Mt 24:37 - Chuj San Sebastian Bible

³⁷ 'Icha jun tiempoal yic yec' win Noé, 'ixta 'oj 'aj jun tiempoal yic 'oj in jaw an 'Ochnc in 'Anmal tic.

Chuj San Mateo Bible

³⁷ Icha d'a stiempoal vin̈aj Noé, icha chi' ol aj jun tiempoal ayic ol in ja a in Ac'b'il in cot yuj Dios voch animail tic.

Mt 24:37 Referans Kwoze

A Schab'il Carta San Pedro 3:6

Palta xlajw cha, c'uxn lajwnac 'el smasnil tas 'a yolyib'n̈q'uinl tic yuj a', yujto xcan 'a yich a'. Atn jun tzo'n̈ tic, matz nib'j eb' tzna coti.

A Schab'il Carta San Pedro 2:5

An̈jtona', ma'ix yac' Dios niwnc'ojlal 'a eb' 'anma 'a yic pecti'. Ya'jnac cot jun owl yaxn̈ab' 'a yib'n̈ eb' maysch'olnil cha. Cojxn wal Noé colchjnac 'el yet' ucwn̈ eb' yico'. A Noé cha, yaljnac can 'el 'a scal eb' 'anma cha, chajtlto yowlal tojl tzyutj eb' snab'en.

A Ch'an̈ Carta D'a Eb' Hebreo 11:7

A Noé, caw ya'jnac 'och Dios 'a sc'ojol. Yuj cha, yic yaln Dios 'a 'a, to tzjaw jun mant checloc, atn jun caw 'ay smay, syicljnac. Yuj cha, sb'ojnac jun barco, sec ata tzcol sb'a yet' eb' yico'. Ax jun tzo'n̈ xo eb' 'anma', c'uxn lajwnac 'el eb' smasnil. An̈jtona', yaljnac Dios to wach' Noé chi 'a sat, yujn̈ej to ya'jnac 'och sc'ojl 'a 'a.

Mt 24:39

Palta ma'ix nachj 'el xon jac yuj eb', masnto xjaw jun yaxn̈ab' cha, ata xcham eb' smasnil. 'Icha 'ajnc eb' 'a jun tiempoal cha, 'ixta 'oj 'aj eb' 'anma', yic 'oj in jaw tza'njoc.

Gn 6:8

Cojxn wal Noé wach' snab'en 'a sat Jehová.

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

Mt 24:3

Xlajw cha, 'ix 'at eb' 'a tzaln Olivo, x'at 'em wocn Jesús ta'. Ax eb' scuywum, 'ix jaw eb' sch'ocj 'a 'a, 'ix yaln eb' 'ixtic: —Tzqui nib'j tzal 'ayn̈ on̈, ¿b'a'n̈ 'oj jawc jun chi xal cha? ¿Tas junc senya 'oj sch'ox Dios yic jab'xoj 'oj a japxi, yet' 'a yic 'oj lajwc 'ec' jun tiempoal tic? xchi eb' 'a 'a.

Mt 24:27

Yujto 'icha junc raya, c'uxn tzcheclj 'a yolyib'n̈q'uinl tic, tzcheclj 'a 'aj tzq'uel c'u, tzcheclj pax 'a 'aj tz'em c'u, 'ixta 'oj 'aj scheclj in jaw an 'Ochnc in 'Anmal tic.

Mt 24:30

'Ixta to b'i'an, ax scheclj jun senya 'a satcha'an̈, chajtlto an 'Ochnc in 'Anmal tic, an tzin jawi. Ax eb' 'anma 'a junjn chon̈b' 'a yolyib'n̈q'uinl tic, 'oj 'oc' eb', yujto 'oj yil eb' in jaw 'a scal 'asun. Man̈ jantcoc in poder yet' in tzictznial, ax in jawi.