Mt 26:49 - Chuj San Sebastian Bible

⁴⁹ Yuj cha, a 'a Jesús ata xc'och win muc'uc, 'ix yaln win 'ixtc 'a 'a: —Buenas noche ach in Cuymal, xchi cob' win 'a 'a. Xlajwn̈ej cha, 'ix stz'ub'n 'elt win sti'.

Chuj San Mateo Bible

⁴⁹ Yuj chi', elan̈chamel ix c'och vin̈ d'a Jesús. Ix yalan vin̈ d'ay: —Buenas noches, ach in C'ayb'umal, xchi vin̈ d'ay. Ix lajvi chi', ix stz'ub'anelta sti' vin̈.

Mt 26:49 Referans Kwoze

1 Ts 5:26

A yic tzlaj e chanc e b'a, tzlaj eya'lac stzatzl e c'ojol, yujto yic ex xo Dios.

Mt 26:25

Ax win Judas, 'oj 'a'nc 'och Jesús 'a yol sc'ab' chaml cha, 'ix yaln win 'ixtc 'a 'a: —Ach in Cuymal, ¿man̈ inoc am an tic? xchi 'a 'a. —Ach ton tic, xchi 'a winac.

Jn 19:3

Xlajw cha, 'ix laj c'och ewin 'a stz'ey, 'ix stz'acn ewin yal 'a 'ixtic: —Tzaljan̈ ach cob' sReyl eb' israel, xchi ewin 'a 'a. Spawn 'och ewin sc'ab' 'a sat.

Lc 7:45

Ma'ix a tz'ub' in ti', yic tza ch'oxn a chamc'ojlal 'ayin. Ax jun 'ix tic, yictax in jaw 'a tic, ma'ix 'och wan 'ix stz'ub'n woc tic.

Mr 15:18

Xlajw cha, 'ix laj stz'acn ewin yal 'ixtc 'a 'a: —Tzaljan̈ ach cob' Sreyl eb' israel, xchi ewinac.

Pr 27:6

A mach wach' eyaj yet'oc, tzsay tas to tz'och e wach'loc. Wach'xam tzeyab' syal yuj junc cha, palta toto a junc 'ajc'ojl tz'och la'n 'ayex, tzeyil wal e b'a 'a 'a.

A Ch'an̈ Schab'l Libro Samuel 20:9

Ax Joab 'ix smasn 'ec' swach' c'ab' 'a xil sti Amasa, yic tz'ub'n 'elt sti', xyaln 'a 'ixtic: —¿Wach' am ec wu'tac? xchi.

A Ch'an̈ B'ab'el Libro Samuel 10:1

Xlajw cha, xyi'n cot Samuel jun yet'l aceite, 'ix secn q'ue aceite chi 'a sjolm Saúl, 'ix stz'ub'n 'elt sti', xyaln 'a 'ixtic: A Jehová a tzach 'a'n 'och syajlilc qui chon̈ab'.

Gn 27:26

Xlajw cha, xyaln pax 'a win 'ixtic: —Nitz cot a b'a 'a in tz'ey ach wunnal, tzlajw cha, tza tz'ub'n 'elt in ti', xchi.

Mt 23:7

Ax yic tzlaj 'ec' eb' 'a yol caye, caw tzalj eb', yic tzlaj ya'nc 'ejm sb'a eb' 'anma 'a eb'. Caw tzalj pax eb', yic tzlaj yalnc eb' 'anma scuymalc eb'.

Mt 23:8

Palta ax xo tic, man̈ e cha yal junc mach ex scuymaloc, yujto junn̈j e Cuymal, an ton Cristo in tic. Ax tic, lajnn̈ej eyel'ch e masnil.

Mt 26:48

A win Judas cha, xyal win 'a eb' tas 'oj yutc sch'oxni, 'ix yaln win 'ixtic: —A jun 'oj in tz'ub' 'elt sti', atn jun chi tzeyama, xchi win 'a eb'.

Jn 4:31

Yic mantzac c'och eb', 'ix yaln eb' scuywum 'ixtc 'a 'a: —Mamin, wan̈ jab'oc, xchi eb'.