Mt 23:37 - Chuj San Sebastian Bible

³⁷ Ax wal tic ex 'aj Jerusalén, caw ton̈j tzlaj e jul cham eb' schecb' Dios yet' q'uen que'en, atn eb' tzchecx cot 'ayx yu'uj. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni, palta toxn matz yal e c'ojol.

Chuj San Mateo Bible

³⁷ A ex val tic ex aj Jerusalén, chuc eyico', tz'oc' val in c'ool eyuuj. Slaj e miln̈ejcham eb' schecab' Dios. Axo juntzan̈xo eb' schecjicot d'ayex yuj Dios, ton̈ej slaj e julcham eb' d'a q'uen yax q'ueen. Tzijtum elxo in gana tzex vavtejcot d'ayin, icha junoc noc' caxlan̈ syavtejcot yune', smoyanq'ue yune' noc' chi', palta toxon max yal e c'ool.

Mt 23:37 Referans Kwoze

Rt 2:12

A Jehová a 'oj 'a'nc spac 'ayach, yuj smasnil a wach'c'ojlal. 'Ajx cab' spac a wach' nab'enal yuj Jehová qui Diosal an̈ israel on̈ tic on̈, jun 'aj tzach jaw wul a col a b'a, xchi Booz.

Salmos 91:4

'Oj on̈ sc'ub'c 'el yet' spoder, sec may tas 'oj qui'nec. 'Icha junc no caxtiln̈ tzmoy yune', 'ixta 'oj on̈ yutquec yet' spoder. 'Oj on̈ scolc 'el 'icha yaj yaln cani, 'icha tzyac' junc q'uen tzmacn sat jul-lab'.

Salmos 17:8

'Icha wal tzyutj junc mach sya'iln sc'ul yol sat, 'ixta tzin otej. C'ub'j in 'el yet' a poder, 'icha tzyutj no caxtiln̈ smoyn yune'.

Salmos 36:7

Ach in Diosal, man̈x jantcoc satjub'tacl yilx a chamc'ojlal, yuj cha, a 'aych tzqui col qui b'a on̈, 'icha no cotc caxtiln̈ tzcol sb'a 'a yaln̈ sc'axl snun.

Nehemías 9:26

Palta caw stzuntzj cot eb' yowl a c'ojol, caw pit 'ix yutj sb'a eb' 'ayach, 'ix spatquilj can 'el eb' a ley. Caw 'ix tenx 'och wan eb' yuj eb' a checab', sec tzjel eb' sb'eyb'al 'ayach; yuj cha, 'ix milx cham eb' a checb' yuj eb', caw niwquil smul eb' xya'chi, yajb'entac xyutj sb'a eb'.

Salmos 63:7

In a colo yujto 'ayn 'ec' 'a yaln̈ a poder, yuj cha, caw tzin tzalj 'a en̈l 'icha tzyac' no cotc caxtiln̈ 'a yaln̈ sc'axl snun.

Jeremías 35:15

Til wal eb' in checb' in checjnac cot 'ayex, yic tzyaln eb' 'ayex, to tzeyactj can e tu nab'enal, yet' e maysch'olnilal. Matz ex 'och tza'n yuj jun tzo'n̈ xo comn dios, matz eyal e b'a 'a 'a, yic wach' tzex 'aj cajnn̈ej 'a lum lum 'ix wac' 'ayex, yet' 'a eb' e mam eyicham. Palta ax xo tic, jun 'ejmn̈ej ma'ix e chaj eyab'i', ma'ix eyiclj tas xwala.

Mt 23:30

Tzeyaln am cob' 'ixtic: Q'uinloc pitzn on̈c xo, yic yec' eb' qui mam quichmec 'a pecti'. To 'ixta', man̈ on̈ locnoc yet' eb' yic smiln eb' jun tzo'n̈ eb' schecb' Dios cha, xe chi am cob'i'.

Mt 22:3

Yic wan syamchj 'och jun q'uin̈ cha, 'ix checn 'at win eb' schecab', yic tz'at cob' yi'nc cot ewin eb' 'awtb'il cot yuj winac. Palta ma'ix yal sc'ojl eb' xcot 'a jun q'uin̈ cha.

Mt 5:12

Tzaljan̈c si'mb'il, yujto caw niwn spac 'oj e cha 'a satcha'an̈. 'Icha tz'ajx 'och 'a eyib'n̈ ticnec, 'ixta 'ajxnac 'och 'a yib'n̈ eb' schecb' Dios 'a pecti'.

Os 11:2

Palta a yic xwawtn cot cha, yel xo wal najt xyij 'el sb'a 'a in tzey. A eb' in chon̈b' tic, 'ix laj yac' eb' xajmb'al 'a jun tzo'n̈ dios Baal. 'Ix laj sn̈usn eb' incienso 'a yojltac jun tzo'n̈ yechel.

Salmos 57:1

Ach in Diosal, 'o'ch cab' a c'ojl 'ayin. A 'aych tzin col in b'a masnto tz'ec' jun yailal tic 'a wib'an̈. Tzin nib'j tzin col in b'a 'aych 'icha tzyutj scoln sb'a no yune caxtiln̈ 'a yaln̈ sc'axl snun.

