Mt 25:45 - Chuj San Sebastian Bible

⁴⁵ Palta 'oj wal 'ixtc 'a eb': Wal yel tzwal 'ayex, a yic ma'ex colwj 'a jun tzo'n̈ eb' tic, wach'xam may yel'ch eb', tzyal 'el'chi, a 'ayn ma'ex colwji, 'oj in chic 'a eb'.

Chuj San Mateo Bible

⁴⁵ Palta ol valan d'a eb': Val yel sval d'ayex, ayic maj ex colvaj d'a juntzan̈ eb' tic, vach'chom malaj tz'och eb', syalelc'ochi, a d'ayin maj ex colvajoc, xin cham d'a eb'.

Mt 25:45 Referans Kwoze

Pr 21:13

A mach matz chaj yab' tas tzc'an eb' meb'a', ax yic 'oj yalnc sb'a 'a Dios, ma'oj scha Dios yab' tas 'oj sc'an cha.

Pr 17:5

Toto tzon̈ b'uchwjec 'a eb' meb'a', 'icha wal to a 'a Dios wan qui b'uchwjec, atn jun b'ojnac eb'. Toto tzon̈ tzaljec yic tz'och syailal junc xo mach, 'oj jawc pax yailal 'a quib'n̈ec.

A Tas Sc'ulejnac Eb' Schecab' Jesús Hechos 9:5

—Mamin, ¿mach ach? xchi winac. —An ton tic Jesús in. Caw an tzin a pech b'eyc'oc. [Palta mun tzextj 'el a b'a, 'icha junc wacax, tztecx 'och te 'a 'a, tzte'wj pax 'a jun te cha, xchi Jesús 'a winac.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Pr 14:31

Toto tzquixtjec eb' meb'a', caw tzqui patquiljec can 'el Dios, atn jun mach b'ojnac eb'. Palta toto tz'o'ch qui c'ojlec 'a eb', wan qui ch'oxnec 'eli to 'ay yel'ch Dios 'a qui satec.

Salmos 105:15

Man̈ e tzuntzc eb' sic'b'il 'el wuj tic, man̈ eyixtc eb' in checb' tic, xchi.

Zacarías 2:8

A Jehová tztac' yuj smasnil, a in checn coti yic tzwaln jun tzo'n̈ paxti 'a yib'n̈ jun tzo'n̈ nacion̈ 'ix 'i'n can 'ec' tas 'ay 'ayex. A Jehová a tzaln 'ixtic: Tzann̈j mach tz'och sc'ab' 'ayx in chon̈b' ex tic, 'icha to a 'a sc'ul yol in sat tzlow sc'ab'. Yuj cha, an wal 'oj wac' owl yet' jun tzo'n̈ nacion̈ cha, an 'oj in chec eb' nacion̈ 'aych 'a yaln̈ schecnb'il yic tzya'n owl yet' eb', yic tzcan eb' 'a yaln̈ yuj eb', xchi Dios. 'Ixtnta 'oj yutc Jehová sch'oxn stzictznial, ax eyojcan 'eli chajtlto checb'iln cot yu'uj.

Nm 24:9

Lajn 'icha junc no león pun̈n 'ejm swayi: Toc 'ay mach tztac' stzuntzni. Alx cab' wach' paxti 'a yib'n̈ mach tzaln wach' paxti 'a eb' israel, ax mach tzaln tu paxti 'a yib'n̈ eb', catb'tzax cab' cani, xchi Balaam.

Gn 12:3

'Oj wac' in yaxilal 'a eb' wach' 'oj yutc snab'en 'ayach, ax eb' tu 'oj yutc snab'en 'ayach, 'oj in catb'oc can 'el eb'. O'oj ax wa'n yaxilal 'a yib'n̈ smasnil 'anma 'a yolyib'n̈q'uinl tic, xchi Dios.

Mt 10:41

A eb' tzchan junc schecb' Dios, yujn̈ej to schecb' Dios yaji, 'oj scha eb' spac 'icha yic eb' schecb' Dios cha. A eb' tzchan junc mach tojl sb'eyb'al, yujn̈ej to tojl sb'eyb'al, 'oj scha eb' spac 'icha yic eb' tojl sb'eyb'al cha.

Mt 25:44

Yuj cha, ax yaln eb' 'ixtc 'ayin: Mamin, ¿b'a'n̈i ach quil chi 'on̈, yic yoch a wejel, a tacn̈til cha, yic a b'eyq'ui, yic may wal a pichl cha, yic ya'ay ach, yic preso aji? ¿Tom 'ay 'aj ma'on̈ colwj 'aych on̈? 'oj schic eb' 'ayin.

Mt 25:46

A eb' cha, 'oj 'atcn eb' 'a yailal 'a jun 'ejmn̈ej. Palta ax eb' tojl sb'eyb'al, 'oj scha eb' sq'uinl 'a jun 'ejmn̈ej, xchi Jesucristo 'a eb'.

1 Co 8:12

Yuj cha, a eb' mant 'a ste'nal cha, toto eyu'uj, tzjuw 'el jun snab'en eb' tz'a'n cuenta, a 'a Cristo tz'och e mul.