Mt 26:41 - Chuj San Sebastian Bible

⁴¹ Pitzc 'el e wayan̈, leslwan̈ec, sec toq'ue ma'oj eyajx prowal. A qui pixan te'n toni, palta ax qui niwnal may ste'nal, xchi 'a eb'.

Chuj San Mateo Bible

⁴¹ Aq'uec el e vayan̈. Lesalvan̈ec, yic man̈ ol ex telvoc ayic tzex montajb'at d'a chucal. A co pensar, tec'an toni, palta axo co nivanil, malaj yip, xchi d'a eb'.

Mt 26:41 Referans Kwoze

Lc 22:46

Yuj cha, xyaln 'ixtc 'a eb': —¿Tas yuj tzex wayi? Q'uen̈ec wa'an. Leslwan̈ec, sec toq'ue ma'oj eyajx prowal, xchi 'a eb'.

Mr 14:38

Pitzc 'el e wayan̈, leslwan̈ec, sec toq'ue ma'oj eyajx prowal. A e pixan te'n toni, palta ax e niwnal may ste'nal, xchi 'a eb'.

Ef 6:18

An̈jtona', smasnil tiempo caw tzex leslwi 'a Dios yet' spoder Yespíritu, tze c'ann tas 'a 'a. Caw tzeya'ch e nab'en e leslwi. Man̈ ex tzactzjoc. Leslwan̈c yuj jantcn̈ej eb' yic xo Dios quet'ec.

Mt 6:13

Man̈ on̈ a cha 'ejmc yuj maysch'olnil on̈. Tzon̈ a coln can pax 'el 'a yol sc'ab' win syajlil maysch'olnil on̈. [Yujto smasnil tiempo cojn ach yajl ach. Caw niwn a poder, caw niwn el'chi. B'o cab' 'ixta', xe chi.]

Lc 21:36

Yuj cha, caw lista tzeyutj e b'a. Leslwan̈c 'a smasnil tiempo sec 'ay e te'nal yic wach' 'oj stac' e coln 'el e b'a 'a jun tzo'n̈ 'oj jawc cha. Ma'oj e q'uixw e c'och 'a wojltac an 'Ochnc in 'Anmal tic, xchi Jesús 'a eb'.

Apoc 16:15

'Ix yaln Cajlilec 'ixtic: 'Ab'ec, 'icha sc'och junc 'elc'um, 'ixta 'oj in c'och tza'njoc. A wal ex lista eyaji, caw wach' eyico'. 'Icha to man̈ ex wayn̈coc, 'icha to 'aych e pichul. Ax xo ex man̈ listaoc eyaji, ax in c'ochi, 'icha to jitn ex 'eli, ax e b'eyc' 'a sat eb' 'anma smasnil. Caw 'oj eyac' e q'uixwloc, xchi.

1 Co 16:13

Macwjan̈ec, caw te'n tzeyutj e b'a eya'n 'och e c'ojl 'a Cajlilec. Man̈ ex xiwoc. Caw tze te'wtzej e b'a junjn ex.

A Sb'ab'el Carta San Pedro 5:8

Caw lista tzcutjec qui b'a, macwjcoyec. Yujto 'icha junc no león tz'el yaw, tz'ec' saync 'ec' junc mach tzyac' lajwoc, 'ixta yec' jun 'ajc'ojl yajch 'ayn̈ec, atn win diablo.

1 Co 10:13

Jantcn̈ej jun tzo'n̈ prowal tzjaw 'a quib'n̈ec, lajnn̈ej yet' jun tzo'n̈ tzjaw 'a yib'n̈ eb' 'anma smasnil. Palta a Dios tz'a'n 'el'choc tas tzyala. Matz on̈ schaj 'ajxoc prowal yuj junc tas matz techj cujec. A yic tzjaw junjn prowal cha, a tz'a'n qui na'ec, tas tzcutjec qui coln qui b'a 'a 'a, sec wach' tztechj cujec.

A Schab'il Carta San Pedro 2:9

An̈jtona', 'ixta pax ticnec. Yojc Dios, tas tzyutj scoln eb' 'aych snab'en 'a 'a, yic tz'ajx prowal eb'. Yojc paxi, tas tzyutj ya'n can 'at eb' man̈ tojloc snab'en 'a yailal. Ata tzcan eb', masnto 'oj jawc jun c'ual, yic 'oj wach' b'eyc'ojlaxc eb'.

