Mt 26:14 - Chuj San Sebastian Bible

¹⁴ 'Ay jun scuywum Jesús 'a scal eb' lajchwa'an̈, atn Judas win 'aj Queriot, 'ix 'at sc'umc sb'a yet' ewin sat ya'mal 'och sti eb' 'anma 'a Dios,

Chuj San Mateo Bible

¹⁴ Ay jun vin̈ d'a scal eb' vin̈ slajchavan̈il, aton vin̈aj Judas aj Queriot, ix b'at lolon vin̈ yed' eb' vin̈ sat sacerdote.

Mt 26:14 Referans Kwoze

Mt 10:4

'Ayc' pax junx win tzcuch Simón win cananeo yet' pax Judas win 'aj Queriot, atn jun x'a'n 'och Jesús 'a yol sc'ab' chamel.

A Tas Sc'ulejnac Eb' Schecab' Jesús Hechos 1:16

—Ex wu'tac, ex wanab', yowlal x'el'ch 'icha yaj stz'ib'x can 'a Ch'an̈ U'un̈. Yujto a Yespíritu Dios 'a'jnac stz'ib'c can David, chajtlto a win Judas ch'oxwjum 'a eb' tzyamn Jesús.

Jn 13:30

Xlajwn̈ej swan win Judas jab' pan cha, 'ix yi'n 'el sb'a 'a scal eb', caw sq'uic'b'alil xo.

Jn 13:2

Ax win Judas, yunnal Simón 'aj Queriot, tox 'ix 'och win diablo 'a spixn winac, sec a win tz'a'n 'och Jesús 'a yol sc'ab' chamel. Palta yojc Jesús to a 'a Dios cotnac, ata 'oj paxx q'ue'i. Yojtac a qui Mam Dios 'a'jnac smasnil tas 'a yol sc'ab'. Ax yic wan swa yet' eb' scuywum, 'ix q'ue lin̈an. 'Ix yi'n 'el jun spotil, sb'a'n 'och jun toaya 'a snan̈al.

Mt 27:3

A win Judas x'a'n 'och Jesús 'a yol sc'ab' ewinac, a yic xyilni to tzya'ch ewin chaml 'a yib'n̈ Jesús cha, yuj cha, caw xcus win yuj smul cha. 'Ix 'atx win 'a 'aj 'ay ewin sat ya'mal 'och sti eb' 'anma cha, yet' ewin 'ichmtac winac, 'ix snib'j win ya'x can meltzjoc 30 q'uen tumn plata 'ix chaj 'a ewinac.

Mt 26:47

Wanto yaln jun cha, 'ix jaw win Judas. A win cha, yit cuywumal sb'a cob' yet' eb' uxlchwa'an̈, til wal 'anma xjaw yet' winac, yet' eb' smachit, yet' eb' ste'. 'Ix checx 'at eb' yuj ewin sat ya'mal 'och sti eb' 'anma 'a Dios, yet' ewin 'ichmtac winc 'ay yopiso.

Jn 18:2

Ax win Judas, tz'a'n 'och Jesús 'a yol sc'ab' chamel, yojc pax win jun lugar cha, yujto niwn 'ejm syamjnac sb'a Jesús yet' eb' scuywum ta'.

Mt 26:25

Ax win Judas, 'oj 'a'nc 'och Jesús 'a yol sc'ab' chaml cha, 'ix yaln win 'ixtc 'a 'a: —Ach in Cuymal, ¿man̈ inoc am an tic? xchi 'a 'a. —Ach ton tic, xchi 'a winac.

Jn 12:4

'Ay jun scuywum Jesús Judas sb'i, yunnal Simón 'aj Queriot. Atn win 'oj 'a'nc 'och Jesús 'a yol sc'ab' chamel. 'Ix yaln win 'ixtic:

Jn 13:26

'Ix yaln Jesús chi 'ixtc 'a 'a: —'Oj in lab'c 'ejm jab' pan tic 'a scal vinagre tic, ax mach 'aj 'oj wac'a', atn jun cha, xchi. —Xlajwn̈ej yaln Jesús jun cha, 'ix slab'n 'ejm jab' pan chi 'a scal jun vinagre cha, 'ix ya'n 'a win Judas, win yunnal Simón 'aj Queriot.

A Tas Sc'ulejnac Eb' Schecab' Jesús Hechos 1:18

Palta schaj win tumn 'a spatquil jun maysch'olnil 'ix sb'o'o. Sman win jun slum yet' q'uen tumn cha. Xlajwn̈ej cha, xpilch'j cot n̈ojnjoc winac. Xn̈i'chj 'elt yol sc'ojol.