Mt 24:17 - Chuj San Sebastian Bible

¹⁷ A eb' 'ay q'ue 'a span̈nil yib'n̈ yatut, yic tz'em paxt eb', man̈x cab' 'och eb' yic' 'elt junc tas 'a yol yatut cha, yic tz'at eb' 'eloc.

Chuj San Mateo Bible

¹⁷ A eb' ayq'ue d'a span̈anil yib'an̈ spat, man̈xoocab' emixta eb' yic tz'och eb' yiq'uelta junoc tas d'a yol spat, yic sb'at eb' elelal.

Mt 24:17 Referans Kwoze

Mt 10:27

A jun tzo'n̈ tas tzwal 'ayx 'a c'ultaquil, c'uxn tzeyal-l 'a eb' 'anma'. Yet' jun tzo'n̈ xo tas tzlaj in c'ultac alc 'a e chiquin, c'uxn tzlaj eyal-l 'a yoltc caye.

A Tas Sc'ulejnac Eb' Schecab' Jesús Hechos 10:9

Ax 'a junx c'u 'a chimc'ual, yic wan sc'och eb' checb' chi 'a sla'nil chon̈b' Jope cha, ax Pedro 'ix q'ue leslwoc 'a span̈nil yib'n̈ yatut win Simón cha.

Lc 12:3

Yuj cha, jantcn̈ej tas xeyal 'a c'ultaquil, c'uxn 'oj yab' eb' 'anma smasnil. Yet' jantc tas xlaj e c'ultac alj 'a schicn eb' 'anma', c'uxn 'oj alxc 'el 'a scal eb' 'anma 'a caye.

Lc 5:19

Palta matz tac' yoch eb' yet' winac, yujto caw sin̈n̈i yajch eb' 'ama 'a yol jun n̈a cha. Yuj cha, xq'ue eb' 'a span̈nil yib'n̈ n̈a, 'ix yoln eb'. Xlajw cha, xya'n 'ejm t'un̈noc eb' win yet' swaynub' 'a scal eb' 'anma cha, 'ix 'ejm win 'a yojltac Jesús.

Mt 6:25

Yuj cha, tzwal 'ayex, man̈ ex 'och 'il yuj e tzatzl 'a tic, yuj tas 'oj e c'uxu', mto yuj tas 'oj eyuc'; man̈ e na yuj e pichl tzeya'chi. A Dios x'a'n qui tzatzlec, ocxo tas tzqui c'uxec, ¿tom ma'oj yac'a'? A x'a'n qui niwnalec tic, ocxom wal qui pichlec, ¿tom ma'oj yac'a'?

A Ch'an̈ B'ab'el Libro Samuel 9:25

Ax yic x'emx wul eb' 'a lum tzaln cha, 'ix 'och eb' 'a yol chon̈b' cha. 'Ix paxtin Samuel yet' Saúl 'a span̈nil yib'n̈ yatut.

Dt 22:8

Toto 'ayx tze b'o junc eyatut pan̈n tz'aj yib'an̈, yowlal tzeya'ch smuroal sti 'eli, sec may junc eb' tz'ajx 'och 'a eyib'an̈, toq'ue 'ay junc 'anma tztelwi, mto tzchami.

Job 2:4

'Ix ta'w win 'ajc'ojl chi 'ixtc 'a Jehová: —A junc 'anma to man̈oc 'a sniwnal tz'och yailal, toc 'ay tas tzna'a, tzyaln̈j sc'ojl tzsat 'ejm smasnil tas 'a 'a, cojn toto tzcolchj cani, may tas tzna'a.

A Ch'an̈ Schab'l Libro Samuel 11:2

Ax x'aji 'ay jun yemc'ual, 'ix q'ue wan David chi 'a sat sch'at, 'ix q'ue 'a span̈nil yib'n̈ sdespacho b'eyc'oc. Axta 'ix yil sb'a 'a jun 'ix 'ix wan yachni yic tzsacb'tzan sb'a 'ix. Caw wal wach' yilx 'ix. Yajn̈j cha, 'ix ya'n David c'anb'xoc mach jun 'ix cha. 'Ix alx 'a 'a, to a 'ix Betsabé yisl win Eliam, 'ix yistzil win Urías hitita. 'Ix ya'n 'at David chi schecb' 'a 'ix yic tzcot 'ix ta'wc 'a winac. Ax yic xjaw 'ix, xway win yet' 'ix. 'Ix paxx 'ix 'a yatut.

Mt 24:16

a eb' 'ayc' 'a Judea, 'at cab' eb' 'elc 'a tzalctac.

Mt 24:18

A eb' 'ayb't munljel, man̈x cab' 'at yic' eb' spichul.