Mt 24:42 - Chuj San Sebastian Bible

⁴² Yuj cha, caw lista tzeyutj e b'a, yujto man̈ eyojcoc jantc yorail 'oj in jaw an Yajl in tic.

Chuj San Mateo Bible

⁴² Yuj chi', te lista tzeyutej e b'a, yujto man̈ eyojtacoc jantac yorail ol in javoc, a in e Yajal vaji.

Mt 24:42 Referans Kwoze

Lc 21:36

Yuj cha, caw lista tzeyutj e b'a. Leslwan̈c 'a smasnil tiempo sec 'ay e te'nal yic wach' 'oj stac' e coln 'el e b'a 'a jun tzo'n̈ 'oj jawc cha. Ma'oj e q'uixw e c'och 'a wojltac an 'Ochnc in 'Anmal tic, xchi Jesús 'a eb'.

1 Ts 5:6

Yuj cha, matz tac' lajn tzcutjec qui b'a 'icha jun tzo'n̈ xo eb' 'anma'. 'Icha to waync eb', yujto matz tan̈wj eb' sjaw jun c'ul cha. Yowlal tzon̈ macwjec, te'n tzcutjec qui nab'en.

Mt 25:13

Yuj cha, tzwal 'ayex, caw lista tzeyutj e b'a, yujto man̈ eyojcoc, 'aja sc'ual, yorail ['oj in jaw an 'Ochnc in 'Anmal tic.]

Apoc 16:15

'Ix yaln Cajlilec 'ixtic: 'Ab'ec, 'icha sc'och junc 'elc'um, 'ixta 'oj in c'och tza'njoc. A wal ex lista eyaji, caw wach' eyico'. 'Icha to man̈ ex wayn̈coc, 'icha to 'aych e pichul. Ax xo ex man̈ listaoc eyaji, ax in c'ochi, 'icha to jitn ex 'eli, ax e b'eyc' 'a sat eb' 'anma smasnil. Caw 'oj eyac' e q'uixwloc, xchi.

1 Co 16:13

Macwjan̈ec, caw te'n tzeyutj e b'a eya'n 'och e c'ojl 'a Cajlilec. Man̈ ex xiwoc. Caw tze te'wtzej e b'a junjn ex.

Mt 24:36

Palta may mach 'ojtnac, 'aja c'u, jantc yorail 'oj in jawi. An̈jtona eb' ángel 'ay 'a satcha'an̈, man̈ yojcoc eb'. An xo tic, yunnaln Dios, palta man̈ wojcoc paxi, cojxn Dios Mamb'il a 'ojtnac.

Ro 13:11

Tic tzwalb't junx tic 'ayex. Nachj cab' 'el eyu'uj, tas yaj jun tiempoal 'aj 'ayn̈ec 'ec' tic. Yujto a ticnec, stiempoal xo 'icha to tzqui pitzc 'el qui wayan̈, yujto jab'xoj wal 'oj qui wach' colchjec. Man̈ 'ichaoc 'a yic yalan̈, yic qui b'ab'l 'a'nec 'och qui c'ojl 'a Cristo.

Mt 24:44

Yuj cha, an̈jtona 'ex, caw lista tzeyutj e b'a, yujto a yic tze na'a to matz in jawi, lemb'il ata 'oj in jawi.

A Sb'ab'el Carta San Pedro 5:8

Caw lista tzcutjec qui b'a, macwjcoyec. Yujto 'icha junc no león tz'el yaw, tz'ec' saync 'ec' junc mach tzyac' lajwoc, 'ixta yec' jun 'ajc'ojl yajch 'ayn̈ec, atn win diablo.

A Sb'ab'el Carta San Pedro 4:7

A ticnec, jab'xoj 'oj lajwc 'ec' smasnil tas. Yuj cha, caw lista tzcutjec qui b'a. Te'n tzcutjec qui nab'en qui leslwi.

Mt 24:43

Q'uinloc 'ay junc win 'ajn̈a ticnec, toto yojtac janc' tzjaw junc 'elc'm 'a 'ac'wal, caw lista 'oj yutc sb'a, sec ma'oj stac' yoch jun 'elc'm cha.

Mt 25:10

Yuj cha, x'at eb' 'ix chi sman yico'. 'Ayt 'at eb' 'ix, 'ix jaw win tznupn cha. A eb' lista xon yaj yet' scantil, 'ix 'ochcn eb' yet' win 'a 'aj tznupn cha, xlajwn̈ej cha, 'ix macx can te puerta.

Lc 21:34

Tzeyac' wal cuenta e b'a, man̈ e cha pitb'oc e b'a yuj pec'al, yuj 'u'lan̈, mto yuj tzann̈j junc xo tas tzex 'och 'il yuj 'a yolyib'n̈q'uinl tic. Toto ma'ay, ax 'oj jawc jun c'u cha, man̈ listaoc eyaji.