Mt 24:42

Yuj cha, caw lista tzeyutj e b'a, yujto man̈ eyojcoc jantc yorail 'oj in jaw an Yajl in tic.

Apoc 3:10

Caw xeyiclj jun in checnb'il yic waln 'ayex, to caw tzeyac' techjoc. Yuj cha, 'oj ex in tan̈wc 'a yol sc'ab' jun niwn prowal 'oj 'a'nc prowal smasnil 'anma 'a yolyib'n̈q'uinal.

A Sb'ab'el Carta San Pedro 4:7

A ticnec, jab'xoj 'oj lajwc 'ec' smasnil tas. Yuj cha, caw lista tzcutjec qui b'a. Te'n tzcutjec qui nab'en qui leslwi.

Lc 22:40

A yic xc'och ta', 'ix yaln 'a eb' 'ixtic: —Leslwan̈ec, sec toq'ue ma'oj eyajx prowal, xchi 'a eb'.

Gl 5:24

An̈ yic on̈c xo Cristo, man̈x 'a yel'ch qui tu nab'enal 'ayn̈ec, yet' jun tzo'n̈ maysch'olnil tzqui nib'jec 'ochi. 'Icha to 'ac'b'ilx 'och 'a spenc culs cujec.

1 Co 9:27

Caw tzin tench wan in niwnal tic. Tzwac' cuenta in b'a si'mb'il. Yujto wach'xam til wal eb' xwawtj cot wet' 'a jun 'icha tajnel tic, palta toto matz wac' cuenta in niwnal tic, 'ay smay matz in chax 'och yet' eb'.

Mt 25:13

Yuj cha, tzwal 'ayex, caw lista tzeyutj e b'a, yujto man̈ eyojcoc, 'aja sc'ual, yorail ['oj in jaw an 'Ochnc in 'Anmal tic.]

Salmos 119:32

'Oj wac' 'ip in b'eylb'an jun tzo'n̈ a checnb'il tic, yujto tzac' wal in tzaljc'ojlal.

Mt 26:38

Yuj cha, xyaln 'ixtc 'a eb': —'Ijn wal tzin cham yuj cusc'ojlal, cann̈ec 'a tic. Pitzn ex cab' wet'oc, xchi 'a eb'.

Salmos 119:1

Mamin Jehová, a eb' tojl sb'eyb'al 'a a sat, wach' yic eb', yujto tzb'eylb'ej eb' a cuynb'il.

Ro 8:3

Yuj qui tu nab'enalec tic, matz tac' qui yiclniec tas tzyal ley yic Moisés. Yuj cha, may yopiso jun ley chi on̈ scolnec. Palta ax Dios on̈ colnec. A 'a'jnac cot Yunnal, wul ya'nc 'och sb'a 'anma'il. Lajn sniwnal 'icha quic an̈ 'ajmul on̈c tic. A 'ix wul cham yuj qui mulec. A yic 'ix cham yet' sniwnal, 'ix ya'n ganar 'a yib'n̈ maysch'olnil, sec wach' man̈x 'a yaln maysch'olnil chi yic 'ayn̈ec.

Lc 11:4

'Ac' lajwc qui mul on̈, yujto an̈ tic on̈ tzcac' pax niwnc'ojlal 'a jantcn̈ej eb' tzlaj 'och smul 'ayn̈ on̈. Man̈ on̈ a cha 'ejmc yuj maysch'olnil on̈, [tzon̈ a coln can pax 'el 'a yol sc'ab' win syajlil maysch'olnil on̈,] xe chi, xchi 'a eb'.

Lc 8:13

Ax jun tzo'n̈ 'in̈t xc'ochcn 'a yib'n̈ samq'ue'en, tzyal 'el'chi 'ay eb' 'anma tz'ab'n spaxti Dios, caw tzaljc'ojlal tzchaj eb'. Palta may ste'nal eb', jab' wal tiempo tzya'ch eb' 'a sc'ojol, yujto a yic tzjaw junc prowal 'a yib'n̈ eb', yajn̈ej tz'elx can eb' muc'uc.

Salmos 119:117

Colwjan̈ wet'oc sec tzin colchj cani; caw tzin tzalj yet' jun tzo'n̈ a cuynb'il tic 'a smasnil tiempo.

Salmos 119:115

'El cab' eb' maysch'olnil snab'en tic 'a in tz'ey, yujto tzin nib'j in yicl a checnb'il ach in Diosal.