Mt 26:70 - Chuj San Sebastian Bible

⁷⁰ Palta 'ix yij 'el 'a yib'an̈, 'ix slocn sb'i Dios: A jun tzal 'ayn tic, man̈ wojcoc xoni, xchi 'a 'ix.

Chuj San Mateo Bible

⁷⁰ Palta ix yiq'uel vin̈ d'a yib'an̈ d'a yichan̈ eb' smasanil: —A jun tzal tic, man̈ vojtacoclaj, xchi vin̈ d'a ix.

Mt 26:70 Referans Kwoze

1 Co 10:12

Yuj cha, a mach tznani to caw tec'an, yowlal tzyac' cuenta sb'a, yujto 'ay smay tzjuw 'eli.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.

Ro 11:20

Yel toni, 'icha to tzuc'b'il 'el eb' israel cha, yujto ma'ix ya'ch eb' sc'ojl 'a Dios. Ax xo, yujn̈ej to tzeya'ch e c'ojl 'a 'a, ex 'ochcn sjelc eb'. Yuj cha, xe b'an̈t e b'a, tzeyil wal e b'a.

Mt 26:58

Ax Pedro, najt tza'n s'at yu'uj, 'ix 'ochch 'a yamq'uil yatut win sat yaj 'a ewin cha. 'Ix 'em wocn yet' eb' policía, sec tzyila tas wal tz'aji.

Mt 26:56

Palta 'ixtn tic tz'aji, sec tz'el'ch tas tz'ib'b'il can yuj eb' schecb' Dios 'a Ch'an̈ U'un̈, xchi 'a ewinac. Ax eb' scuywum cha, xyactj can eb' sch'ocoj, 'ix 'at eb' 'elc smasnil.

Mt 26:51

Palta 'ay jun ajun yet' Jesús, 'ix stza'n q'uet smachit muc'uc, 'ix stzu'n 'el schicn jun smoso win sat ya'mal 'och sti eb' 'anma 'a Dios cha.

Jeremías 17:9

Toc 'ay junc tas yel xo tz'ixtw paxti 'icha snab'en eb' 'anma', a jun nab'en cha, may xon tz'aj sb'o'i. ¿Mach wal tztac' yojcan 'eli?

Is 57:11

¿Mach cob' jun tzo'n̈ nacion̈ chi 'aj tz'ex xiwi? Yuj cha, in eyactn cani, in eya'n sat 'a e c'ojol. An tic ton̈j sictac waji, toc 'ay tas tzwal 'ayex.

Pr 29:25

Toto 'ay mach tzxiw 'a yit 'anma'il, mun tzyij 'ejm sb'a, palta toto tzya'ch sc'ojl 'a Jehová, caw wal tan̈b'il yu'uj.

Pr 29:23

A mach tzyij chan̈ sb'a, 'oj 'ijxoc 'ejmi, ax mach 'emmquilal tzyutj sb'a, 'oj 'ijxoc cha'an̈.

Pr 28:26

A junc may snab'en, a cob' jac tas yojtac a chi tzya'ch yipc sc'ojol; palta ax junc 'ay snab'en, tzc'anb'j snab'en 'a eb' jelan, a jun cha, wach' 'oj 'el'choc.

Mt 26:69

Ax Pedro, 'ayt 'ec' 'a yamq'uil jun n̈a cha, 'ix c'och jun 'ix ya'mal servil ewin 'a 'a. —Ach tic etb'eym a b'a yet' Jesús 'aj Galilea, xchi 'ix 'a 'a.

Mt 26:71

Ax yic wan yel'ch Pedro 'a sti n̈a cha, xyiln jun 'ix 'ix yel'chi, xyaln 'ix 'a jun tzo'n̈ xo eb' 'ixtic. —Atn jun winc tic, yitb'eym sb'a yet' Jesús 'aj Galilea, xchi 'ix.

Lc 22:57

Ax Pedro, xyi'n 'el 'a yib'an̈, xyaln 'ixtic: —Ach 'ix, man̈ wojcoc jun tzal cha, xchi 'a 'ix.