1 Ts 2:15

Atn eb' israel miljnac cham eb' yit chon̈b' 'aych schecb'oc Dios pecti'. Milb'il cham pax Cajlil Jesús yuj eb'. Ya'n pax eb' stul 'ayn̈ on̈. Caw may swach'l eb' 'a sat Dios. Caw 'ajc'ojl yajch eb' 'a smasnil eb' 'anma'.

Jeremías 44:4

Til wal 'ejm 'ix wa't eb' in checab', yic tzyaln eb' to matz e b'eylb'ej jun tzo'n̈ cha, yel tzwala, to caw matz chaj in c'ojol.

Mt 22:6

Ax jun tzo'n̈ xo eb' xyamn can ewin schecb' winac. Caw xyac' eb' stul 'a ewinac, masnto smil eb' ewinac.

Zacarías 1:4

Man̈ e pitc e b'a 'icha yutjnac spitn sb'a eb' e mam eyichm cha. Yaljnac eb' in checb' ixtc 'a eb': A Jehová tztac' yuj smasnil, a tzaln 'ayx 'ixtic: Nac wal e b'a yuj e tu b'eyb'al, yet' yuj smasnil maysch'olnilal tze b'o'o, xchi Dios, xchi eb' in checb' cha, palta ma'ix chaj eb' yab'i', ma'ix syiclj eb'.

Os 11:7

A eb' in chon̈b' tic, nab'ilx yuj eb' to tzyij can 'el sb'a eb' 'ayin. Wach'xam cob' tzyal eb' to Cojxn in Niwn Wel'chi, palta matz in yij chan̈ eb'.

Jeremías 26:23

Ax eb' x'at 'i'nc Urías cha, 'ix wul ya'nc eb' 'a yol sc'ab' rey Joacim. Ax win x'a'n milxoc chamoc, xya'n win julxoc 'ejm sniwnal 'a yol xab' 'a 'aj tzmucx eb' comn 'anma'.)

Jeremías 6:8

B'oc e b'eyb'al ex 'aj Jerusalén, sec wach' ma'oj wi'l in nab'en 'ayex, to ma'ay, 'oj wa'cn 'och e lum 'a cusltaquil. Man̈x 'a junc mach 'oj cajnoc, xchi Dios.

Jeremías 4:14

Ex 'aj Jerusalén, 'ijec 'el smasnil tas tu 'ayc' 'a e nab'en, sec 'ixta 'oj eyaj e colchji. ¿B'a'n̈ wal 'oj eyactc e nan jun tzo'n̈ maysch'olnil?

Jeremías 2:30

Nab'axoj tzwa'ch yailal 'a eyib'an̈, 'in matz yal e c'ojl tze chaj eyab' jun cuynb'il waljnac 'ayex. Lajn ex wal 'icha junc no león caw ow, e tzu'jnac cham eb' in checab'.

Is 50:2

¿Tas yuj a yic in jawi, may mach x'ilchj wu'uj? ¿Tas yuj a yic in 'awji, may mach xta'w 'ayin? ¿Tom matz tztechj ex in coln 'el tze na'a? ¿Tom matz tac' ex wa'n 'el 'a libre tze na'a? Cojn junc paxti'al tzwala tztup chan̈ a mar, cusltac tz'ajcn sb'e a niwn a 'aj tzb'eyi, tzlaj cham no chay yuj tacn̈ti'al, tzc'a pax no', yujto man̈x 'a a a cha.

Apoc 17:6

Ax xwilni, caw 'u'm 'an̈ 'ix yuj schic'l eb' yic xo Dios, atn eb' milb'il chamoc, yujto xyac' eb' testigoal sb'a yuj Jesús. Xcaw sat in c'ojl wiln jun cha.

Lc 15:28

Yuj cha, caw xcot yowl winac. Toxn man̈x 'ic yal sc'ojl win x'och 'a yol n̈a cha. Ax smam winac, a x'el ta. 'Ix tew 'och 'a winac, to tz'och win 'a yol n̈a cha.

Is 5:4

¿'Ayt am jacx tzwutj te 'in b'oni? ¿'Ayt am ma'ix nachj wu'uj, tas wal tz'aj te yawxi? To cob' xin tan̈wj ya'n te sat caw wach', ax x'aji paj te sat tic.

Jeremías 32:31

A eb' 'anma 'a jun chon̈b' tic, yictax yel yich sb'on 'ejm sb'a eb' 'a 'a, masnto 'a yic jun c'ul tic, may tas wach' sb'o eb', cojn wal stzuntzn cot eb' yowl in c'ojol. Yuj wal cha, caw 'oj in satl eb'.

Jeremías 36:26

Palta a yic winac, to 'ix yal win 'a win Jerameel win yin̈tl eb' rey, yet' 'a Seraías yunnal Azriel, yet' 'a Selemías, yunnal Abdeel, chajtlto tzin sjalb't eb' an Jeremías in tic yet' jun win tz'ib'n wun̈ cha, atn win Baruc. Palta ax Jehová on̈ c'ub'n 'eli.

Os 7:13

'Oltac wal eb', yujto in yactj can eb'. 'Oj yamchjoc eb' yuj owl 'oj jawc 'a yib'an̈, yujto x'och stenmtacl eb' 'ayin. Tzin nib'j in col eb', palta cojn 'es tzyac' eb' 'ayin.

Mt 23:31

Palta a yic tzeyaln 'ixta', ton̈j tze wach' ch'oxj 'eli, to yin̈tl ex eb' miljnac eb' schecb' Dios cha.