Mt 23:2 - Chuj San Sebastian Bible

² A eb' cuywjum 'a ley yic Moisés yet' eb' fariseo, 'ay yopiso eb' scuywj 'a ley yic Moisés.

Chuj San Mateo Bible

² —A eb' c'ayb'um d'a ley Moisés yed' eb' fariseo, ay yopisio eb' yalan tas yaj ley chi'.

Mt 23:2 Referans Kwoze

Lc 20:46

Tzeyil wal e b'a, sec ma'oj e juw yuj sb'eyb'al ewin cuywjum 'a ley yic Moisés. Yujto caw tzalj ewin yet' jun tzo'n̈ sjucn pichl tzb'eyc' yet'oc. Tznib'n ewin tzlaj yic' 'ejm sb'a eb' 'anma 'a 'a, yic tz'ec' ewin 'a plas. Tznib'n pax ewin tzlaj 'em wocn 'a yet'l eb' niwn yel'ch 'a yol capiya. Yet' 'a yic tzo'ch jun tzo'n̈ niwc wa'el, tznib'j wal ewin tz'em wocn 'a 'ajtil caw wach'.

Mr 12:38

Yic wan scuywj Jesús 'a eb' 'anma', 'ix yaln 'ixtic: Tzeyil wal e b'a, yujto a eb' cuywjum 'a ley yic Moisés, caw 'ay smay sb'eyb'al eb'. Ton̈j tznib'j eb' tzb'eyc' yet' sjucn pichul, ax yic tzlaj 'ec' eb' 'a caye, caw tzalj eb', yic tzlaj ya'nc 'ejm sb'a eb' 'anma 'a eb'.

Malaquías 2:7

A wal yopiso eb' ya'mal 'och sti eb' 'anma 'ayin, to tzcuyx eb' 'anma yuj eb', sec tzin yojquej 'el eb'. Smoj ton wal sc'och smasnil eb' 'anma 'a eb', sec tzchaj eb' cuynb'il 'a eb', yujto a eb' cha, in checb' yaj eb' an Jehová in, tztac' wuj smasnil.

Esdras 7:25

Ach xo tic Esdras, caw 'ay a jelnal 'ac'b'il yuj a Diosal, yuj cha, 'a'ch eb' juez yet' eb' gobernador, sec a eb' tzb'on yaj smasnil eb' chon̈b' 'ay 'a sc'axpil 'ec' a Éufrates. Tza sic' 'elt eb' yojc xo sley a Diosal cha, ax eb' mant 'ojtnacoc, tza cuy eb'.

Esdras 7:6

A Esdras tic paxncta 'a Babilonia cha. Caw cuywjum 'a sley Jehová, atn sDiosal chon̈b' Israel, atn jun ley ya'jnac Jehová 'a Moisés. Yujto 'ix colwj Jehová Dios yet'oc, yuj cha, xya'n win rey Artajerjes smasnil tas 'ix sc'ana.

Dt 33:3

A Jehová caw 'ay schamc'ojlal 'a eb' schon̈ab', a eb' yicxo yaji, 'ayc' eb' 'a yol sc'ab'. A eb' cha, tz'och eb' 'emmquilal 'a 'a, tzyiclni pax eb' schecnb'il.

Mt 23:3

Yuj cha, tzann̈j tas tzyal eb' tzeyiclej, palta ax sb'eyb'al eb', man̈ e b'eylb'oc, yujto a tas tzyal eb', matz b'eylb'ej eb'.