw cab' ewin tzach 'a'n queja chi b'el, 'ixta to b'i'an, ax wab'ni tas a mul, xchi win 'a 'a. Xlajw cha, xya'n win tan̈wxoc 'a yol yatut win rey Herodes, 'aj tzyac' win yajlil.

A Tas Sc'ulejnac Eb' Schecab' Jesús Hechos 27:1

'Ix smol alj ewin yajl cha, to tz'at Pablo 'a Italia 'a chon̈b' Roma. Yuj cha, xya'n 'och ewin Pablo yet' jaywn̈ xo eb' yit presoal 'a yol sc'ab' jun win capitan̈ Julio sb'i. A win cha, yitb'eym jun macn̈ eb' soldado yic win Augusto.

Jn 18:3

Yuj cha, 'ix c'och win ta'. Yet' win nan̈l eb' soldado. 'Ay pax nan̈l ewin stan̈mal yatut Dios, 'ix checx 'at yuj ewin sat ya'mal 'och sti eb' israel 'a Dios. Locn pax ewin fariseo 'ix checn 'at ewinac. A eb' xc'och cha, tzicb'il staj eb', yet' eb' scantil. Yet' pax eb' syamc'ab' yic owal xc'och eb'.

Mt 26:3

Ax eb' sat ya'mal 'och sti eb' 'anma 'a Dios, yet' eb' cuywjum 'a ley yic Moisés, yet' eb' 'ichmtac winac, syam sb'a eb' 'a yamq'uil yatut win Caifás. A win cha, sat ya'mal 'och sti eb' 'anma 'a Dios.