Mt 25:12 - Chuj San Sebastian Bible

¹² Palta xyaln 'elt win 'ixtc 'a eb': Ma'ay, wal yel tzwal 'ayex, man̈ ex wojcoc, xchi win 'a eb' 'ix. 'Ixta tzyal jun 'abx tic.

Chuj San Mateo Bible

¹² Axo ix yalan vin̈ d'a eb' ix: Val yel sval d'ayex, man̈ ex vojtacoclaj, xchi vin̈ d'a eb' ix.

Mt 25:12 Referans Kwoze

1 Co 8:3

Palta a eb' tzchamc'ojlan Dios, 'ojcab'il xon eb' yu'uj.

2 Ti 2:19

'Icha junc yipn̈ub' yich n̈a, man̈ jac tz'ib'xi, 'ixta xyutj Dios ya'n can 'ejm yich yiglesia. 'Aych jun seyo 'a 'a, tzyaln 'ixtic: A Cajlil, toxn yojtac mach eb' yic xoni, xchi. Tzyaln pax junx tic: Tzann̈j mach tzalni, to yic Cristo, yowlal tzyactj can sb'on smasnil maysch'olnil, xchi jun seyo cha.

Jn 10:27

A eb' wico', tzya'ch eb' schicn 'ayin. An xo tic, wojc eb'. 'Icha e no calnelu tz'och tza'n yuj yilmal, 'ixta tz'ajch tza'n eb' wu'uj.

Jn 9:31

Cojquec, caw matz yab' Dios slesl eb' maysch'olnil sb'eyb'al. Cojn eb' tzyal sb'a 'a 'a, eb' tzyiclni tas tzyala, cojn eb' tzyab' yico'.

Salmos 5:5

A eb' b'an̈quintac, ma'oj stac' sc'och eb' 'a ojltac. Ach tic tza chacl eb' tzb'on maysch'olnil.

Salmos 1:6

A Jehová a tztan̈wni eb' tojl sb'eyb'al, palta ax pax eb' tu sb'eyb'al, wan s'atcn eb' 'a syailal.

Gl 4:9

Al ticnec eyojc xo Dios. Yel xo wach' tzcala, a Dios tox ex 'ojcan 'eli. Yuj cha, ¿tas yuj tzex meltzj pax 'a jun tzo'n̈ b'eyb'al caw may yel'chi? ¿Tas yuj tze nib'j tzeya'x servil jun tzo'n̈ cha?

Habacuc 1:13

Ach tic, caw wal matz chaj a c'ojl tas tu', matz a nib'j el jun tzo'n̈ qui maysch'olnilal an̈ 'anman̈ tic on̈. ¿Tas pax yuj ton̈j tzach 'och q'ueln 'a eb' 'anma maysch'olnil tic jun? 'In a eb' 'anma wach' to wal 'a yib'n̈ eb', 'a eb' wan satx 'el yuj eb'.

Mt 25:11

Ax yic 'ix japx eb' may snab'en cha, 'ix cob' 'awjc 'och eb' 'ixtic: Mamin, mamin, jacn̈ 'och on̈, xchi cob' eb'.

Mt 25:13

Yuj cha, tzwal 'ayex, caw lista tzeyutj e b'a, yujto man̈ eyojcoc, 'aja sc'ual, yorail ['oj in jaw an 'Ochnc in 'Anmal tic.]

Lc 13:25

Yujto a Dios, lajn 'icha junc win 'ajn̈a tzq'ue wan lin̈n 'a smexa, tzmacn yatut cha. 'Oj lajwc cha, ax xo tzex can 'a sti n̈a cha, 'ojt cob' eyawj 'och 'a 'ixtic: Mamin, jacn̈ 'och et' on̈, 'oj e chioc. Palta 'oj yal 'ayx 'ixtic: Man̈ ex wojcoc, 'ajm 'ay ex, 'oj schioc.