Mt 23:5 - Chuj San Sebastian Bible

⁵ Yujn̈ej to tznib'j eb' wach' 'a sat eb' 'anma', tzcob' sb'onc eb' jun tzo'n̈ tas wach' yil eb'. 'Ay jun tzo'n̈ tz'um 'aj tz'ib'b'il 'och jac spaxti Dios, tzya'ch eb' 'a sc'ab' yet' 'a snan̈l sat, caw niwc tzyutj 'och eb' stz'ib'ul sec wach' eb' snan 'a sat eb' 'anma'. Ax sjucn pichl eb' tzya'chi, yel xo wal caw jucn yajch sti yuj eb'.

Chuj San Mateo Bible

⁵ Yujn̈ej to sgana eb' to vach' eb' d'a yichan̈ anima, nivanoc sc'ulej eb' juntzan̈ vach'il chi' yil eb'. Ay juntzan̈ tz'uum b'aj tz'ib'ab'iloch jab'oc slolonel Dios, syac'och eb' d'a sc'ab' yed' d'a snan̈al sat. Nivac syutejoch eb', yic vach' eb' d'a yichan̈ eb' anima snaani. Jucan pax syutejoch spichul eb', yelxo val te jucan yajoch schional yuj eb'.

Mt 23:5 Referans Kwoze

Jn 12:43

'Ixta xyutj sb'a eb', yujto ton̈j tznib'j eb' an̈j 'a sat 'anma 'ay yel'ch eb'. Matz na eb', toto 'ay yel'ch eb' 'a sat Dios.

A Scarta San Pablo D'a Eb' Aj Filipos 2:3

Caw matz tac' qui'nec chan̈ qui b'a, mto tzqui b'an̈nec qui b'a. Palta caw 'emmquilaln̈ej tzlaj cutquec qui b'a. Junjn 'on̈ec, yowlal tzqui na'a, to yel xo cab' niwn yel'ch eb' quit creyenteal 'a quib'n̈ junjn on̈ec.

Jn 5:44

Toto an̈j 'a e sat junjn ex tze nib'j 'ay eyel'chi, toto matz e nib'j 'ay eyel'ch 'a sat Dios jun caw yel, ¿tom 'oj stac' eya'n 'och e c'ojl 'a 'a?

Lc 16:15

Yuj cha, xyaln Jesús 'ixtc 'a ewinac: Ax xo tic, cojxn 'a sat eb' 'anma wach' tzeyutj e b'a, palta ax Dios, yojtac tas yaj e nab'en. A jun tzo'n̈ tas niwn yel'ch 'a sat eb' 'anma', caw yajb'il yuj Dios.

Dt 6:8

'A'c 'och jun tzo'n̈ checnb'il tic 'a e c'ab' yet' 'a snan̈l e sat, 'icha to ch'oxnb'il tz'ajch 'ayex.

Lc 20:47

Tzyij 'ec' eb' yatut eb' 'ix 'ix chamnc yichmil. Ax yic tzleslwi eb', caw najt tzyutj eb' yoc slesal, sec tzna eb' 'anma', to may smul eb'. Palta a wal ewin cha, yel xo wal niwn yailal 'oj jawc 'a yib'n̈ ewinac, xchi Jesús.

Dt 22:12

Tzeya'ch yixta'il, mto yelwnub'l e pichl tze potlej, tzeya'ch 'a junjn stitac.

Ex 13:9

'Icha wal yopiso no tz'um 'aych 'a qui c'ab' yet' 'a snan̈l qui sat, 'ixta yopiso jun q'uin̈ tic yic tzqui nan coti. Yuj cha, to 'oj calb'tan̈c sley Jehová, ax qui yiclniec paxi, yujto a on̈ 'i'nec 'elt 'a Egipto yet' spoder.

A Scarta San Pablo D'a Eb' Aj Filipos 1:15

Yel toni, 'ay jun tzo'n̈ eb' tzchichn 'och 'ayin, caw tzowx eb'. Yujn̈ej cha, tzyaln 'el eb' yab'xil Cristo. Man̈ smasnilc sc'ojl eb', tzyaln 'el eb'. Ton̈j tzb'an̈ sb'a eb'. Ton̈j tznib'j eb' yel xo niwn yailal tzwab' 'a preso tic. Palta 'ay pax jun tzo'n̈ xo eb', yujn̈ej swach' nab'enal eb', tzyaln 'el eb', yujto tzin schamc'ojlej eb'. Yojc eb', chajtlto 'ayn 'ec' 'a tic, yic tzwaln 'eli, chajtlto caw yel jun wach' 'ab'x yic colnb'il tic.

Jn 7:18

A mach tzpaxtin 'a yol yico', ton̈j tzb'an̈ sb'a, sec 'ay yel'ch 'a sat eb' 'anma snani. Palta an tic, tzin nib'ej to a jun checjnacn coti, 'ay yel'ch 'a e sat. Yuj cha, caw yel tzwala. May jac 'es tzwac'a.

Mt 9:20

Ax 'a scal eb' 'anma wan s'at yet' Jesús cha, 'ay jun 'ix ya'ay. Slajchwil ab'il xo caw ya'ay 'ix yuj a a tz'el 'a 'a. Yuj cha, xc'och 'ix 'a spatquil Jesús, stzayn 'och 'ix sc'ab' 'a sti spichul.

Pr 3:3

Man̈ actc can a b'eylb'an chamc'ojlal yet' yiclumal, molcn wal 'a a nab'en, man̈ ac' sat a c'ojl 'a 'a.

2 Ts 2:4

A jun cha, 'oj yac' owl yet' Dios. 'Oj chichnoc pax 'och 'a jantcn̈ej tas tzalx 'och diosal, yet' 'a jantcn̈ej tas 'aj tzyal sb'a eb' 'anma'. 'Oj 'em wocn 'a yol yatut Dios, ax yaln 'och sb'a Diosal.

A Ch'an̈ Schab'il Libro Yic Yab'ixal Eb' Rey 10:16

'ix yaln Jehú 'a 'ixtic: —Con̈ wet'oc, 'oj el wal chajtl tzwutj wa'n wip 'a tas 'ix yal Jehová, xchi 'a 'a. Yuj cha, 'ix yi'n 'at yet' 'a yol scaruaje cha.

Dt 11:18

Yuj cha, molc can jun tzo'n̈ paxti tic 'a e nab'en yet' 'a e pixan, tzeya'ch 'a e c'ab' yet' 'a snan̈l e sat.

Lv 13:32

Ax yic tzlajw uque c'u cha, tzyiln pax winac, toto matz b'ey jun yab'il cha, may yich, may pax xil tzc'anb' 'eli,